BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

جاڭا تۇركىستاننىڭ قۇرىلىسى باستالدى

مەملەكەت باسشىسى ن.ٴا.نازاربايەۆ تۇركىستان وبلىسىنا رەسمي ساپارىندا بىرنەشە وتاندىق كومپانياعا تۇركىستان قالاسىنداعى اكىمشىلىك ورتالىقتا عيماراتتار سالۋدى تاپسىرعان بولاتىن. وسىعان وراي تۇركىستان وبلىسىنىڭ اكىمى جانسەيىت تۇيمەبايەۆ قازاقستاندىق ينۆەستورلار «bi group» جانە «ساۋتس-ويل» كومپانيالارىنىڭ وكىلدەرىن قابىلدادى، دەپ حابارلايدى baq.kz اقپارات اگەنتتىگى.

جۇزدەسۋدە ينۆەستورلار وبلىس ورتالىعى تۇركىستان قالاسىن دامىتۋعا ٴوز ۇلەستەرىن قوسۋعا نيەت ٴبىلدىرىپ، «bi group» كومپانياسى تۇركىستان قالاسىندا 50 مىڭ شارشى مەتردى قۇرايتىن بيزنەس ورتالىقتىڭ جوباسىن ۇسىندى. ورتالىقتا وفيستىك بولمەلەر، ٴماجىلىس زالدارى، جەراستى اۆتوتۇراق ورنالاساتىن بولادى. ال «ساۋتس-ويل» كومپانياسى 120 بولمەلىك 5 جۇلدىزدى قوناق ٴۇيدىڭ ساۋلەت جوسپارلاۋ ەسكيزدەرىن تانىستىردى. قوناق ٴۇي بولمەلەرى ستاندارتتى، ليۋكس ورىندارىنان باستاپ، ەڭ جوعارعى ۇلگىدە جابدىقتالعان جايلى بولمەلەرمەن، مەيرامحانا جانە كونسەرت زالىمەن قامتىلماق.

عيماراتتاردىڭ جوبالارىمەن تانىسقان وبلىس باسشىسى ينۆەستورلارعا ەسكيزدىك جۇمىستاردى جەتىلدىرىپ، قۇرىلىستى ۋاقىتىلى باستاۋ قاجەتتىگىن جەتكىزدى.

«اكىمشىلىك ىسكەرلىك ورتالىقتا جاڭا وبلىستىق اكىمدىك، باسقارمالار مەن دەپارتامەنتتەر جانە كونگرەسس ورتالىق پەن «ريكسوس» قوناق ٴۇيى عيماراتتارىنىڭ قۇرىلىسى قاتار جۇرەتىن بولادى. جۇمىسشىلار 3 اۋىسىممەن جۇمىس ىستەيدى. بارلىق عيماراتتاردىڭ جوسپارىن تولىق ازىرلەپ، قازىردەن قۇرىلىستى باستاۋ كەرەك»، - دەدى جانسەيىت قانسەيىت ۇلى.

«bi group» كومپانياسى وكىلدەرى جاڭا اكىمشىلىك ىسكەرلىك ورتالىقتا وبلىستىق اكىمدىك پەن اۋماقتىق مەكەمەلەر عيماراتتارىنىڭ جانە كونگرەسس ورتالىقتىڭ قۇرىلىسىن جۇرگىزەدى. ورتالىقتا فورۋم، سامميت، كونسەرت زالدار ورنالاساتىن بولادى. كومپانيا ماماندارىنىڭ ايتۋىنشا، قۇرىلىسى باستالسا، اتالعان بارلىق نىساندار 1 جارىم جىلدىڭ ىشىندە تولىق اياقتالماق.

كەزدەسۋ قورىتىندىسىندا وبلىس اكىمى ج.تۇيمەبايەۆ ينۆەستيسيالىق جوبالاردى ىسكە اسىرۋعا ينۆەستورلار مەن اكىمدىك اراسىندا بىرلەسكەن جۇمىس جوسپارىن ازىرلەپ، جۇمىس توبىن قۇرۋعا تاپسىرما بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي