BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

جامبىل وبلىسىندا ماگيسترالدىك جىلۋ جەلىلەرى جاڭعىرتىلۋدا

فوتو: ашық дереккөзден

جامبىل وبلىسىنداعى 12 كم استام ماگيسترالدىك جىلۋ جەلىلەرى اۋىستىرىلادى. بۇل جونىندە جامبىل وبلىسى اكىمدىگىنىڭ ەنەرگەتيكا جانە تۇرعىن-ۇي–كوممۋنالدىق شارۋاشىلىق باسقارماسى جىلۋ ەنەرگەتيكا ٴبولىمىنىڭ باس مامانى ساعي ۇتەلوۆ مالىمدەدى، دەپ حابارلايدى baq.kz ٴتىلشىسى.

«وبلىس نىساندارىن قىس مەزگىلىنە دايىنداۋ جوسپارعا ساي اتقارىلۋدا. بۇگىندە نىسانداردىڭ دايىندىعى 97،7% قۇراپ وتىر. سونىڭ ىشىندە، 434 اۆتونومدىق قازاندىق 100% دايىن، جىلۋمەن جابدىقتاۋ جەلىلەرى 99،9%، سۋمەن جابدىقتاۋ جەلىلەرى 94،8% جانە سۋ بۇرۋ جەلىلەرى 96% دايىن بولىپ وتىر. الەۋمەتتىك سالادا 1753 نىساننىڭ ٴ1751-ى دايىن. مۇنىڭ ىشىندە، ٴبىلىم بەرۋ سالاسىنداعى 2 نىسان بويىنشا دايىندىق جۇمىستارى ٴالى دە جۇرگىزىلىپ جاتىر. سول سياقتى، وبلىستاعى كوپقاباتتى تۇرعىن ۇيلەردىڭ 96،1% جىلۋ ماۋسىمىنا ساقاداي ساي»، - دەدى ساعي ۇتەلوۆ.

ونىڭ ايتۋىنشا، اعىمداعى جىلى وتىن-ەنەرگەتيكا كەشەنى كاسىپورىندارىمەن جىلىتۋ ماۋسىمىنا دايىنداىق جۇمىستارىنا 1،976 ملرد تەڭگە قاراستىرىلعان.

«بۇگىنگى كۇنى 1،680 ملرد تەڭگەگە 85% جۇمىستار اتقارالدى. سونىڭ ىشىندە، جوسپارلى جوندەۋ جۇمىستارىنا 899 ملن تەڭگە، ينۆەستيسيالىق باعدارلاما بويىنشا 1،083 ملرد تەڭگە تارتىلدى»، - دەدى باس مامان.

باسقارما وكىلى بەرگەن اقپاراتقا سايكەس، وڭىردەگى قازاندىقتار مەن جىلۋ جەلىلەرىنە جوندەۋ جۇمىستارى جۇرگىزىلگەن. مىسالى، جازعى ماۋسىمدا وبلىستاعى 73 قازاندىققا جانە 45،3 شاقىرىم جىلۋ جەلىسىنە كۇردەلى نەمەسە اعىمداعى جوندەۋ جۇرگىزىلىپ، ٴبىرقاتار مەكتەپتەردەگى قازاندىقتار قايتا جاڭعىرتىلعان.

«تاراز قالاسىنىڭ جىلۋ جەلىلەرىن قايتا جاڭعىرتۋ جۇمىستارىن جالعاستىرۋ ماقساتىندا 12،4 كم جىلۋ جەلىسىن اۋىستىرۋعا 9،860 ملرد تەڭگەگە 3 جوبا ازىرلەندى. اعىمداعى جىلى اتالعان جوبانى ىسكە اسىرۋ ٴۇشىن 1،786 ملرد تەڭگە ٴبولىنىپ، ول ٴوز كەزەگىندە 3،13 كم ماگيسترالدىك جىلۋ جەلىسىن اۋىستىرۋعا مۇمكىندىك بەرەدى. بۇگىندە 1،318 ملرد تەڭگەگە 74% جۇمىستار اتقارىلدى. م-2 جانە م-4 جىلۋ جەلىلەرىن قايتا جاڭعىرتۋ جوبالارىن اياقتاۋ ٴۇشىن 2019 جىلى رەسپۋبليكالىق بيۋدجەتتەن 7،618 ملرد تەڭگە ٴبولىندى. بۇل قاراجات 9،2 كم ماگيسترالدىك جىلۋ جەلىسىن اۋىستىرۋعا مۇمكىندىك بەرەدى. ايتا كەتۋ كەرەك، اتالعان ۋچاسكەلەردە 148 كوپپاتەرلى تۇرعىن ٴۇي مەن 59 الەۋمەتتىك نىسان جىلۋمەن قامتىلادى. جوسپارلانعان ٴىس-شارالاردى ىسكە اسىرۋ تۇتىنۋشىلاردى ۇزدىكسىز جىلۋمەن قامتۋعا مۇمكىندىك بەرەدى»، - دەيدى ەنەرگەتيكا ٴبولىمىنىڭ باس مامانى.

سونىمەن قاتار، بۇگىندە تاراز قالاسىنداعى جىلۋ-ەنەرگەتيكا كاسىپورىندارىمەن شاھارداعى 744 كوپقاباتتى تۇرعىن ٴۇي ىستىق سۋمەن كەستەگە سايكەس قامتاماسىز ەتىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي