USD 334.89 EUR 361.61 RUB 5.28
استانا:

№ 6 كىتاپحانانىڭ وقىرماندارىمەن كەزدەسۋ ٴوتتى

2016 جىلدىڭ قاراشا ايىنىڭ 25-شى جۇلدىزىندا، الماتى قالاسى وكج-نىڭ №6 كىتاپحانا فيليالىنىڭ وقۋ زالىندا، الماتى قالاسى مەدەۋ اۋدانى اكىمى اپپاراتى مەملەكەتتىك مەكەمەسى مادەنيەت جانە تىلدەردى دامىتۋ ٴبولىمىنىڭ باس مامانى ارالبايەۆ س. ج مىرزامەن № 6 كىتاپحانانىڭ وقىرماندارىنىڭ قاتىسۋىمەن كەزدەسۋ ٴوتتى.

كەزدەسۋ بارىسىندا №6 كىتاپحانا مەڭگەرۋشىسى كادىربەكوۆا ب. ا كىتاپحانانىڭ ٴبىر جىل كولەمىندە اتقارعان جۇمىستارى مەن وتكىزىلگەن مادەني شارالار جايىندا قىسقاشا بايانداما جاسادى. الماتى قالاسى مەدەۋ اۋدانى اكىمى اپپاراتى مەملەكەتتىك مەكەمەسى مادەنيەت جانە تىلدەردى دامىتۋ ٴبولىمىنىڭ باس مامانى ارالبايەۆ س. ج وقىرماندارعا اۋدان كولەمىندە اتقارىلعان مادەني ٴىس-شارالار، الداعى ۋاقىتتاعى مادەني جوسپارلارىمەن تانىستىردى. كەزدەسۋ بارىسىندا وقىرماندار وزدەرىن تولعاندىرعان، كوكەيلەرىندە جۇرگەن سۇراقتارىن قويدى، ٴار ٴتۇرلى تاقىرىپتاعى پىكىرلەرىمەن ٴبولىستى.

كىتاپحانانىڭ اعا بۋىن وقىرماندارى قازىرگى تاڭدا جاستاردىڭ كىتاپ وقۋعا بەي-جاي قارايتىنى، وكىنىشكە وراي كوركەم ادەبيەتكە دەگەن ٴوز بەتىمەن بالالاردىڭ قىزىعۋشىلىعى جوق. ادەبيەتكە دەگەن ق ۇلىقسىزدىق پايدا بولدى. ونىڭ سەبەپتەرىن كۇندەلىكتى قولدانىسقا ەنگەن عالامتور ، كومپيۋتەر سەكىلدى قۇرالداردىڭ اسەرى دەپ ەسەپتەيتىندىكتەرىن ايتسا، جاس وقىرماندار وزدەرىنىڭ كىتاپ وقيتىنىن، جاستار كىتاپ وقىمايدى دەگەن كوزقاراس ٴبىر جاقتى پىكىر ەكەنىن ايتى. كىتاپحانانىڭ تۇراقتى وقىرمانى، كوپتى كورگەن اقساقال كەنجەعالي ابدىكارىم ۇلى جاستارعا ٴوز اقىلىن، كەڭەسىن ايتتى: ادامزات بالاسىنىڭ قول جەتكىزگەن ۇلى يگىلىكتەرىنىڭ ٴبىرى – ٴبىلىم قازىناسى. ال ٴبىلىم سيپاتى الۋان ٴتۇرلى. ول ۇرپاقتان – ۇرپاققا اۋىزشا، جازباشا تۇردە نەمەسە كوركەم ادەبيەت ارقىلى دا جەتكەن. كىتاپ ادام بالاسىنىڭ سان عاسىرلىق اقىل – ويىنىڭ جەمىسى، تاريحى مەن تاعىلىمىنىڭ التىن ساندىعى. «كىتاپ دەگەنىمىز – الدىڭعى ۇرپاقتىڭ ارتقى ۇرپاققا قالدىرعان رۋحاني وسيەتى. كىتاپ وقۋدان تيىلساق، وي ويلاۋدان دا تيىلار ەدىك» - دەگەن عابيت مۇسىرەپوۆتىڭ قاناتتى ٴسوزىن مىسالعا الا وتىرىپ، جاستاردى كىتاپ وقۋعا شاقىردى.

كەزدەسۋ سوڭىندا وقىرماندار رۋحانيات پەن مادەنيەتتى، ونەر مەن ادەبيەتتى ناسيحاتتاپ كەلە جاتقان كىتاپحاناعا قىزمەتىن ماقتادى، كىتاپحانا مەڭگەرۋشىسىنە، كىتاپحانا قىزمەتكەرلەرىنە ٴوز ريزاشىلىقتارىن، العىستارىن ٴبىلدىردى.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي