BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

جامبىل وبلىسىنىڭ قاناتتى جولى مەن «شىمبۇلاعى» بولادى

استانا، baq.kz ٴتىلشىسى. جامبىل وبلىسى جۋالى اۋدانىنداعى «قارالما» تاۋ-شاڭعى كەشەنى 2019 جىلدىڭ باسىندا اشىلادى. بۇل تۋرالى ٴوڭىر باسشىسى اسقار مىرزاحمەتوۆ وكق الاڭىندا وتكەن ٴباسپاسوز ٴماسليحاتىندا مالىمدەدى.

«باتىس ەۋروپا-باتىس قىتاي» اۆتودالىزىنەن 7-اق شاقىرىم قاشىقتىقتا ورنالاسقان دەمالىس ايماعى جوباسىنىڭ قۇنى 4 ملرد تەڭگەنى قۇرايدى.

«تاۋ-شاڭعى بازاسىنىڭ قۇرىلىسى 60% دايىن. جاقىندا عانا ٴبىز سول قۇرىلىس بارىسىمەن تانىسىپ قايتتىق. اۋا رايىنىڭ قولايسىزدىعىن ەسكەرىپ، جاقىن ارادا، ارى كەتسە كەلەر جىلدىڭ باسىندا قۇرىلىستى اياقتايمىز دەپ جوسپارلاپ وتىرمىز»، - دەدى مىرزاحمەتوۆ.

وبلىس اكىمى زامان تالابىنا ساي تاۋ-شاڭعى بازاسىنىڭ قۇرىلىسىنا قاجەتتىنىڭ بارلىعى ساتىپ الىنعانىن ايتتى.

«اسپالى جول دا، ٴبارى دە بۇگىندە ساتىپ الىنىپ قويىلعان، ورناتىلىپ جاتىر»، - دەدى ول.

باق بەتتەرىنە نازار سالساق، مەملەكەتتىك-جەكەمەنشىك ارىپتەستىك نەگىزىندە سالىنىپ جاتقان كەشەننىڭ كۇنىنە 4 مىڭ ادامدى قابىلداۋعا قاۋقارلى. وندا الاتاۋدىڭ شىڭىنان باستاپ، باۋرايىمەن 2500 شاقىرىمدىق سىرعاناۋ جولاقتارى مەن 3 شاقىرىمدىق اسپالى جول سالىنباقشى. سونداي-اق، كەشەندە 50 ادامعا ارنالعان قوناق ٴۇي، جىل ون ەكى اي تۋريستەردى تارتۋ ٴۇشىن قىمىز، ساۋمالمەن ەمدەۋ، اتپەن سەرۋەندەۋ سىندى قىزمەتتەر دە كورسەتىلمەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي