BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

سولتۇستىك قازاقستاندا 43 مىڭ تۇرعىننىڭ ەڭبەكاقىسى كوبەيەدى

فوتو: Автор

ەلباسى جاڭا جىلدان باستاپ تومەنگى ەڭبەكاقى مولشەرىن 28 مىڭنان 42 مىڭ تەڭگەگە دەيىن كوبەيتۋدى تاپسىردى. پرەزيدەنت جولداۋىنا سايكەس جاڭا جىلدان سولتۇستىك قازاقستاندا 43 مىڭ تۇرعىننىڭ ەڭبەكاقىسى كوبەيەدى، دەپ حابارلايدى baq.kz ايماقتاعى ٴتىلشىسى.

جەڭىلدەتىلگەن سالىق 200 مىڭ ادامعا اسەرىن تيگىزەدى. مەديسينالىق قىزمەتكەرلەردىڭ دە ەڭبەكاقىسى 20 % پايىزعا ۇلعايماق. وبلىستا 300 ۋچاسكەلىك دارىگەر مەن 750 مەدبيكەنىڭ ەڭبەكاقىسى كوتەرىلەدى. جالپى، دەنساۋلىق ساقتاۋ سالاسىندا اۋرۋحانالار مەن ەمحانالاردى قارجىلاندىرۋ 3 ەسەگە كوبەيەدى. اتاپ ايتار بولساق، 800 ميلليوننان 2،8 ميلليارد تەڭگەگە دەيىن. بۇل قاراجاتقا جوعارى تەحنولوگيالىق قوندىرعىلار ساتىپ الىنادى. وبلىس ورتالىعىندا كوپ ٴپروفيلدى اۋرۋحانا سالۋ دا جوسپاردا بار.

«سوڭعى 5 جىلدا مەملەكەت تاراپىنان دەنساۋلىق ساقتاۋ سالاسىنا كوپ كوڭىل بولىنە باستاعانىن اتاپ وتكىم كەلەدى. ناتيجەسىندە مەديسينالىق كومەكتىڭ ساپاسى جاقساراتىنى ٴسوزسىز. بۇل حالىقتىڭ دەنساۋلىعى مەن ٴومىر ٴسۇرۋ ۇزاقتىعىن كوبەيتۋگە ىقپال ەتەدى. دارىگەرلەردىڭ جالاقىسىن كوبەيتىپ، باسپانا ماسەلەسىن شەشۋ – وبلىستاعى كادر تاپشىلىعىن ازايتۋعا سەپ بولاتىنىنا سەنىمدىمىن» - دەيدى وبلىستىق كارديولوگيالىق ورتالىق دارىگەرى دميتريي تەح.

سولتۇستىك قازاقستان وبلىسى بەلسەندىلەرىنىڭ ەلباسى جولداۋىن تالقىلاۋعا ارنالعان جيىندا ايتىلعانداي، تۇرعىنداردىڭ دەنساۋلىعىن نىعايتۋ ماقساتىندا پەتروپاۆل قالاسى مەن اۋدانداردا دەنە شىنىقتىرۋ-ساۋىقتىرۋ كەشەندەرى سالىنادى. وبلىس ورتالىعىنىڭ كوشەلەرىندە سپورت كەشەندەرىن، باسكەتبول، ۆولەيبول الاڭدارىنىڭ قۇرىلىسى دا جالعاسادى.

ٴبىلىم ساپاسىن ارتتىرۋ دا ستراتەگيالىق قۇجاتتا ايقىندالعان باسىم باعىتتاردىڭ ٴبىرى. پەتروپاۆلدا ٴقازىر 1500 ورىندىق 2 مەكتەپ سالىنۋدا. كەشەندى جوسپار اياسىندا وبلىس ورتالىعىندا تاعى ٴبىر نىسان قۇرىلىسى جوسپارلانعان. 120 ٴبىلىم وشاعى جوندەلمەك. مەكتەپتەردە 4 مىڭ كومپيۋتەر جاڭارتىلادى. ەلباسى بارلىق مەكتەپتەر مەن بالاباقشالاردى بەينەباقىلاۋمەن قامتاماسىز ەتۋدى تاپسىردى. بۇگىندە 625 نىساننىڭ 174-دە كامەرا ورناتىلعان. قالعان 451 ٴبىلىم وشاعى دا بەينەباقىلاۋمەن قامتاماسىز ەتىلەدى.

«بيىلعى جولداۋ نەگىزىنەن الەۋمەتتىك سالانى دامىتۋعا باعىتتالعان. ۇستازدار قاۋىمى ٴۇشىن ەڭ باستى جاڭالىق كەلەسى جىلى پەداگوگ مارتەبەسى جايىندا زاڭنىڭ قابىلداناتىنى دەر ەدىم. ويتكەنى ٴمۇعالىمنىڭ مارتەبەسىن كوتەرۋ، ەلدىڭ مارتەبەسىن كوتەرۋ. بيۋدجەتتىك سالا ماماندارىنىڭ جالاقىسى ٴوسىپ، جاڭا مەكتەپتەر مەن اۋرۋحانالار سالىناتىندىعى ٴبىلىم بەرۋ مەن دەنساۋلىق ساقتاۋ سالاسىن جاڭا، باسەكەگە قابىلەتتى دەڭگەيگە كوتەرەتىنى انىق»، –دەيدى پەتروپاۆل قالالىق №23 ورتا مەكتەپتىڭ ديرەكتورىنىڭ ورىنباسارى ازامات ەسىلبايەۆ.

بيىل سولتۇستىك قازاقستاندا 25 مىڭ ادام تۇراتىن 38 اۋىل تازا اۋىز سۋعا قول جەتكىزدى. كەلەسى جىلى قارجى بۇل سالاعا قۇيىلاتىن قارجى كولەمى ارتپاق.

«بيىل ەلدى-مەكەندەردى اۋىز سۋمەن قامتۋ ٴۇشىن 7،5 ملرد تەڭگە بولىنسە، 2019 جىلى بۇل سوما 9،6 ملرد تەڭگەنى قۇراماق. بۇل قاراجات 25 مىڭ تۇرعىنى بار 29 ەلدىمەكەندى اۋىز سۋمەن قامتۋعا مۇمكىندىك بەرەدى»، - دەدى سولتۇستىك قازاقستان وبلىسىنىڭ اكىمى قۇمار اقساقالوۆ.

ەلباسى جولداۋىندا ٴتۋريزمدى دامىتۋعا دا كوڭىل ٴبولىندى. سولتۇستىك قازاقستان وبلىسىنداعى يمانتاۋ-شالقار كۋرورت ايماعى تۋريستيفيكاسيا كارتاسىنىڭ ۇزدىك 10 جوباسىنا ەندى. ايماقتى كەشەندى دامىتۋ ٴۇشىن «mckinsey&company» حالىقارالىق كونسالتينگ كومپانياسىمەن بىرلەسكەن جوسپار ازىرلەنۋدە. كۋرورتتى دامىتۋعا 8 ميلليارد تەڭگە ٴبولۋ جوسپارلانعان.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي