BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

تۇيمەبايەۆ تۇركىستاندىقتاردى قولجەتىمدى باسپانامەن قامتاماسىز ەتۋدى تاپسىردى

تۇركىستان وبلىسىنىڭ اكىمى جانسەيىت تۇيمەبايەۆ «تۇرعىن ٴۇي قۇرىلىس جيناق بانكى» اق-نىڭ وڭتۇستىك فيليالى ديرەكتورى قۇدايبەرگەن سەيتمامبەتوۆپەن كەزدەستى. جۇزدەسۋدە «نۇرلى جەر» مەملەكەتتىك تۇرعىن ٴۇي باعدارلاماسىنىڭ باعىتتارىنىڭ ٴبىرى - كرەديتتىك تۇرعىن ٴۇي قۇرىلىسىن دامىتۋ ماسەلەلەرى قارالىپ، قولجەتىمدى باسپانا ماسەلەسىن شەشۋ جاعدايلارى ٴسوز بولدى، دەپ حابارلايدى baq.kz اقپاراتتىق اگەنتتىگى وبلىس اكىمدىگىنىڭ ٴباسپاسوز قىزمەتىنە سىلتەمە جاساپ.

اتالعان بانكتىڭ وڭىرىمىزدەگى جەتەكشىسى سالاداعى اتقارىلعان ٴبىرقاتار جۇمىستاردىڭ بارىسىن بايانداپ، الداعى جوسپارلارىمەن ٴبولىستى. اتاپ ايتقاندا، بۇگىنگى تاڭدا «تۇرعىن ٴۇي قۇرىلىس جيناق بانكى» اق-نىڭ وڭتۇستىك فيليالى «باسپانا» مەكەمەسىمەن قول قويۋ شارالارىن جۇرگىزۋدە. 2018 جىلدىڭ 1 جەلتوقساننان باستاپ بانك ۇجىمى ەلباسى بەكىتكەن «7-20-25» باعدارلاماسى بويىنشا ٴتيىستى جۇمىستاردى ىسكە اسىرا باستايدى.

سونىمەن بىرگە، باسقوسۋدا ق.سەيتمامبەتوۆ اكىمگە وبلىس تۇرعىندارى ٴۇشىن وتە ٴتيىمدى دە، ىڭعايلى بولاتىن ۇسىنىسىن جەتكىزدى. العاشقى سالىمسىز-اق، باسپانالى بولۋعا بولاتىن جوبادا قاراپايىم حالىقتىڭ جاعدايى ەسكەرىلگەن.

وسى جىلى «7-20-25» باعدارلاماسىن وبلىستا ىسكە اسىرۋ ماقساتىندا، تۇركىستان قالاسىندا جەكە سالۋشى جانە «تۇركىستان» اكك» اق-ى ارقىلى 6 كوپقاباتتى تۇرعىن ٴۇيدىڭ (288 پاتەر، 15،6 مىڭ ش.م.) قۇرىلىسى باستالعان بولاتىن. بۇل پاتەرلەردى 2019 جىلى تاپسىرۋ جوسپارلانىپ، بارلىق ۇيلەردى «7-20-25» باعدارلاما ارقىلى تاراتۋ كوزدەلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي