BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

سوزاق اۋدانىنىڭ 90 جىلدىعى تويلانۋدا

تۇركىستان. baq.kz. سوزاق اۋدانىنىڭ 90 جىلدىعىنا وراي شولاققورعان اۋىلى «مىڭجىلقى» مادەنيەت سارايىندا «سوزاق-جىر، ٴسوزاق-سوز، سوزاق-ونەر» اتتى عىلىمي تاجىريبەلىك كونفەرەنسيا ٴوتتى.

ايتۋلى جيىندا وبلىس اكىمى جانسەيىت تۇيمەبايەۆ سوزاق ٴوڭىرىنىڭ قازاق تاريحىنداعى رولىنە توقتالىپ، ٴوڭىر تۇرعىندارىن اۋداننىڭ مەرەيتويىمەن قۇتتىقتادى، دەپ حابارلايدى وبلىس اكىمدىگىنىڭ ٴباسپاسوز قىزمەتى.

«ەلباسىمىز نۇرسۇلتان نازاربايەۆ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا: «تۋعان جەردىڭ ٴاربىر سايى مەن قىرقاسى، تاڭى مەن وزەنى تاريحتان سىر شەرتەدى. ٴاربىر جەر اتاۋلىنىڭ توركىنى تۋرالى تالاي-تالاي اڭىزدار مەن اڭگىمەلەر بار. ٴاربىر ولكەنىڭ حالقىنا سۋىقتا پانا، ىستىقتا سايا بولعان، ەسىمدەرى ەل ەسىندە ساقتالعان ٴبىرتۋار پەرزەنتتەرى بار. ونىڭ ٴبارىن جاس ۇرپاق ٴبىلىپ وسۋگە ٴتيىس»، - دەپ اتاپ كورسەتكەن بولاتىن. تۇركىستان وبلىسىندا ناعىز قاسيەتتى دە كيەلى جەرلەر كوپ. سونىڭ ٴبىرى دە بىرەگەيى، اۋليەلى، كيەلى، شەرتپە كۇيدىڭ وتانى بولعان - سوزاق اۋدانى. تەكتi توپىراق سوزاق ۇلتتىق ادەبيەتiمiزدiڭ سيرەك دارىن يەسi تاكەن مەن ساۋiربەكتi، اسقار مەن تولەگەن، ٴباتيمالاردى ومiرگە الىپ كەلدi. تەرىسكەيدىڭ اياۋلى پەرزەنتى اسقار سۇلەيمەنوۆشە ايتساق، «سوزاق داريا...سوزاق قاريا... سوزاق مىنەز» دەگەنى وسىندا بولسا كەرەك. بۇگىندە سوزاق اۋدانى ٴوندىرىسى ورلەگەن، شارۋاشىلىعى شالقىعان وبلىستاعى كوش باستاۋشى اۋدانداردىڭ بىرىنە اينالعان. بۇگىنگى اتاپ وتكەن مەرەيلى توي - جاڭا جەتىستىكتىڭ، تەرىسكەيدەگى تىڭ تابىستاردىڭ باستاۋى بولسىن»، - دەدى جانسەيىت قانسەيىت ۇلى.

عىلىمي جيىندا 1985-1991 جىلدارى سوزاق اۋداندىق پارتيا كوميتەتىنىڭ ٴبىرىنشى حاتشىسى قىزمەتىن اتقارعان د.شەرىمقۇلوۆ، تاۋەلسىزدىكتىڭ العاشقى جىلدارىندا سوزاق اۋدانىندا تۇڭعىش اكىمى بولىپ قىزمەت اتقارعان ٴا.ومبايەۆ، 1994-1999 جىلدارى سوزاق اۋدانىنىڭ اكىمى بولىپ قىزمەت اتقارعان ق،ايتاحانوۆ سىندى ازاماتتار قۇتتىقتاۋ سوزدەرىن ارناپ، ٴوڭىردىڭ تاريحىنان سىر شەرتتى.

سوزاق اۋدانىنىڭ 90 جىلدىق مەرەيتويىنا ارنالعان كونفەرەنسيادا اۋداننىڭ وركەندەۋىنە ۇلەس قوسقان ٴبىرقاتار ازاماتتار وبلىس اكىمىنىڭ گراموتاسىمەن جانە العىس حاتىمەن ماراپاتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي