BAQ.kz - Қазақстан жаңалықтары USD 343.06 BAQ.kz - Қазақстан жаңалықтары EUR 402.38 BAQ.kz - Қазақстан жаңалықтары RUB 5.49
استانا:

تۇركىستان وبلىسىندا جاڭادان قۇرىلعان ٴتورت اۋداننىڭ شەكاراسى بەكىتىلدى

فوتو: Qamshy.kz

التىنشى شاقىرىلىمداعى وبلىستىق ٴماسليحاتتىڭ كەزەكتەن تىس جيىرما جەتىنشى سەسسياسىندا تۇركىستان وبلىسىنىڭ تاياۋدا ٴبولىنىپ، قايتا قۇرىلعان جەتىساي، ماقتاارال، كەلەس، سارىاعاش اۋداندارىنىڭ شەكارالارى بەكىتىلدى، دەپ حابارلايدى baq.kz اقپارات اگەنتتىگى.

سەسسيا جۇمىسىنا قاتىسقان وبلىس اكىمى جانسەيىت تۇيمەبايەۆ ەلباسىمىزدىڭ قولداۋىمەن ەكى اۋداننىڭ ٴبولىنۋى حالقى تىعىز ورنالاسقان اۋماق ٴۇشىن ماڭىزدى ەكەنىنە توقتالدى.

«وتكەن اپتاداعى ۇكىمەتتىڭ وتىرىسىندا اتالعان اۋدانداردىڭ شەكاراسىن بەكىتۋ تۋرالى ۇسىنىسىمىز قابىلدانىپ، بۇگىن ٴماسليحاتتىڭ سەسسياسىندا بەكىتىپ وتىرمىز. بۇل بويىنشا ٴتيىستى جۇمىستار جۇرگىزىلدى. قايتا قۇرىلعان سارىاعاش اۋدانىنىڭ اۋماعى 417 مىڭ گەكتاردى قۇراسا، جاڭادان قۇرىلعان كەلەس اۋدانىنىڭ شەكاراسى 345 مىڭ 129 گەكتاردى، جەتىساي اۋدانىنىڭ اۋماعى 104 مىڭ 600 گەكتاردى، ال ماقتاارال اۋدانىنىڭ كولەمى 80 مىڭ 760 گەكتاردى قۇرايتىن بولادى. وسىعان وراي، اۋدان اكىمدەرىنە ٴتيىستى جۇمىستاردى قولعا الىپ، ۇيىمداستىرۋدى تاپسىرامىن»، - دەدى وبلىس اكىمى.

بۇدان بولەك، ايماق باسشىسى وبلىس ورتالىعى – تۇركىستان قالاسىنا كوشۋ بويىنشا قىزۋ جۇمىستار جۇرگىزىلىپ جاتقانىن ايتىپ، قىركۇيەك ايىندا بارلىق باسقارمالارمەن بىرگە كوشەتىنىن جەتكىزدى. ول ٴۇشىن شىلدە، تامىز ايلارىندا اكىمدىككە قاراستى مەكەمەلەر مەن ٴماسليحات اپپاراتى ورنالاساتىن عيماراتتار دايىندالاتىنىن اتاپ ٴوتتى.

جيىندى قورىتىندىلاعان وبلىس اكىمى جوعارىدا اتالعان جۇمىستاردى بىرلەسە ۇيىمداستىرىپ، تۇركىستان قالاسىنا كوشۋگە بىركىسىدەي اتسالىسۋعا شاقىردى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي