BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

تۇركىستانعا كەلەتىن تۋريستەردىڭ سانىن 5 ميلليونعا جەتكىزۋ كوزدەلۋدە

بىرەر جىلدا تۇركىستان وبلىسى ساۋدا-ساتتىعى قايناعان، تاريحي، مادەني نىساندارىنا ساياحاتشىلار اعىلعان ناعىز تۋريزم ورتالىعىنا اينالادى. بۇل تۋرالى وبلىس اكىمى جانسەيىت تۇيمەبايەۆ ەلباسى جولداۋىن تالقىلاۋعا ارنالعان جيىندا ايتتى، دەپ حابارلايدى baq.kz اقپارات اگەنتتىگى تۇركىستان وبلىسى اكىمدىگىنىڭ ٴباسپاسوز قىزمەتىنە سىلتەمە جاساپ.

وبلىس اكىمى جانسەيىت تۇيمەبايەۆ مەملەكەت باسشىسىنىڭ اتالعان ساياسي قۇجاتتا تۋريزم سالاسىن دامىتۋعا ەرەكشە نازار اۋدارعانىنا توقتالىپ، بۇل جۇمىستاردىڭ بۇرىننان-اق قولعا الىنعان جوسپارلارىمەن ٴبولىستى.

«مەملەكەت باسشىسى: «باي تابيعاتىمىز بەن مادەني الەۋەتىمىزدى پايدالانۋ ٴۇشىن سىرتتان كەلەتىن جانە ىشكى ٴتۋريزمدى دامىتۋعا ەرەكشە كوڭىل ٴبولۋ قاجەت. ۇكىمەت قىسقا مەرزىمدە سالالىق مەملەكەتتىك باعدارلاما قابىلداۋعا ٴتيىس» دەدى. مۇنداي شەشىم وبلىسىمىزعا كەلەتىن شەتەلدىك تۋريستەردىڭ سانىن ەسەلەپ ارتتىرۋعا مۇمكىندىك بەرەدى. بيىلعى جارتى جىلدىڭ وزىندە تۇركىستانعا 720 مىڭعا جۋىق ادام ساپارلادى. بۇل كورسەتكىش وتكەن جىلمەن سالىستىرعاندا 57،2 پايىزعا ٴوستى. جاقىن ارادا وبلىس ورتالىعىنا كەلەتىن 1 ميلليونىنشى ٴتۋريستى كۇتەتىن بولامىز. تۇركىستان وبلىسىندا ٴتۋريزمدى كەشەندى دامىتۋ ماقساتىندا 2018-2025 جىلدارعا ارنالعان تۋريستىك يندۋستريانى دامىتۋ تۇجىرىمداماسى ازىرلەندى. تاياۋدا تۇركىستان قالاسىندا ٴبىرىنشى «كونە تۇركىستان – جاڭا مۇمكىندىكتەر» اتتى حالىقارالىق ينۆەستيسيالىق جانە تۋريستىك فورۋمى ٴوتتى. اتالعان فورۋمعا 19 شەتەل جانە قازاقستاندىق 500-گە جۋىق ادام قاتىستى. ناتيجەسىندە، 1،7 ملرد. اقش دوللارىن قۇرايتىن 19 قۇجاتقا قول قويىلدى»، - دەدى وبلىس اكىمى.

ونىڭ ايتۋىنشا وبلىس ورتالىعىندا تاريحي ەتنوتۋريزمدى دامىتۋعا بارلىق مۇمكىندىكتەر بار. ول ٴۇشىن تۇركىستان قالاسىنداعى «ازىرەت سۇلتان» قورىق-مۋزەيىنىڭ دامۋ جوسپارى تۇزىلگەن. جوسپارعا سايكەس، ٴبىرىنشى كەزەكتە تۇركىستاننىڭ ەجەلگى قونىستارىنىڭ ٴبىرى – كۇلتوبە قالاشىعى قايتا جاڭعىرتىلادى. ابىلمامبەت حان مەن تاۋكە حاننىڭ وردالارى، ولاردىڭ جانىنداعى ورتاعاسىرلىق ۇلگىدەگى مەشىتى جانە باسقا دا ٴبىرقاتار نىساندار تولىق قايتا قالپىنا كەلتىرىلەدى.

«تۇركىستاننىڭ تاريxي قۇندىلىقتارىن ساقتاۋ، ودان ارى كوركەيتۋ، قوجا اxمەت ياسساۋي كەسەنەسى نەگىزىندە مادەني-رۋxاني ورتالىقتى ساقتاۋ جانە اكىمشىلىك-ىسكەرلىك ورتالىقتى قۇرۋعا ەرەكشە كوڭىل بولىنۋدە. الداعى ۋاقىتتا تۇركىستان قالاسىندا حالىقارالىق تالاپتارعا ساي كەلەتىن اۋەجاي، تەمىرجول ۆوكزالى مەن اۆتوۆوكزال سالۋ جوسپارلانىپ وتىر. تۋريستەرگە سەرۆيستىك قىزمەتتى جەتىلدىرۋ ماقساتىندا تۇركىستاندا زاماناۋي قوناق ۇيلەر مەن دەمالىس ورىندارىن اشۋعا ينۆەستورلار تارتۋ جۇمىستارى بەلسەندى تۇردە جۇرگىزىلۋدە»، - دەدى ٴوڭىر باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي