BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

جامبىلدا مال ۇرلىعى ازايدى 

تاراز، baq.kz ٴتىلشىسى. بۇل جونىندە جامبىل وبلىسى ىشكى ىستەر دەپارتامەنتىنىڭ ٴباسپاسوز قىزمەتى حابارلادى.

«اعىمداعى جىلدىڭ 9 ايىندا وبلىستاعى مال ۇرلىعى 44،4% تومەندەپ، بۇل قىلمىس ٴتۇرىن اشۋ كورسەتكىشى 4،7% ارتتى. تىركەلگەن 12 اسا اۋىر ۇرلىقتىڭ بۇگىندە 10 اشىلدى. پوليسيا جۇمىسى جالعاسىپ جاتىر. الايدا، وكىنىشكە قاراي، جازىق دالاعا جىبەرىپ قويىپ، مالدى باقىلاۋسىز قالدىراتىن اۋىل تۇرعىندارىنىڭ نەمقۇرايلىلىعى دا جاعدايدى ۋشىقتىرىپ وتىر»، - دەپ مالىمدەدى ٴباسپاسوز قىزمەتىندە.

اقپاراتقا سايكەس، مۇنداي سەلوقوستىق سالدارىنان قۇقىق قورعاۋ قىزمەتكەرلەرىنىڭ ەشكىم ۇرلاماعان، جايىلىمدا اداسىپ كەتكەن مالداردى ىزدەۋمەن اينالىسۋىنا تۋرا كەلىپ وتىرعان كورىنەدى. مىسالى، جاقىندا عانا تالاس اۋدانىندا پوليسەيلەر قولدى بولدى دەگەن 12 باس جىلقىنى باسقا جايىلىمنان تاپقان.

«اتالعان مالدى ىزدەستىرۋ جۇمىستارىنا اۆتوكولىكتەگى 10 پوليسەي جۇمىلدىرىلعان. وسى سياقتى فاكتى قورداي، رىسقۇلوۆ اۋداندارىندا دا كەزدەسىپ وتىر. مۇندا مالداردى ىزدەۋ ٴۇشىن جەدەل-ىزدەستىرۋ توپتارى جۇمىلدىرىلعان»، - دەپ جازىلعان حابارلامادا.

وسى ورايدا، وبلىستىق ٴىىد مال ۇرلىعى جانە مالدى باعۋ جانە ونىڭ ماتەريالدىق جاۋاپكەرشىلىگى تۋراسىندا اۋىل تۇرعىندارىمەن مىڭنان اسا كەزدەسۋ وتكىزىپ، ٴتۇسىندىرۋ جۇمىستارىن جۇرگىزگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي