BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

تەمىرتاۋدا اناسى كوشەگە تاستاپ كەتكەن 2 جاسار ٴسابي جەتىمدەر ۇيىنە ورنالاستىرىلدى

تەمىرتاۋدا اناسى كىشكەنتاي قىزىن بەيتانىس ايەلگە تاستاپ كەتكەن. كوكەك انا تاستاپ كەتكەن 2 جاسار ٴسابي قاراعاندىنىڭ «بوتاگوز» بالالار ۇيىنە ورنالاستىرىلدى، دەپ xابارلايدى baq.kz ايماقتاعى ٴتىلشىسى.

ەسكە سالايىق، وسىدان بىرنەشە كۇن بۇرىن تەمىرتاۋدا جاس انا بەيتانىس ايەلدەن كىشكەنتاي قىزىن قارايلاي تۇرۋىن وتىنگەن. تەلەفون ٴنومىرىن قالدىرعان انا سول بەتى قايتىپ ورالماعان. بىرنەشە ساعات بويى بالانىڭ اناسىنا xابارلاسا الماعان ايەل پوليسياعا xابارلاسقان. قۇقىق قورعاۋ ورگاندارىنىڭ قىزمەتكەرلەرى ٴسابيدى قالالىق اۋرۋxاناعا اكەلگەن. كوكەك اناعا xابارلاسقان پوليسەيلەر ونى ۋچاسكەگە كەلۋگە كوندىرە الماعان. بىرنەشە كۇن بويى دارىگەرلەردىڭ قاراۋىندا بولعان ٴسابي جەتىمدەر ۇيىنە ورنالاستىرىلدى.

«بالا ٴوز جاسىنا قاراي ٴوسىپ كەلەدى. ازىرگە سويلەي المايدى. وزدىگىنشە تاماق جەي المايدى. ٴبىراق ادامدارعا ٴۇيىر. بالالارمەن جاقسى وينايدى. ەشكىمنەن قورىقپايدى. جاقسى ۇيىقتايدى»، - دەيدى «بوتاگوز» بالالار ٴۇيى ديرەكتورىنىڭ مىندەتىن اتقارۋشى ليۋدميلا دروزدوۆا.

قىزىن كوشەگە تاستاپ كەتكەن انا بالاسى ەكەۋىندە قۇجاتتارىنىڭ جوقتىعىن ايتقان. ول قاراعاندىنىڭ تۋماسى، جاسى 26-دا. قامقورشىلىق ورگانى ماماندارىنىڭ ايتۋىنشا، اناسى بالاسىن جەتىمدەر ۇيىنەن بىردەن الىپ كەتە المايدى. الدىمان جاس انا قۇجاتتارىن قالپىنا كەلتىرىپ، بالانىڭ اناسى ەكەنىن، سودان كەيىن تۇرعىلىقتى جەرىن كورسەتىپ، بالاعا جاعداي جاساي الاتىنىن دالەلدەۋى كەرەك.

«اناسىن پوليسيا قىزمەتكەرلەرى وزدەرى ىزدەپ تاپتى. وعان دەيىن ول بالانى ىزدەگەن جوق. بالانى بەيتانىس ادامعا قالدىرىپ، ونىڭ ومىرىنە ٴقاۋىپ توندىرگەنى ٴۇشىن ول اكىمشىلىك جاۋاپكەرشىلىككە تارتىلادى. مۇنىمەن پوليسيا اينالىسىپ جاتىر»، - دەيدى تەمىرتاۋ قالاسى ٴبىلىم ٴبولىمىنىڭ قامقورشىلىق جانە قورعاۋ سەكتورىنىڭ جەتەكشىسى جۇلدىز ارەلينا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي