BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

تۇركىستانداعى ناۋبايحانا تاۋلىكتىك ٴونىم كولەمىن 50 مىڭ داناعا شىعاردى

استانا، baq.kz. تۇركىستان وبلىسىنىڭ اكىمى جانسەيىت تۇيمەبايەۆ وبلىس ورتالىعىنداعى ٴبىرقاتار كاسىپكەرلىك نىسانداردى ارالاپ، ونداعى اتقارىلىپ جاتقان جۇمىستارمەن تانىستى. بۇل تۋرالى تۇركىستان وبلىسى اكىمىنىڭ ٴباسپاسوز قىزمەتى حابارلايدى.

ايماق باسشىسى الدىمەن «ياسسى نان» جشس-عا باردى. 2014 جىلى ىسكە قوسىلعان جوبانىڭ جالپى قۇنى 200 ملن. تەڭگە. تاۋلىگىنە 13،7 توننا ٴونىم شىعاراتىن نان زاۋىتىندا 100 ادام تۇراقتى جۇمىسپەن قامتىلعان. كاسىپورىن باسشىسى ناسيبا اتايەۆا اس اتاسىنا دەگەن سۇرانىستىڭ ارتۋىنا بايلانىستى ٴونىم كولەمىن دە كوبەيتۋگە بەل بايلاعانىن ايتادى.

«بۇل ناۋبايحانا باستاپقىدا بەلگىلى ٴبىر كاسىپورىن جۇمىسشىلارىن نان ونىمىمەن قامتاماسىز ەتۋ ٴۇشىن قۇرىلعان. ۋاقىت وتە كەلە قالا تۇرعىندارىنان ٴبىزدىڭ ونىمگە دەگەن سۇرانىس كۇرت ارتتى. ناتيجەسىندە ٴونىم كولەمىن تاۋلىگىنە 30 مىڭ دانادان 50 مىڭعا شىعارىپ وتىرمىز. وسىعان وراي جاڭا جۇمىس ورىندارى اشىلىپ، ناۋبايحانامىزدىڭ وندىرىستىك قۋاتى مەن اۋماعى مەيلىنشە ۇلعايدى. قازىرگى تاڭدا مۇندا ناننىڭ 40 ٴتۇرى، شۇجىق ٴونىمىنىڭ 15 ٴتۇرى شىعارىلادى»، - دەدى ناسيبا سابىرقىزى.

بۇگىندە كاسىپكەر ٴوز ەسەبىنەن جوباعا قوسىمشا 800 ملن. تەڭگە قارجى قۇيىپ، چەح رەسپۋبليكاسىنان نان جابۋعا ارنالعان زاماناۋي قوندىرعىلار ساتىپ العان. قازىرگى تاڭدا مەكەمە تۇركىسان قالاسىن نان ونىمدەرىمەن تولىق قامتاماسىز ەتىپ، باعا تۇراقتىلىعىن ساقتاپ وتىر.

سونداي-اق، ايماق باسشىسى قۇرىلىس زاتتارىن شىعارۋمەن اينالىساتىن «ياسسى قۇرىلىس» جاۋاپكەرشىلىگى شەكتەۋلى سەرىكتەستىگىنە دە ايالدادى. وبلىس اكىمى زاۋىت جۇمىسشىلارىمەن كەزدەسىپ، وتاندىق كاسىپورىننىڭ ٴونىم شىعارۋ الەۋەتىمەن كەڭىنەن تانىستى. «ياسسى قۇرىلىس» 2012 جىلى قۇرىلعان. قازىرگى تاڭدا ٴوندىرىس ورنىندا 120 ادام جۇمىس ىستەيدى. زاۋىت جىلىنا 138 000 توننا تەمىر بەتون بۇيىمدارىن شىعارىپ، ىشكى نارىقتى وتاندىق قۇرىلىس زاتتارىمەن قامتاماسىز ەتىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي