BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

تۇركىستاندا 1500 جوباعا قارجىلاي قولداۋ كورسەتىلگەن

استانا، baq.kz. تۇركىستان وبلىسىندا 2018 جىلدىڭ 1 قازانى بويىنشا تىركەلگەن شاعىن جانە ورتا كاسىپكەرلىك سۋبەكتىلەرى سانى – 140 992، ونىڭ جۇمىس ىستەپ تۇرعانى – 129 424. «بيزنەستىڭ جول كارتاسى 2020» باعدارلاماسى اياسىندا 2010 جىلدان قازىرگى تاڭعا دەيىن 43 ملرد. تەڭگەگە 1500 جوباعا قارجىلاي قولداۋ كورسەتىلگەن. بۇل تۋرالى تۇركىستان وبلىسى اكىمىنىڭ ٴباسپاسوز قىزمەتى حابارلايدى.

ناتيجەسىندە 6 مىڭنان استام جاڭا جۇمىس ورىندارى قۇرىلىپ، بيۋدجەتكە 63 ملرد. تەڭگەنىڭ سالىعى تۇسكەن. بۇگىن بۇل تۋرالى تۇركىستان وبلىسىنىڭ وڭىرلىك كوممۋنيكاسيالار قىزمەتىندە وتكەن بريفينگتە كاسىپكەرلىك جانە يندۋستريالدى يننوۆاسيالىق دامۋ باسقارماسىنىڭ باسشىسى عانيبەت اۋباكىروۆ مالىمدەدى.

سونداي-اق، اعىمداعى جىلى اتالعان باعدارلاما اياسىندا 4،4 ملرد. تەڭگەگە 400 جوباعا قولداۋ كورسەتىلدى.

«اتاپ ايتقاندا، كاسىپكەرلەردىڭ بانكتەردەگى كرەديتتەرى بويىنشا پايىزدىق ستاۆكانى سۋبسيديالاۋعا 4،2 ملرد.تەڭگە ٴبولىنىپ، 350 جوبا سۋبسيديالانعان. كاسىپكەرلەردىڭ بانكتەردەگى كرەديتتەرى بويىنشا ٴىشىنارا 102 ملن.تەڭگە ٴبولىنىپ، 30 جوبا كەپىلدەندىرىلگەن. شاعىن كاسىپكەرلىك سۋبەكتىلەرىنە مەملەكەتتىك گرانتتار ۇسىنۋعا 60 ملن. تەڭگە قارالىپ، 20 جوباعا مەملەكەتتىك گرانتتار ۇسىنىلعان»، - دەدى عانيبەت قانات ۇلى.

تۇركىستان وبلىسى بويىنشا اعىمداعى جىلدىڭ 9 ايى بويىنشا نەگىزگى كاپيتالعا تارتىلعان ينۆەستيسيا كولەمى 163،5 ملرد.تەڭگەنى قۇرادى. بۇل تۇرعىدا سوزاق اۋدانى (26،1 ملرد.تەڭگە)، تۇركىستان قالاسى (16،6 ملرد.تەڭگە) جانە شاردارا اۋدانى (15 ملرد.تگ) كوش باستاپ كەلەدى. ينۆەستيسيا كوزى بولىپ تابىلاتىن جەكە ينۆەستيسيالار كولەمى 94 ملرد. تەڭگەنى قۇراعان.

تۇركىستان وبلىسىندا ينۆەستيسيالاردى تارتۋ باعىتىندا قولايلى ينۆەستيسيالىق كليمات قۇرۋ، سونداي-اق ايماقتىڭ ينۆەستيسيالىق الەۋەتىن ارتتىرۋ ماقساتىندا ەلباسىنىڭ 2018 جىلعى 29 قىركۇيەكتەگى جارلىعىنا سايكەس كوپسالالى «turkistan» ارنايى ەكونوميكالىق ايماعى قۇرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي