BAQ.kz - Қазақстан жаңалықтары USD 339.95 BAQ.kz - Қазақстан жаңалықтары EUR 392.64 BAQ.kz - Қазақстан жаңалықтары RUB 5.3
استانا:

جۇمىسسىزدىقپەن كۇرەسۋدەگى جەتىسۋلىقتاردىڭ ۇلەسى

فوتو: Диас Бейсенбек

الماتى وبلىسىندا وتكەن جىلى 26240 ادامعا ارنالعان جاڭا جۇمىس ورنى اشىلدى. ال ايماقتاعى جۇمىسسىزدىق دەڭگەيىنىڭ ۇلەسى 4،7 پايىز مولشەرىندە بولىپ، الدىڭعى جىلمەن سالىستىرعاندا 1 پايىزعا عانا ازايىپ وتىر، دەپ حابارلايدى baq.kz اقپارات اگەنتتىگىنىڭ ايماقتاعى ٴتىلشىسى.

وبلىستاعى جۇمىسپەن قامتۋمەن اينالىساتىن ۋاكىلەتتى ورگاندارعا 48390 ادام ٴوتىنىش بەرگەن. ولاردىڭ اراسىنان 32362 ادامعا لايىقتى جۇمىس تابىلدى. ال 146،9 مىڭ ادامعا جالپى سوماسى 3149،3 ملن تەڭگەنى قۇرايتىن الەۋمەتتىك كومەك كورسەتىلگەن.

وبلىستاعى جۇمىسسىزدىقپەن كۇرەسۋدىڭ ٴبىر جولى – ادامداردى جاڭا ماماندىققا قايتا دايارلاۋ بولىپ وتىر. بيىل تۇراقتى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى اياسىنداعى قىسقا مەرزىمدى ٴبىلىم بەرۋ كۋرستارىندا 500 ادامدى جاڭا ماماندىققا وقىتۋ جوسپارلانعان. وسى ماقساتتا «تەكەلى بارىس» كاسىپورىنىنىڭ بازاسىندا العاشقى وقۋ ورتالىعى ىسكە قوسىلىپ، جۇمىسسىزداردىڭ العاشقى لەگىن تىگىن ىسىنە باۋلۋدى باستادى. بۇل جەرگە كاسىپ ۇيرەنۋگە كەلگەن ازاماتتار تەگىن وقىپ، ۇيرەنۋىمەن قاتار وقىعانى ٴۇشىن شاكىرتاقى الادى. وسى ٴىستىڭ باسى-قاسىندا جۇرگەن كاسىپكەر، «تەكەلى بارىس» جشس ديرەكتورى ايگەرىم ساكەنقىزى قالاداعى وتىزدان استام نيەتتى قىز-كەلىنشەكتى جاڭا ماماندىققا ۇيرەتۋدى باستادى.

«ٴوز ٴىسىن باستاۋعا دايىن ادامداردى قايتا وقىتۋدىڭ پايداسى كوپ. «تەكەلى بارىس» كاسىپورىنىنىڭ بازاسىنداعى وقۋ ورتالىعىنا كەلگەندەر تىگىنشىلىكتىڭ قىر-سىرىن ۇيرەنىپ، ٴارى مەملەكەت تاراپىنان تاعايىندالعان شاكىرتاقىعا يە بولادى. بۇل ازاماتتار كەلەشەكتە ٴوز ٴىسىن باستاپ، ناتيجەلى تابىسقا قول جەتكىزگەنشە ٴبىزدىڭ قامقورلىعىمىزدا بولادى»، - دەيدى «تەكەلى بارىس» جشس ديرەكتورى ايگەرىم ساكەنقىزى.

وقۋ ورتالىعىندا ساباقتار مەن تاجىريبەلىك ساباقتار وتكىزۋگە ارنالعان بولمەلەر بار. 13 تىگىن ماشيناسى، قاجەتتى ماتالار مەن ماتەريالدار ساتىپ الىنعان. وقۋشىلار ٴبىلىم الۋمەن بىرگە تاپسىرىس الىپ، ونى ورىندايدى.

جاقىن كۇندەرى تەكەلى تاۋ-كەن كومبيناتىنىڭ بازاسىندا تاعى ٴبىر وقۋ ورتالىعى اشىلىپ، وندا كەن وڭدەۋ ىسىنە قاجەتتى مامانداردى قايتا دايارلاۋ، وقىتۋ جۇمىستارى جالعاساتىن بولادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي