BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

تابيعات ەمەس، كەيبىر لاۋازىمدى تۇلعالار كىنالى — دانيال احمەتوۆ

وبلىس اكىمى دانيال احمەتوۆ وسكەمەن قالاسىنىڭ سۋ باسقان اۋداندارىندا بولىپ، تابيعي اپاتتان زارداپ شەككەن تۇرعىندارمەن كەزدەستى. اتاپ ايتقاندا، ايماق باسشىسى شاھاردىڭ ىرگەسىندەگى كراسين كەنتى مەن ابلاكەتكا ىقشاماۋداندارىندا قارعىن سۋ باسقان جەكە ۇيلەردىڭ تۇرعىندارىمەن جولىعىپ، حال-جاعدايىن ٴبىلىپ قايتتى، دەپ حابارلايدى baq.kz اقپارات اگەنتتىگى وڭىرلىك باق-قا سىلتەمە جاساپ.

ەستەرىڭىزگە سالايىق، وبلىس ورتالىعىندا ەكى كۇن بويى تولاسسىز جاۋعان قار ارالاس جاڭبىردىڭ سالدارىنان قالانىڭ ٴبىرقاتار اۋدانى مەن كوشەلەرىن سۋ باسىپ، توتەنشە جاعداي قالىپتاسقان بولاتىن. اپاتتان كراسين كەنتىندەگى كوجەدۋب جانە پۋشكين كوشەلەرى بويىندا ورنالاسقان ٴتورت ٴۇيدىڭ تۇرعىندارى زارداپ شەكتى. جەرگىلىكتى تۇرعىنداردىڭ ٴبىرى اندرەي تاتارچەنكونىڭ مالىمدەۋىنشە، مۇنداي جاعدايدىڭ ورىن الۋىنا وسى ماڭداعى ارىق ارناسىنىڭ ٴجوندى ٴارى ۋاقتىلى تازالانباۋى سەبەپشى بولعان. ناتيجەسىندە ارىق سۋى ارناسىنان اسىپ، ىرگەدەگى اۋلالار 40 سانتيمەترلىك سۋ استىندا قالعان. اپاتتى جويۋ ماقساتىندا وقيعا ورنىنا توتەنشە جاعداي دەپارتامەنتىنىڭ ماماندارى مەن تەحنيكاسى جۇمىلدىرىلىپ، جەكسەنبى كۇنى ٴتۇننىڭ ٴبىر ۋاقىتىنا دەيىن جۇرگىزىلگەن جۇمىستاردىڭ ارقاسىندا اۋلالار سۋدان تازارتىلدى.

ٴدال وسىنداي جاعداي ابلاكەتكا ىقشاماۋدانىندا دا قالىپتاسقان. ٴبىراق بۇل جەردەگى ەكى اۋلانى باسقان تەرەڭدىگى 80 سانتيمەترلىك سۋدى جويۋ ٴىس-شارالارى ٴالى دە جالعاسۋدا.

قاجەتتى جۇمىستار جۇرگىزىلىپ جاتقانىنا قاراماستان، بۇگىن تاڭەرتەڭ وقيعا ورنىنا بارعان وبلىس اكىمى دانيال احمەتوۆ توتەنشە جاعدايلار دەپارتامەنتى مەن قالا اكىمدىگىنىڭ جۇمىسىن قاتاڭ سىنعا الدى.

"سىزدەر ٴبىر ارىقتىڭ سۋمەن ٴبىر تاۋلىك بويى الىستىڭىزدار. اينالدىرعان ٴتورت ٴۇيدىڭ پروبلەماسىن وسىنشاما ۇزاق ۋاقىت شەشە الماۋلارىڭىز اقىلعا سيمايدى. بۇل — بارىپ تۇرعان ماسقارا عوي. بىلتىر سىزدەرگە قوماقتى قاراجات ٴبولىپ، مۇنداي جاعدايدا قاجەتتى بولاتىن تەحنيكا الۋعا كومەكتەسكەنبىز. سول تەحنيكا قايدا، نەگە پايدالانبايسىزدار؟ جالپى، مۇنداي احۋالدىڭ قالىپتاسۋىنا، تابيعات ەمەس، ٴوز مىندەتتەرىنە سالعىرت قاراعان كەي لاۋازىمدى تۇلعالار كىنالى"، — دەدى دانيال احمەتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي