BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

تۇركى الەمىنىڭ زەرتتەۋلەرىنە ارنالعان حالىقارالىق سيمپوزيۋم ٴوتتى

الماتىداعى قازاق مەملەكەتتىك قىزدار پەداگوگيكالىق ۋنيۆەرسيتەتىندە حالىقارالىق تۇركى الەمى زەرتتەۋلەرىنە ارنالعان سيمپوزيۋم ٴوتتى، دەپ حابارلايدى baq.kz اقپارات اگەنتتىگى اتالعان ۋنيۆەرسيتەتتىڭ ٴباسپاسوز ورتالىعىنا سىلتەمە جاساپ.

قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ ۇيىتقى بولۋىمەن وتكەن شاراعا تۇركيا، قازاقستان، ٴازىربايجان، قىرعىزستان، وزبەكستان، تاتارستان مەن باشقۇرتستاننان 300-دەن استام عالىم مەن ساراپشى قاتتى.

ٴۇش كۇنگە جالعاسقان باسقوسۋدا عالىمدار پەداگوگيكا، ٴتىل، ادەبيەت، تاريح، مادەنيەت، ونەر، حالىقارالىق قاتىناستار، ەكونوميكا، فيلوسوفيا، الەۋمەتتانۋ، گەندەرلىك ت.ب. ماسەلەلەر جايىندا جانە جاراتىلىستانۋ عىلىمدارى سالاسىندا پىكىر الماسىپ، بولاشاقتا تۇركى الەمىندە ورتاق عىلىمي جوبالاردى جۇزەگە اسىرۋ تۋراسىندا ۋاعدالاستى.

جيىندى قىزدار ۋنيۆەرسيتەتىنىڭ رەكتورى گاۋحار الدامبەرگەنوۆا اشىپ، سيمپوزيۋمنىڭ ماڭىزىنا توقتالدى.

«قازاقستان رەسپۋبليكاسىنىڭ پرەزيدەنتى – ەلباسى نۇرسۇلتان ٴابىش ۇلى نازاربايەۆتىڭ باستاماسىمەن قايتا دۇنيەگە كەلگەن «ماڭگىلىك ەل» مۇراتىنىڭ دا نەگىزگى وزەگى – ۇلى دالا ەلىن تۇركى حالىقتارىنىڭ اتا جۇرتى رەتىندە قابىلداۋعا نەگىزدەۋ، تامىرى تەرەڭ ۇلتتىق مادەنيەتتىڭ ساقتالۋىن جانە دامۋىن قامتاماسىز ەتۋ. جاڭا مىڭجىلدىق ەۋرازيا كەڭىستىگىندە ۇلكەن ساياسي وزگەرىستەرمەن باستاۋ الدى. ٴتۇبى ٴبىر تۇركى مەملەكەتتەرى تاۋەلسىزدىك الدى، بابالار ارمانى شىندىققا اينالدى. بۇل وزگەرىستەر – جاڭا ساياسي-ەكونوميكالىق جانە مادەني كەڭىستىكتىڭ پايدا بولۋىنا جول اشتى»، - دەدى گ. الدامبەرگەنوۆا.

وقۋ ورنى باسشىسىنىڭ ايتۋىنشا، تۇركى حالىقتارىنىڭ عىلىمي-زەرتتەۋ جۇمىستارىن ورتاق نەگىزدە دامىتۋ ماقساتىندا باس قوسىپ وتىرعان عالىمدار قازاقستاننىڭ لاتىن جازۋىنا نەگىزدەلگەن جاڭا الىپبيگە كوشۋ باعدارلامالارىنداعى وزەكتى ماسەلەلەردى شەشۋدە بىرلەسە عىلىمي-شىعارماشىلىق باعىتتا جۇمىس ىستەپ، جاڭا عىلىمي زەرتتەۋلەر جۇرگىزۋگە باستاما جاسايتىن بولادى.

ايتا كەتەيىك حالىقارالىق تۇركى الەمى زەرتتەۋلەرى سيمپوزيۋمى العاش رەت تۇركيانىڭ نييدە ومەر حاليسدەمير ۋنيۆەرسيتەتىندە 2014 جىلدىڭ 18-21 ناۋرىز كۇندەرى ارالىعىندا وتكەن بولاتىن. سونىمەن قاتار، شارا اياسىندا اتالعان جوعارى وقۋ ورىندارىنىڭ ستۋدەنتتەرىنىڭ قاتىسۋىمەن «ٴتۇبىمىز ٴبىر تۇرىكپىز» فەستيۆالى دا تۇراقتى تۇردە ۇيىمداستىرىلىپ كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي