BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ساتبايەۆ اكىمىن جۇمىسشى قورقىتقان

قاراعاندى، baq.kz ٴتىلشىسى. ساتبايەۆ قالاسىنىڭ تۇرعىنى «تەلەگرام» الەۋمەتتىك جەلىسىندە اكىمدىك قىزمەتكەرلەرىنە قوقان-لوقى كورسەتىپ، ٴتىل تيگىزگەن. قالا اكىمى اسقار ىدىرىسوۆقا دا قاتىستى حابارلاما قالدىرعان بوپسالاۋشىنى قۇقىق قورعاۋ قىزمەتكەرلەرى ۇستادى. ول ۇزاق ۋاقىت بويى جالاقىسىن الا الماي جۇرگەن سانتەحنيك بولىپ شىقتى.

«تەلەگرام» الەۋمەتتىك جەلىسىندەگى «پراۆوپوريادوك گورودا ساتپايەۆ» چاتىندا باسقا اتپەن تىركەلگەن قولدانۋشى اكىمدىك قىزمەتكەرلەرى مەن وتباسى مۇشەلەرىن ولتىرەتىنىن ايتىپ، حابارلاما جازعان. بۇل ۋاقىتتا چاتتا قالانىڭ كريمينوگەندى جاعدايى مەن الەۋمەتتىك ٴومىرى تالقىلانىپ جاتقان. «تەلەگرام» قولدانۋشىسى اكىمدىكتىڭ لاۋازىمدى تۇلعالارىنا ٴتىل تيگىزگىپ، ولارعا قوقان-لوقى كورسەتكەن. حابارلامانى توپتاعى پوليسيا قىزمەتكەرلەرى دە وقىپ، دەرەۋ ىسكە كىرىسەدى. ولار حابارلاما جازعان 33 جاستاعى قالا تۇرعىنىن ۇستادى.

«ۇستالعان ازامات اتالعان حابارلامانى جازعانىن مويىندادى. ونىڭ ايتۋى بويىنشا ازامات شامامەن ٴبىر جىل بۇرىن قالادا سالىنىپ جاتقان ۇيلەردىڭ بىرىندە جۇمىس ىستەگەن، الايدا جۇمىس بەرۋشى كومپانيا ەڭبەگىنىڭ اقشاسىن تولەمەگەن. جالاقىسىن الا الماۋىنا بايلانىستى ول قالا اكىمدىگىنە بىرنەشە رەت بارىپ، شاعىمدانعان. الايدا اكىمدىكتەگىلەر وعان كومەكتەسە الماعان. وسىعان اشۋلانعان قالا تۇرعىنى الەۋمەتتىك جەلى ارقىلى قالا اكىمىنە قوقان-لوقى كورسەتكەن. وعان قاتىستى قر قىلمىستىق كودەكسىنىڭ 115-بابى بويىنشا ٴىس قوزعالدى»، - دەيدى قاراعاندى وبلىستىق پوليسيا دەپارتامەنتىنىڭ ٴباسپاسوز حاتشىسى باقىتجان قۇدياروۆ.

ساتبايەۆ قالاسىندا جۇمىس بەرۋشى قۇرىلىس فيرماسى سانتەحنيكتىڭ جالاقىسىن ۇزاق ۋاقىت بويى تولەمەي، بىرنەشە اي بويى مەردىگەر فيرمانىڭ يەسى جۇمىسكەردى قۇرعاق ۋادەمەن الداپ كەلگەن. وسىعان اشىنعان جىگىت ورتاق چاتتا اكىمگە «سەنىڭ 24 ساعاتىڭ بار، وتباسىڭدى باۋىزدايمىن» دەپ حابارلاما جازعان. ساتبايەۆ قالاسىنىڭ اكىمى اسقار ىدىرىسوۆكە الەۋمەتتىك جەلىدە ٴتىل تيگىزىپ، اكىمدى قۇرىلىس جۇمىستارى ٴجۇرىپ جاتقان نىساننىڭ مەردىگەرىنە قاتىستى شارا قولدانبادى دەپ ايىپتاعان جۇمىسكەردىڭ جالاقىسىن وتەۋ شارالارى قاراستىرىلىپ جاتىر. ساتبايەۆ قالاسىنىڭ اكىمدىگىندەگىلەر اتالعان وقيعاعا بايلانىستى جۇمىستار اتقارىلىپ جاتقاندىعىن ايتادى.

«وكىنىشكە قاراي، قالادا ەكى مەردىگەر كومپانيانىڭ جۇمىسكەرلەر الدىندا قارىزى بار. كومپانيا باسشىلارىمەن سويلەسكەنبىز. قارىزدى وتەۋ كەستەسى بەكىتىلگەن. قوقان-لوقى جاساعان ادامعا بايلانىستى ناقتى مالىمەتتەردى انىقتاپ جاتىرمىز. ونىڭ كىم بولىپ جۇمىس ىستەگەنى، قارىزدىڭ كولەمى انىقتالعان سوڭ كەڭەس جۇرگىزەتىن بولامىز. بۇل ادام اشىنعاننان كەيىن وسىنداي ىسكە باردى دەپ ويلايمىن»، - دەيدى ساتبايەۆ قالاسى اكىمىنىڭ ورىنباسارى ايگۇل تولەندينا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي