BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

تارازدا تابيعي گازبەن جۇرەتىن قوعامدىق كولىكتەر سانى ارتادى

فوتو: ашық дереккөзден

جامبىل وبلىسىندا تابيعي گاز وتىنىنا بەيىمدەلگەن اتوبۋستار سانىن جىل سوڭىنا دەيىن 65 جەتكىزۋ جوسپارلانىپ وتىر. بۇل جونىندە وڭىرلىك كوممۋنيكاسيالار قىزمەتىندە وتكەن بريفينگتە جامبىل وبلىسى اكىمدىگىنىڭ قۇرىلىس، جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ادىلەت احاتايەۆ مالىمدەدى، دەپ حابارلايدى baq.kz ٴتىلشىسى.

«جامبىل وبلىسىندا جالپى پايدالانىمداعى اۆتوموبيل جولدارى مەن ەلدى-مەكەن كوشەلەرىنىڭ جەلىسى بۇگىندە 9 692 شاقىرىمدى قۇرايدى. 2017 جىلدىڭ قورىتىندىسى بويىنشا جەرگىلىكتى ماڭىزى بار اۆتوجولداردىڭ جاقسى جانە قاناعاتتانارلىق جاعدايىنىڭ ۇلەسى 77% قۇراسا، 2018 جىلى اتالعان كورسەتكىشتى 80،1%-عا جەتكىزۋ كوزدەلگەن بولاتىن. 2018 جىلى جالپى جەرگىلىكتى ماڭىزى بار اۆتوجولدار مەن ەلدى مەكەن كوشەلەرىن جوندەۋ مەن كۇتىپ ۇستاۋعا 10،8 ملرد. تەڭگە بولىنگەن»، - دەدى باسقارما باسشىسى.

ونىڭ بەرگەن اقپاراتىنا سايكەس، اعىمداعى جىلدىڭ 8 ايىنىڭ قورىتىندىسى بويىنشا 96 كم جەرگىلىكتى ماڭىزى بار اۆتوجولداردى ورتا جوندەۋ جۇمىستارى اياقتالىپ، جاقسى جانە قاناعاتتانارلىق جاعدايداعى جەرگىلىكتى ماڭىزى بار اۆتوموبيل جولدارىنىڭ ۇلەسى 78،5% قۇراعان. جىل قورىتىندىسى بويىنشا بۇل كورسەتكىش 80،1% جەتكىزىلمەك.

«جولاۋشىلار كولىگى سالاسىنا توقتالار بولسام، وبلىستا جەكە مەنشىك نىسانداعى 29 تاسىمالداۋشى مەكەمە 202 باعىت بويىنشا 1324 دانا اۆتوبۋسپەن قىزمەت كورسەتۋدە. اۆتوبۋستاردىڭ ورتاشا پايدالانۋ مەرزىمى – 8 جىلدى قۇرايدى. 1324 دانا اۆتوبۋستىڭ 160 – بەنزين وتىنىن، 998 – ديزەل جانە 166 دانا اۆتوبۋس تابيعي گاز وتىنىن پايدالانادى. اعىمداعى جىلى تاسىمالداۋشىلار تابيعي گاز وتىنىنا بەيىمدەلگەن 25 اۆتوبۋستى جەكە قاراجاتتارىنا ساتىپ الدى. جىل سوڭىنا دەيىن قوسىمشا 40 دانا اۆتوبۋس ساتىپ الۋ كوزدەلىپ وتىر»، - دەدى احاتايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي