BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

تارازدا اۆتوبۋس جولاقىسى قىمباتتاي ما؟ اكىمنىڭ جاۋابى

استانا، baq.kz ٴتىلشىسى. جامبىل وبلىسىنىڭ اكىمى اسقار مىرزاحمەتوۆ تاراز قالاسىندا قوعامدىق كولىكتەگى جولاقى 90 تەڭگەگە كوتەرىلەدى دەگەن اقپاراتتى جوققا شىقاردى. بۇل تۋرالى ٴوڭىر باسشىسى وكق الاڭىندا وتكەن ٴباسپاسوز ٴماسليحاتىندا مالىمدەدى.

شارادا جۋرناليستەردىڭ ٴبىرى وبلىس اكىمىنەن تاراز قالاسىنداعى قوعامدىق كولىكتەردە جولاقى باعاسى 90 تەڭگەگە قىمباتتايدى دەگەن اقپاراتتىڭ قانشالىقتى شىندىققا جاناساتىنىن سۇرادى.

اسقار مىرزاحمەتوۆ وبلىس اكىمى قىزمەتىنە كەلگەلى تاراز قالاسىنداعى قوعامدىق كولىككە قاتىستى بۇل ماسەلە كوتەرىلىپ كەلە جاتقانىن ايتتى. سەبەبى كولىكتەردىڭ ساپاسى سىن كوتەرمەيدى، ەكولوگيالىق تۇرعىدان تالاپتارعا ساي كەلمەيدى.

«ٴبىراق وسىلاي دەپ ولاردىڭ ٴبارىن جاۋىپ تاستاۋعا بولمايدى، ويتكەنى حالىققا قىزمەت كورسەتۋى كەرەك. ال حالىققا قىزمەت كورسەتەتىن مەكەمەلەر ٴتاريفتىڭ تومەندىگىنەن تەحنيكانى تولىعىمەن اۋىستىرا الماي وتىرمىز دەگەن ٴۋاج ايتادى. ولارمەن بىرگە ماسەلەنى ارنايى تالقىلاعاندا «بىردەن 90 تەڭگەگە كوتەرىلەدى» دەگەن اڭگىمە بولعان جوق. بۇل – قىزمەت كورسەتەتىن مەكەمەلەردىڭ ايتىپ وتىرعان ۇسىنىسى. ٴبىز ەكى جاقتى قاراۋىمىز كەرەك. ٴبىرىنشى كەزەكتە حالىقتىڭ قالتاسى كوتەرە الا ما، سونى ەسكەرە وتىرىپ وسى ماسەلەنى قاراۋ تۇجىرىمى ايتىلدى. وعان ولار دا كەلىسىپ وتىر»، - دەدى ٴوڭىر باسشىسى.

قازىرگى تاڭدا تاراز قالاسىندا قوعامدىق كولىكتەردەگى جولاقى – 65 تەڭگە، وقۋشىلارعا – 30 تەڭگە. وسى ورايدا وبلىس اكىمى قوعامدىق كولىك مەكەمەلەرىنىڭ ناقتى تابىسى انىقتالعان سوڭ جولاقىنى كوتەرۋ ماسەلەسى قايتا قارالاتىنىن ايتتى.

«ٴبىزدىڭ ۇسىنىسىمىز الدىمەن ٴاربىر باعىت بويىنشا شىن مانىندە قانشا تابىس تاۋىپ وتىر، سونى انىقتاۋ قاجەت. ويتكەنى ول جەردە دە مالىمەتتەر اراسىندا وتە ۇلكەن ايىرما بار. ستاتيستيكا باسقا مالىمەتتى ايتادى، وزدەرىنىكى باسقا. ارنايى كوميسسيا ناقتى تابىستى انىقتاعاننان كەيىن ٴتاريفتى كوتەرۋ ماسەلەسى قايتا قارالاتىن بولادى. تاعى ايتامىن، ول جەردە 90 تەڭگەگە كوتەرىلەدى دەگەن شەشىم بولعان جوق»، - دەپ جاۋاپ بەردى اسقار مىرزاحمەتوۆ.

بۇعان دەيىن، ايماق باسشىسى تۇرعىندار ٴۇشىن گازدى ۇيگە كىرگىزۋ باعاسى تومەندەتىلگەنىن جەتكىزگەن بولاتىن. جالپى، وبلىس ورتالىعى تاراز قالاسىندا تاعى ەكى اۋدان پايدا بولدى. سونىمەن قاتار، اپاتتى مەكتەپتەر ماسەلەسى دە شەشىمىن تاباتىندىعى ايتىلدى. ال وڭىردەگى دارىگەرلەر اراسىندا كىمنىڭ جالاقىسى وسەتىنى تۋرالى اكىم ناقتى ويىن ايتتى. سونىمەن بىرگە، وبلىس باسشىسى ٴتاريفتى تۇراقتى ۇستاپ تۇراتىن جۇيە قۇرىلاتىنىن ەسكەرتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي