USD 334.31 EUR 355.17 RUB 5.31
استانا:

الىپ تۇلعالى بارتوك

بەلگىلى ۆەنگرلىق پيانينوشى بالاج رەتي جانە قازاقستاننىڭ ەڭبەك سىڭىرگەن قايراتكەرى ابزال ٴمۇحيتدينوۆتىڭ جەتەكشىلىگىندەگى «استانا وپەرا» كامەرالىق وركەسترى، «بەلا بارتوكتىڭ ميكروكوسموسى» اتتى كونسەرت ۇسىنادى. ۆەنگرلىق ۇلى كومپوزيتوردىڭ 135 جىلدىعىنا ارنالعان مۋزىكالىق كەش 17 قازان كۇنى تەاتردىڭ كامەرالىق زالىندا وتەدى.

ايگىلى شەبەر پيانينوشى، الەم حالىقتارىنىڭ ٴان شىعارماشىلىعىن زەرتتەۋشى عالىم-فولكلورشى ب. بارتوك حح عاسىردىڭ تەرەڭ ويلى ٴارى ىقپالدى جاڭاشىل تۇلعالارىنىڭ ٴبىرى. كومپوزيتوردىڭ ۆەنگرلىك مۋزىكا مادەنيەتىنە ىقپالى زور بولدى، ونىڭ مۋزىكاسى الەم بويىنشا ۇلكەن سۇرانىسقا يە.

اتالعان كەشتە تىڭدارمانعا ب. بارتوكتىڭ ىشەكتى اسپاپتارعا ارنالعان تۋىندىلارى، سونداي-اق فورتەپيانولىق شىعارمالارى: رۋمىننىڭ حالىق بيلەرى، «ميكروكوسموس» كەزەڭىنەن پەسالار جانە تاعى باسقاسى ۇسىنىلادى.

بالاج رەتي – گۋمانيتارلىق عىلىمدار دوكتورى، ب. بارتوك مۋزىكالىق ينستيتۋتىنداعى فورتەپيانو ٴبولىمىنىڭ مەڭگەرۋشىسى. ول ف. ليست اتىنداعى مۋزىكا اكادەمياسىنىڭ تۇلەگى (پروفەسسور د. نادوردىڭ سىنىبى). ورىنداۋشى دۋبلين (يرلانديا)، سحەۆەنينگەن (گوللانديا)، بوردو (فرانسيا)، پەرچاح (اۆستريا) جانە تاعى باسقا قالالاردا وتكەن حالىقارالىق بايقاۋلاردىڭ جەڭىمپازى. انني فيشەر شاكىرتاقىسىنىڭ يەگەرى (1999-2001). ونىڭ كونسەرتتەرى ٴدۋبليننىڭ ۇلتتىق كونسەرت زالىندا (يرلانديا)، بەرليندىك كونسەرتحاۋستا (المانيا)، گۆادالاحاراداعى دەگوللادو تەاترىندا (مەكسيكا)، دجاكارتاداعى «بالاي ساربيني» زالىندا (يندونەزيا) ٴساتتى وتكەن.

كونسەرتتىڭ جۇرگىزۋشىسى – مۋزىكاتانۋشى ساۋلە ماۋلەتوۆا.

باستالۋى – 19:00، بيلەت باعاسى – 2000 تەڭگە.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي