USD 335.71 EUR 357.36 RUB 5.23
استانا:

اردا ونەردىڭ التىن قازىعى – تەاتر

جەتپىس جىلدا جەمىسى جەرگە يىلگەن جەمىس اعاشى سياقتى، تاعدىرىنا تاعزىم جاساپ تۇرعان تەاتردىڭ يەسى مەن كيەسى، ول – ٴوز تاريحىنىڭ ونە بويىندا ومىرشەڭ قالپىن ساقتاپ قالاتىن قاسيەتىندە.

ۋاقىت وزبايدى. ٴبىز ۋاقىتتان وزامىز. اكتەرلار دا، تەاتر تىزگىنىن ۇستاعان ازاماتتار دا تەاتر تاريحىنىڭ ٴبىر-بىر پاراعى بوپ قالار...

ال، تەاتر ونەرى – ماڭگىلىك ەلدىڭ ماڭگىلىك مارتەبەسىنە اينالىپ، تەگەۋرىندى مەملەكەتتىڭ رۋحاني تەمىرقازىعى بولىپ تۇرارى حاق!

قازاقستان رەسپۋبليكاسى تاۋەلسىزدىگىنىڭ 25 جىلدىعى مەن تەاتردىڭ 70 جىلدىق تاريحىنا ارنالعان دراماتۋرگ-اۆتورلار، تەاترتانۋشى، ونەرتانۋشى عالىمداردىڭ قاتىسۋىمەن «جاستار تەاترىنىڭ بۇگىنى مەن بولاشاعى» اتتى رەسپۋبليكالىق عىلىمي-تانىمدىق كونفەرەنسيا ٴوتتى.

ٴىس-شارانىڭ كەلەسى ٴبولىمى رەسپۋبليكالىق جانە جەرگىلىكتى باق وكىلدەرىنىڭ قاتىسۋىمەن پرەسس-كونفەرەنسياعا جالعاستى.

پرەسس-كونفەرەنسيادان سوڭ، قوناقتارعا قازاقستان رەسپۋبليكاسى تاۋەلسىزدىگىنىڭ 25 جىلدىعى مەن تەاتردىڭ 70 جىلدىعىنا ارنايى جاساقتالعان مۋزەي-كورمەلەردى، «كەيىپكەرلەر» گالەرەياسى (پەرفورمانس) تانىستىرىلدى.

مەرەيتويلىق ٴىس-شارا «تاۋەلسىزدىك – تۇعىرىم، تەاتر – مەنىڭ عۇمىرىم» اتتى تەاترلاندىرىلعان كونسەرتتىك، سالتاناتتى كەشپەن جالعاستى.

العاشقى قۇتتىقتاۋ ٴسوزىن قازاقستان رەسپۋبليكاسىنىڭ مەملەكەتتىك حاتشىسى ٴابدىقالىقوۆا گۇلشارا ناۋشاقىزىنىڭ اتىنان – قازاقستان رەسپۋبليكاسى مادەنيەت جانە سپورت ۆيسە-مينيسترى رايىمقۇلوۆا اقتوتى راحمەتوللاقىزى جەتكىزدى.

سونىمەن قاتار، ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاتر ۇجىمىن م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ، م.لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ، ن.ساس اتىنداعى مەملەكەتتىك اكادەميالىق ورىس بالالار مەن جاسوسپىرىمدەر تەاترىنىڭ جانە ت.ب. تەاترلاردىڭ باسشىلارى قۇتتىقتادى.

تەاترلاندىرىلعان-كونسەرتتىك باعدارلامادا تەاتردىڭ قۇرىلۋىنان باستاپ بۇگىنە دەيىنگى ساتتەردى قامتىعان تاريحي فيلمنەن ٴۇزىندى كورسەتىلدى. سالتاناتتى كەشتىڭ باعدارلاماسىندا تەاتردىڭ بارلىق جانرلارى قامتىلعان قويىلىمدار ۇسىنىلدى. بارلىق قويىلىمداردى تەاتردىڭ بۇگىنگى ارتيستەرى مەن بۇرىن وسى تەاتردا قىزمەت ەتىپ، بۇگىندە ەلىمىزدىڭ ماقتانىشتارىنا اينالعان اكتەر-اكتريسالار ورىندادى.

قازاقستان رەسپۋبليكاسى تاۋەلسىزدىگىنىڭ 25 جىلدىعى مەن ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ 70 جىلدىعىنا ارنالعان مەرەكەلىك ٴىس-شارا مارتەبەلى كورەرمەننىڭ قوشەمەتىمەن اياقتالدى

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي