BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

جامبىل وبلىسىندا $50 مىڭ پارا الماق بولعان باسشى ۇستالدى

قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگى جامبىل وبلىسىندا كاسىپكەردەن پارا العان باسقارما باسشىسىن ۇستادى. بۇل تۋرالى استانادا وتكەن بريفينگتە اتالعان اگەنتتىكتىڭ رەسمي وكىلى نۇرلان جاxين مالىمدەدى، دەپ حابارلايدى baq.kz ٴتىلشىسى.

ونىڭ ايتۋىنشا، پارا الدى دەپ كۇدىككە ىلىنگەن شەنەۋنىك وبلىستاعى جەردىڭ پايدالانۋى مەن قورعالۋىن باقىلاۋ بويىنشا باسقارما باسشىسى بولعان.

«ول شارۋا قوجالىعىنا تيەسىلى 25 گەكتار جەردى مەملەكەت پايداسىنا قايتارماعانى ٴۇشىن 50 مىڭ دوللار تالاپ ەتكەن. ول اتالعان سوممانىڭ 2 ملن تەڭگە كولەمىندەگى پاراسىن الدى دەگەن كۇدىك بار. قازىرگى ۋاقىتتا اتالعان فاكتى بويىنشا تەرگەۋ ٴجۇرىپ جاتىر»، - دەدى رەسمي وكىل.

سونىمەن قاتار وسىعان ۇقساس قىلمىس اقمولا وبلىسىندا دا انىقتالىپتى.

مۇندا باسقارما باسشىسى ٴوز قىلمىسىن ىسكە اسىرىپ ۇلگەرگەن. ول ەكى جىل بۇرىن قىزمەتتىك لاۋازىمىن اسىرا پايدالانىپ، ٴتورت جەر تەلىمىن مەملەكەتكە قايتارماي، جەكە پايدالانۋعا بەرگەن. سالدارىنان بيۋدجەتكە 2 ملن تەڭگە كولەمىندە شىعىن كەلگەن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي