BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

جامبىل وبلىسىندا 350 ٴۇي جوندەۋدى قاجەت ەتەدى

فوتو: ашық дереккөзден

جامبىل وبلىسىندا 350 ٴۇي جونەۋدى قاجەت ەتەدى. بۇل جونىندە جامبىل وبلىسى اكىمدىگىنىڭ ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسى تۇرعىن ۇي-كوممۋنالدىق شارۋاشىلىق ٴبولىمىنىڭ باسشىسى اعابەك مىرزابەكوۆ مالىمدەدى، دەپ حابارلايدى baq.kz ٴتىلشىسى.

«وبلىس بويىنشا 4 قالادا 1603 كوپپاتەرلى ٴۇي بار. تۇرعىن ۇي-كوممۋنالدىق شارۋاشىلىقتى جاڭعىرتۋ باعدارلاماسى قابىلدانعان 2010 جىلدان بەرى تىركەلگەن مالىمەت مالىمەت بويىنشا اتالعان كوپپاتەرلى ٴۇيدىڭ 38% جونەۋدى قاجەت ەتەتىن. سول ۋاقىتتان بەرى 3 ملرد 374 ملن تەڭگەگە جالپى 241 ٴۇي كۇردەلى جانە اعىمداعى جوندەۋدەن ٴوتتى. ايتا كەتۋ كەرەك، باسپانالارى جوندەۋدەن وتكەن تۇرعىنداردىڭ قايتارىم قاراجاتتارى ەسەبىنەن 2013-2017 جىلدار ارالىعىندا 884 ملن تەڭگەگە 69 ٴۇي جوندەۋدەن ٴوتتى. ال اعىمداعى جىلدىڭ 8 ايىندا وبلىس بويىنشا 535 ملن تەڭگەگە 19 ٴۇي جوندەۋدەن ٴوتىپ جاتىر»، - دەدى ٴبولىم باسشىسى.

ونىڭ ايتۋىنشا، جاڭعىرتىلىپ جاتقان ۇيلەردەگى جوندەۋ جۇمىستارىنىڭ ساپاسى وتە جوعارى جانە مەردىگەرلەر ٴوز جۇمىستارىنا اسا تياناقتى.

«شىنى كەرەك، باعدارلاما ىسكە قوسىلعان 2011 جىلى مەردىگەرلەر اراسىندا جوندەۋ جۇمىستارىن ٴبىرشاما ساپاسىز جۇرگىزگەندەر بولدى. ال، قازىرگى ۋاقىتتا تۇرعىن ۇيلەردى جاڭعىرتۋدى قولعا العان مەردىگەرلەر ٴوز جۇمىستارىنا جاۋاپتى قارايدى، اسا ۇقىپتى. ونى جوندەۋ جۇرگىزىلىپ، جاڭارتىلعان ۇيلەرگە قاراپ-اق تۇسىنۋگە بولادى. ٴوزىڭىز بىلەسىز، اسىرەسە، كەڭەس ۇكىمەتى كەزىندە سالىنعان ۇيلەردىڭ جەرتولەلەرى، كارىز جۇيەلەرى ابدەن توزعان. وندا تىزەدەن كەلەتىن ساسىق سۋ جينالىپ، جەرتولەگە كىرۋ مۇمكىن بولمايتىن. ٴقازىر، باعدارلامانىڭ ارقاسىندا جەرتولەدە ٴومىر سۇرۋگە بولادى. ٴىشى قۇپ-قۇرعاق، جىلى، شاعىل تاس توسەلگەن. ٴبىز وبلىس بويىنشا تۇرعىن ۇيلەردىڭ احۋالىن باقىلاۋدا ۇستايمىز، ارنايى مونيتورينگ جۇرگىزەمىز. قازىرگى ۋاقىتتا وبلىس بويىنشا 350 ٴۇي جوندەۋدى قاجەت ەتەدى. ونىڭ ىشىندە، 331 ٴۇي تاراز قالاسىندا بولسا، قالعانى اۋدانداردا ورنالاسقان»، - دەپ تۇيىندەدى اعابەك مىرزابەكوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي