BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

زىريان قالاسىنىڭ التاي بولىپ وزگەرۋىن 20 مىڭ تۇرعىنى قولدادى

استانا، baq.kz. 20 مىڭ قالا تۇرعىنى زىريان قالاسىن التاي قالاسى بولىپ قايتا وزگەرۋىن قولدادى.

zakon.kz سايتىنىڭ مالىمەتىنشە اۋداندىق ٴماسليحات وتىرىسىندا زىريان اۋدانىن التاي اۋدانى، زىريان قالاسى التاي قالاسى دەپ قايتا اتاۋ تۋرالى باستامانى جەرگىلىكتى قوعامداستىق وكىلدەرى مەن دەپۋتاتتارى ٴبىراۋىزدان قولدادى.

ينستيتۋت ديرەكتورى ولەگ چەرنىشوۆتىڭ ايتۋىنشا تۇرعىنداردىڭ 64%-ى زىريان اۋدانىنىڭ التاي اۋدانى، زىريان قالاسىنىڭ التاي قالاسى دەپ وزگەرتۋ باستاماسىن قولداعان. ٴارى بۇل باستامانى جاڭا پەرسپەكتيۆالاردى – ٴتۋريزمدى جانە حالىقارالىق ىنتىماقتاستىقتى دامىتۋ، اۋداننىڭ الەۋمەتتىك ينفراقۇرىلىمىن جاقسارتۋ دەپ ويلايتىندارىن جەتكىزدى.

ال، قايتا اتاۋعا قارسىلىق تانىتقاندار قاتارىندا ەگدە جاستاعى ادامدار جانە باسقا ەلدىڭ ازاماتتىعىن العان، ٴبىراق زىريان قالاسىندا ٴالى دە تۇرىپ جاتقان قازاقستاننىڭ بۇرىنعى ازاماتتارى بار.

ەسكە سالا كەتەيىك، بۇعان دەيىن قوعامدىق بەلسەندىلەر زىريان اۋدانىن التاي اۋدانى، زىريان قالاسى التاي قالاسى دەپ قايتا اتاۋ تۋرالى باستاماسىن كوتەرگەن بولاتىن. بۇل باستامانى 28 قىركۇيەكتە جەرگىلىكتى قوعامداستىق وكىلدەرى مەن اۋداندىق ٴماسليحات دەپۋتاتتارى ٴبىراۋىزدان قولداپ، 10 قازاندا شىعىس قازاقستان وبلىستىق ٴماسليحاتىنىڭ سەسسياسىندا دەپۋتاتتاردىڭ ماقۇلداۋىنا يە بولدى.

بارلىعى 20 مىڭنان استام قالا تۇرعىنى جاڭا اتاۋ اۋداننىڭ دامۋىنا سەرپىن بەرىپ، ونىڭ ينۆەستيسيالىق جانە تۋريستىك تارتىمدىلىعىن ارتتىراتىنىنا سەنىم ٴبىلدىرىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي