BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

جامبىلدا 2 مىڭنان استام نىساننىڭ سىرتقى اقپاراتىنان كەمشىلىكتەر تابىلعان

جامبىل وبلىسىندا ارنايى جۇرگىزىلگەن تەكسەرۋ بارىسىندا 2 مىڭنان استام نىساننىڭ سىرتقى كورنەكى اقپاراتىنان كەمشىلىكتەر مەن قاتەلەر انىقتالعان. بۇل جونىندە وڭىرلىك كوممۋنيكاسيالار قىزمەتىنى وتكەن بريفينگتە جامبىل وبلىسى اكىمدىگىنىڭ تىلدەردى دامىتۋ باسقارماسىنىڭ باسشىسى سۇلۋشاش قۇرمانبەكوۆا مالىمدەدى، دەپ حابارلايدى baq.kz ٴتىلشىسى.

«كورنەكى اقپاراتتاردا مەملەكەتتىك ٴتىلدىڭ پايدالانىلۋ دارەجەسى 2018 جىلى 85% دەپ بەلگىلەنگەن بولاتىن. وسى ماقساتقا قول جەتكىزۋ ٴۇشىن وبلىس اكىمىنىڭ تاپسىرماسىنا سايكەس تىلدەردى دامىتۋ باسقارماسى اۋداندار مەن تاراز قالاسى اكىمدەرىمەن كەلىسىمدەرگە وتىرىپ، مەجەلەنگەن كورسەتكىشتەرگە قول جەتكىزۋ جوسپارلارىن بەكىتتى. 2018 جىلعى ٴى جارتىجىلدىقتىڭ قورىتىندىسى بويىنشا، جوسپارلانعان مەجە وبلىستا – 83،5 % بولسا، اتالعان كورسەتكىش – 85،1 % بولىپ، 1،6 %-عا ارتىق ورىندالدى»، - دەدى سپيكەر.

باسقارما باسشىسىنىڭ ايتۋىنشا، سىرتقى كورنەكى اقپاراتتاردى، ياعني جارنامالاردى قر «ٴتىل تۋرالى» زاڭىنىڭ 21-بابىنا، «جارناما تۋرالى» زاڭىنىڭ 6-بابىنا سايكەستەندىرۋ ماقساتىندا ٴبىرقاتار شارالار جۇزەگە اسىرىلعان.

«اعىمداعى جىلدىڭ مامىر ايىندا تاراز قالاسىنىڭ سىرتقى كورنەكى اقپاراتتارىنداعى ٴتىل ساۋاتتىلىعى، ولاردىڭ قازاقستان رەسپۋبليكاسىنىڭ «ٴتىل تۋرالى»، «جارناما تۋرالى» زاڭدارىنىڭ تالاپتارىنا سايكەستىكتەرى زەرتتەلدى. زەرتتەۋگە 867 كوشە، 445 بۇرىلىستا ورنالاسقان 8 587 نىسان قامتىلىپ، ونىڭ 1 114-ىنەن كەمشىلىكتەر انىقتالدى. جالپى ۇستىمىزدەگى جىلدىڭ 8 ايىنىڭ قورىتىندىسى بويىنشا وبلىستاعى 13 582 نىسانعا زەرتتەۋ جۇمىستارى جۇرگىزىلىپ، ونىڭ ىشىندە 2 067 نىساننان كەمشىلىكتەر انىقتالىپ، بارلىق نىسان يەلەرىنە ٴتيىستى زاڭناما تالاپتارى ٴتۇسىندىرىلدى»، - دەدى سۇلۋشاش قۇرمانبەكوۆا.

سپيكەر اتاپ وتكەندەي، وڭىردەگى وبلىستىق، اۋداندىق ماڭىزى بار قالالارداعى، كەنتتەردەگى، اۋىلدارداعى جانە باسقا دا ەلدى مەكەندەردەگى كوشە كورسەتكىشتەرىن ٴبىر ۇلگىدە جازۋدى جانە ورنالاستىرۋدى قامتاماسىز ەتۋ باسا نازار اۋدارىلىپ كەلەدى. وسى ماقساتتا اتالعان ۆەدومستۆو جىلدىڭ سوڭىنا دەيىن بارلىق كوشەلەردىڭ كەمى 50% جاڭا ۇلگىدەگى انشلاگتارمەن قامتۋ تۋرالى ماقسات قويعان.

«اعىمداعى جىلدىڭ ٴى جارتىجىلدىعىنىڭ قورىتىندىسى بويىنشا، 1 265 كوشە جاڭا ۇلگىدەگى انشلاگتارمەن قامتىلىپ، اتالعان كورسەتكىش 24،1% ورىندالدى. جىل سوڭىنا دەيىن بەلگىلەنگەن مەجەگە قول جەتكىزۋ باستى نازاردا»، - دەدى باسقارما باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي