BAQ.kz - Қазақстан жаңалықтары USD 345.68 BAQ.kz - Қазақстан жаңалықтары EUR 404.45 BAQ.kz - Қазақстан жаңалықтары RUB 5.48
استانا:

سقو-دا اسىل تۇقىمدى مال وسىرەتىن كەشەن اشىلماق

فوتو: Автор

سولتۇستىك قازاقستان وبلىسىنداعى ەڭ ٴىرى اۋىل شارۋاشىلىعى قۇرىلىمدارىنىڭ ٴبىرى «يۆان زەنچەنكو» سەرىكتەستىگى گەرمانيادان 600 باس ەتتى-سۇتتى تۇقىمدى سيىر اكەلدى. شارۋاشىلىق باسشىلىعى اققايىڭ اۋدانىندا ونىمدىلىگى جوعارى قارا مال وسىرەتىن كەشەن اشۋدى جوسپارلاپ وتىر. جوبا قۇنى 580 ملن تەڭگە، دەپ حابارلايدى baq.kz ايماقتاعى ٴتىلشىسى.

مال شارۋاشىلىعى كەشەنى رۋبلەۆكا اۋىلىندا اشىلماق. ونى قىركۇيەك ايىندا ىسكە قوسۋ جوسپارلانىپ وتىر. «يۆان زەنچەنكو» شارۋا قوجالىعىنىڭ ديرەكتورى مەملەكەتتىك قولداۋدىڭ ارقاسىندا مال شارۋاشىلىعىمەن اينالىسۋدىڭ تيىمدىگى جىل ساناپ ارتىپ كەلەتىندىگىن ايتادى. شەتەلدەن الىنعان ٴىرى قارا «سيممەنتال» تۇقىمدى. ولاردى سەرىكتەستىك جان-جاقتى زەرتتەپ، كەيىن ٴبىزدىڭ وڭىردە اسىراۋ تۋرالى شەشىم قابىلداپتى.

«ٴبىز «اگرارلىق نەسيە كورپوراسياسى» اق-مەن كەلىسىم جاساتىق. مال ساتىپ الۋ ٴۇشىن ون جىلعا، جىلدىق مولشەرلەرەمەسى 5 پايىزبەن نەسيە الدىق. سيىرلار باۆاريادان اكەلىندى. ال كەشەننىڭ قۇرىلىسىن وتكەن جازدا، شىلدە ايىندا باستاعان بولاتىنبىز. مۇندا زاماناۋي قوجالىق، جەم-ازىق بازى بولادى. ازىق دايىندايدىن سەح تا سالامىز»، - دەيدى «يۆان زەنچەنكو» جشس جەتەكشىسى يۆان زەنچەنكو.

شەتەلدىك سيىردىڭ بىرەۋى تاۋلىگىنە 25 ليتر ٴسۇت بەرەدى. شارۋا قوجالىعى ٴوز زاۋىتىنا تاۋلىگىنە 10-12 توننا اق تاپسىرۋدى كوزدەپ وتىر. ٴقازىر فەرمانىڭ قۇرىلىسى جاندانعان، 100 ادام جۇمىس ىستەيدى. ال ٴسۇت كەشەنى ىسكە قوسىلسا، تاعى 25 مامان جۇمىسقا قابىلدانادى.

«بيىلعى جىلدىڭ ٴوندىرىس جوسپارىنىڭ 39،5 پايىزىن «يۆان زەنچەنكو» شارۋاشىلىعى جاۋىپ وتىر. ولاردىڭ ونىمدەرى وزگە وڭىرلەر مەن رەسەيدىڭ كورشىلەس وبلىستارىندا دا ساتىلادى. كەشەندەگى ماماندار جىل ون ەكى اي جۇمىس ىستەيتىن بولادى. ەڭبەكاقىلارى جاقسى، جاڭا جۇمىس ورىندارى اشىلىپ وتىر»، - دەيدى اققايىڭ اۋدانىنىڭ اكىمى داۋرەن بايتولەشوۆ.

شارۋاشىلىقتاعىلار نەمىس سيىرلارىنىڭ العاشقى ٴتولىن قىركۇيەك ايىندا الۋدى جوسپارلاپ وتىر. وسى كەزدە كەشەن تولىق ىسكە قوسىلماق. جالپى اققايىڭ اۋدانىندا مال شارۋاشىلىعىمەن 52 قوجالىق اينالىسادى. ولاردىڭ باسىم كوپشىلىگى اسىل تۇقىمدى ٴىرى قارا وسىرەدى. جالپى سانى 24 مىڭعا جۋىق سيىر بار.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي