BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

جامبىل وبلىسىندا پويىزدىڭ رەلستەن شىعىپ كەتۋ سەبەبى انىقتالدى

«قتج» ۇق» اق سارىشاعان-شىعاناق تەلىمىندە ۆاگونداردىڭ رەلستەن شىعىپ كەتۋىنە قاتىستى شىعىندى ۆاگوننىڭ مەنشىك يەسى - «ينستكومترانس» جشس-تەن تالاپ ەتتى، دەپ حابارلايدى baq.kz اقپارات اگەنتتىگى.

«قازاقستان تەمىر جولى» ۇك» اق ٴباسپاسوز قىزمەتىنىڭ مالىمەتىنە سۇيەنسەك، 31- شىلدەدە سارىشاعان- شىعاناق تەمىرجول تەلىمىندە جۇك ۆاگوندارىنىڭ جولدان شىعىپ كەتۋىنە قاتىستى «قتج» ۇك» اق ماماندارى، ۋكراينانىڭ «ازوۆەلەكتروستال» جاق، «ينستكومترانس» جشس وكىلدەرىنىڭ قاتىسۋىمەن تەرگەۋ امالدارى وتكىزىلدى.

«تەكسەرۋ كورسەتكەندەي، ٴ28-شى ۆاگوننىڭ ٴبۇيىر جاقتاۋشاسىنىڭ جارىقشاعى اپاتقا سەبەپ بولعان. اتالعان اقاۋى بار جاقتاۋشانى 2009 جىلى «ازوۆەلەكتروستال» ااق شىعارعان. ۆاگوننىڭ مەنشىك يەسى – «يستكومترانس» جشس. قازىرگى قولدانىستاعى قر تەمىرجول كولىگىندەگى قاۋىپسىزدىك تارتىبىنە بايلانىستى بولعان وقيعا «ازوۆەلەكتروستال» ااق تاراپىنا تىركەلدى. «قتج» ۇك» اق-عا كەلتىرىلگەن بارلىق شىعىندار زاڭدىق نەگىزدە ۆاگوننىڭ مەنشىك يەسى «يستكومترانس» جشس-تەن تالاپ ەتىلدى»، - دەپ حابارلادى «قتج» ۇك» اق ٴباسپاسوز قىزمەتى.

ەسكە سالساق، 31 شىلدە كۇنى جامبىل وبلىسىندا جۇك پويىزى رەلستەن شىعىپ كەتكەن بولاتىن. وسىعان بايلانىستى سول كۇنى بەس جولاۋشىلار پويىزى ۋاقىتىنان كەشىككەن. كەيىننەن 19 جولاۋشىلار پويىزىنىڭ قوزعالىس كەستەسىنە وزگەرىستەر ەنگىزىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي