BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

سولتۇستىكتە «بيوحيم» زاۋىتى قايتا ىسكە قوسىلدى

فوتو: автор

سولتۇستىك قازاقستان وبلىسىندا 8 جىل بويى تۇرالاپ قالعان «بيوحيم» زاۋىتى قايتا ىسكە قوسىلدى. ٴوندىرىس ورىنىنىڭ جۇمىسىن جانداندىرۋ باعىتىنداعى ٴبىرىنشى كەزەڭ، «bio operations» كراحمال مەن جەلىمتىك ٴوندىرۋ كەشەنىنىڭ ىسكە قوسىلۋى، دەپ حابارلايدى baq.kz اقپارات اگەنتتىگىنىڭ تەرىسكەي وڭىرىندەگى ٴتىلشىسى.

«bio operations» سقو ٴۇشىن ستراتەگيالىق ماڭىزعا يە ٴوندىرىس وشاعى. جالپى ينۆەستيسيا كولەمى 11 ميلليارد تەڭگە. كاسىپورىن جىلىنا 300 مىڭ توننا بيدايدى وڭدەي الادى. وندىرىسكە تەك جەرگىلىكتى شيكىزات قولدانىلادى. زۋىتتىڭ اشىلۋىنا سولۇستىك قازاقستان وبلىسىنىڭ اكىمى قۇمار اقساقالوۆ قاتىستى.

«زاۋىتتا 400 ادام جۇمىس ىستەيتىن بولادى جانە ولاردىڭ بارلىعى جەرگىلىكتى تۇرعىندار. 50 مىڭ باسقا شاقتالعان شوشقا كەشەنى دە جۇمىسىن جاڭعىرتتى. جۋىق ارادا ورتالىق ازياداعى تەڭدەسى جوق ەت كومبيناتى دا ىسكە قوسىلادى. كومبيناتتىڭ قۋاتتىلىعى 15 مىڭ توننا ەت. بولاشاقتا جۇمىسپەن 1000 ادام قامتىلماق. بيۋدجەتكە جىلىنا 100 ميلليون تەڭگە سالىق تۇسەدى»،- دەدى قۇمار اقساقالوۆ.

فوتو: اۆتور

كەلەسى جىلدان زاۋىت بيوەتانول وندىرە باستايدى. بيوەتانول بەنزيننىڭ وكتان سانىن كوبەيتىپ، ەكولوگيالىق تازا ەتەدى. ٴقازىر ەلىمىزدىڭ مۇناي وڭدەۋ زاۋىتتارىمەن بيوەتانولدى جەتكىزۋ بويىنشا كەلىسسوزدەر جۇرگىزىلۋدە. وتاندىق مۇناي زاۋىتتارىنىڭ ەۋرو-5 بەنزينىن شىعارۋعا كوشكەنىن ەسكەرسەك، وتاندىق بيوەتانولعا سۇرانىس كولەمى وسەرى انىق.

«ينۆەستيسيا كولەمى 6 ملرد تەڭگە. بۇنىمەن توقتاپ قالمايمىز دەپ ويلايمىن. ٴتۇرلى امين قىشقىلدارىن وندىرەتىن بولامىز، ونىڭ ىشىندە ليزين دا بار. ەكولوگيالىق تازا ٴونىم شىعارۋ – بۇگىنگى زامان تالابى. زاۋىت ونىمدەرى جوعارى سۇرانىسقا يە بولاتىنىنا سەنىمدىمىن»، - دەيدى «bio operations» ٴجشس-نىڭ باس ديرەكتورى ٴسابيت احمەتوۆ.

زاۋىت جىلىنا 200 مىڭ توننا بيدايدى قايتا وڭدەۋگە قاۋقارلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي