BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

جامبىل وبلىسىنا 69،1 مىڭ توننا الەۋمەتتىك مازۋت بولىنگەن

فوتو: airecoolmechanical.com

جامبىل وبلىسىنا الداعى جىلىتۋ ماۋسىمىنا 69،1 مىڭ توننا الەۋمەتتىك مازۋت بولىنگەن. بۇل جونىندە جامبىل وبلىسى اكىمدىگىنىڭ ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسى جىلۋ ەنەرگەتيكا ٴبولىمىنىڭ باس مامانى ساعي ۇتەلوۆ مالىمدەدى، دەپ حابارلايدى baq.kz ٴتىلشىسى.

«جىلىتۋ ماۋسىمىنا وراي مونو جانە شاعىن قالالاردىڭ ورتالىق قازاندىقتارىنا وتىن ساتىپ الۋعا 1،2 ملرد تەڭگە قاجەت. ونىڭ ىشىندە، ٴتورتىنشى توقسانعا وبلىستىق بيۋدجەتتەن 413 ملن تەڭگە قاراستىرىلعان. 2019 جىلدىڭ قاڭتار-ناۋرىز ايلارىنا قاراجات ٴبولىنۋى اعىمداعى جىلدىڭ ٴتورتىنشى توقسانىندا جەرگىلىكتى بيۋدجەت ەسەبىنەن شەشىلەتىن بولادى. بيۋدجەتتىك مەكەمەلەرگە قاجەتتى 72،2 مىڭ توننا كومىردىڭ 99،8% قامتىلدى. تۇرعىندارعا قاجەتتى كومىر جوسپار بويىنشا 332،9 مىڭ توننا بولسا، جەتكىزىلگەنى 167 مىڭ توننانى قۇراپ وتىر»، - دەدى باس مامان.

ساعى ۇتەلوۆتىڭ بەرگەن اقپاراتىنا سايكەس، كاسىپورىنداردا رەزەرۆتىك وتىننىڭ ناقتى قورى 2،572 مىڭ توننا كولەمىندە بولىپ، بۇل تاپسىرىستىڭ 87،9% قۇراپ وتىر.

«قر ەنەرگەتيكا مينيسترلىگىنىڭ تاسىمالداۋ كەستەسىنە سايكەس جامبىل وبلىسىنا الداعى جىلىتۋ ماۋسىمىنا 2018 جىلدىڭ قازان ايىنان 2019 جىلدىڭ اقپان ايى ارالىعىندا 69،1 مىڭ توننا الەۋمەتتىك مازۋت بولىنگەن. ونىڭ ىشىندە، «جگرەس» اق-عا 33 مىڭ توننا، وبلىستاعى جىلۋمەن قامتۋ كاسىپورىندارىنا 36،1 مىڭ توننا بەلگىلەنىپ وتىر»، - دەگەن باسقارما وكىلى جىلىتۋ ماۋسىمىنا دايىندىق جۇمىستارى كۇندەلىكتى باقىلاۋدا ەكەنىن ايتتى.

ەسكە سالا كەتسەك، بۇعان دەيىن حابارلاعانىمىزداي، جامبىل وبلىسى جىلىتۋ ماۋسىمىنا تولىق دايىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي