BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

تۇركىستان وبلىسىندا جاڭا تەمىرجول باعىتتارى اشىلادى

جىل سوڭىنا دەيىن «تۇركىستان-بادام» جانە «تۇركىستان-سارىاعاش» جاڭا تەمىرجول باعىتتارى ىسكە قوسىلادى. بۇل شارۋالار شىمكەنت قالاسى رەسپۋبليكالىق ستاتۋس الۋىنا جانە تۇركىستان وبلىسىنىڭ قۇرىلۋىنا بايلانىستى اتقارىلىپ وتىر. بۇل تۋرالى بۇگىن جولاۋشىلار كولىگى جانە اۆتوموبيل جولدارى باسقارماسىنىڭ باسشىسى نۇرلان بايعۇت وڭىرلىك كوممۋنيكاسيالار قازمەتىندە وتكەن ٴباسپاسوز جيىندا مالىمدەدى، دەپ حابارلايدى ۆaq.kz اقپارات اگەنتتىگى.

ونىڭ سوزىنشە، جالپى وبلىستا 2018 جىلدىڭ 6 ايىندا 577،6 ملن. جولاۋشى تاسىمالدانعان. بۇل كورسەتكىش وتكەن جىلدىڭ وسى كەزەڭىمەن سالىستىرعاندا 1،6%-عا جوعارى.

«تۇركىستان وبلىسىندا 44 تاسىمالداۋشى 1283 اۆتوبۋسپەن جولاۋشىلار تاسىمالداۋ قىزمەتىن كورسەتۋدە. وبلىستاعى تۇراقتى باعىتتار جەلىسى 320 باعىتتاعى 1081 كەستەدەن تۇرادى. شىمكەنت قالاسىنىڭ رەسپۋبليكالىق ماڭىزى بار قالا مارتەبەسىن الۋىنا بايلانىستى، وبلىستاعى اۋدانارالىق 115 باعىتتىڭ ٴ91-ى وبلىسارالىق بولىپ وزگەرەدى. وبلىسارالىق 39 باعىتتىڭ ٴ13-نىڭ باستاپقى پۋنكتى شىمكەنت قالاسى بولۋىنا بايلانىستى، بۇل باعىتتار شىمكەنت قالاسى اكىمدىگىنىڭ قۇزىرىنا بەرىلدى. ودان بولەك، شىمكەنت قالاسىنداعى 26 تاسىمالداۋشى، 82 باعىت، 1744 اۆتوبۋس، 1261 كەستە تىكەلەي شىمكەنت قالاسى اكىمدىگىنىڭ قۇزىرىندا بولادى»، – دەدى باسقارما باسشىسى.

قازىرگى ۋاقىتتا، تۇركىستان قالاسىنان 5 اۋدان ورتالىعىنا كەنتاۋ، ارىس، ٴشاۋىلدىر، شولاققورعان، مىرزاكەنت تىكەلەي تۇراقتى جولاۋشىلار تاسىمالى ورىندالۋدا. الداعى ۋاقىتتا وبلىستاعى قالعان اۋدان ورتالىقتارىنا، اتاپ ايتقاندا شاردارا، جەتىساي، سارىاعاش، لەنگىر قالالارىنا جانە اباي، قازىعۇرت، تەمىرلان، اقسۋكەنت، ت.رىسقۇلوۆ جانە شايان تۇركىستان قالاسىنان تىكەلەي تۇراقتى باعىتتار اشۋ جوسپارلانىپ وتىر.

ايتا كەتەيىك، باسقارماعا تىكەلەي قاراستى اۋدانارالىق، وبلىسارالىق تۇراقتى باعىتتارعا قىزمەت كورسەتەتىن قوعامدىق كولىكتەر gps جۇيەسىمەن جابدىقتالعان. ەلباسىنىڭ جارلىعىنا سايكەس، تۇركىستان قالاسى وبلىس ورتالىعى بولۋىنا بايلانىستى، قالانىڭ كولىك جۇيەسىن جان-جاقتى دامىتۋ ماقساتىندا، قالاداعى باعىتتارعا ەلەكتروندى بيلەت جۇيەسىن 2018 جىلدىڭ سوڭىنا دەيىن ورناتۋ جوسپارلانۋدا. پيلوتتىق جوبا رەتىندە تۇركىستان قالاسىنداعى ٴبىر باعىتقا ەلەكتروندى بيلەت جۇيەسىن 2018 جىلدىڭ ٴiىى توقسانىنا دەيىن تەستىلەۋ جوسپارلاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي