BAQ.kz - Қазақстан жаңалықтары USD 367.3 BAQ.kz - Қазақстан жаңалықтары EUR 419.68 BAQ.kz - Қазақстан жаңалықтары RUB 5.58
استانا:

تۇركىستانداعى عيماراتتار ۇلتتىق ناقىشتا بوي كوتەرەدى

فوتو: aptanews.kz

استانا، baq.kz. جيىن بارىسىندا ايماق باسشىسى تۇركىستان قالاسىن تۇركى الەمىنىڭ مادەني-رۋحاني ورتالىعى رەتىندە دامىتۋ بويىنشا باس جوسپار تۇجىرىمداماسىن ازىرلەۋ كونكۋرسى ۇيىمداستىرىلعانىن اتاپ ٴوتتى.

«قالامىزدى تۋريستىك ورتالىققا اينالدىرۋ ماقساتىندا ۇيىمداستىرىلعان بايقاۋعا وتاندىق جانە شەتەلدىك ماماندار قاتىستى. اتاپ ايتقاندا، تۇركيا، وڭتۇستىك كورەيا، وزبەكستان ەلدەرىنەن 42 كاسىبي ساۋلەتشىلەر باقتارىن سىنادى. ٴبىراق، حاتتاماعا سايكەس 22 جوبا جولداندى. ولارعا قويىلىپ وتىرعان باستى تالاپ، قالاداعى جاڭا قۇرىلىس ساۋلەت ٴستيلى جەرگىلىكتى ۇلتتىق سالت-داستۇرگە ساي بولۋى ٴتيىس. سونداي-اق، قالانىڭ بارلىق تۇسىنان قوجا احمەت ياسساۋي كەسەنەسى كورىنىپ تۇرۋى كەرەك. مۇنىمەن ماسەلە شەشىلمەيدى. تۇركىستان وبلىسىنىڭ قارىشتاپ دامۋى ٴبىزدىڭ ەرەن ەڭبەگىمىزگە تىكەلەي بايلانىستى. سوندىقتان، ەل ەرتەڭى ٴۇشىن، بالالارىمىزدىڭ بولاشاعى ٴۇشىن ورتاق جۇمىستاردى اتقارىپ، جان-جاقتى قوسىلۋىمىز قاجەت»، - دەدى جانسەيىت قانسەيىت ۇلى.

سونداي-اق، وبلىس اكىمى تۇركىستان قالاسىندا ەلباسىنىڭ ۇسىنىسىمەن ٴبىرقاتار ۇلتتىق كومپانيالار، بيزنەس وكىلدەرى مەن شەتەلدىك ينۆەستورلار 30-عا جۋىق الەۋمەتتىك جانە كاسىپكەرلىك نىسان سالاتىنىن جەتكىزدى. ودان بولەك، جوبا اياسىندا تۋريستەر مەن جەرگىلىكتى حالىققا قىزمەت كورسەتەتىن مەيرامحانالار، ٴدامحانالار مەن ارباتتار سالىنباق. بۇگىندە بوي كوتەرەتىن نىسانداردىڭ ەسكيزدىك جوبالارىنا حالىقارالىق كونكۋرس جاريالانعان. ٴوڭىر باسشىسى ساۋلەتشىلەردى قالانى دامىتۋعا بايلانىستى ۇسىنىس بىلدىرۋگە جانە جاريالانعان بايقاۋعا بەلسەندى قاتىسۋعا شاقىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي