BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

شقو-دا سۋ باسۋ ايماعىندا 400 ادام قالىپ قويدى

فوتو: Тілеубек Шаяхмет

شىعىس قازاقستاننىڭ قۇتقارۋشىلارى اپات سالدارىن جويۋدى جالعاستىرۋدا. قالىڭ جاۋىن مەن جىلى اۋا-رايى ونداعان ۇيلەر مەن جۇزدەگەن اۋلا ۋچاسكەلەرىنىڭ سۋ استىندا قالۋىنا اكەپ سوقتى. اياگوز، گلۋبوكوە، ۇلان، كۇرشىم، زايسان، ٴۇرجار اۋداندارى مەن وسكەمەن قالاسى سۋ استىندا قالدى، دەپ حابارلايدى baq.kz اقپارات اگەنتتىگى.

«اياگوز اۋدانىندا جەرگىلىكتى اۋقىمداعى تابيعي سيپاتتاعى توتەنشە جاعداي جاريالاندى. وبلىس ورتالىعى مەن ريددەر قالاسىندا قولايسىز اۋا-رايى جاعدايىنا بايلانىستى مەكتەپ وقۋشىلارى مەن كوللەدجدەردىڭ 1، 2 كۋرس ستۋدەنتتەرىنە ساباق بولمايتىن بولدى. وبلىستىق جانە رەسپۋبليكالىق ماڭىزى بار جولداردا مەزگىل سايىن شەكتەۋ قويىلىپ جاتىر. وبلىستىڭ تاۋلى اۋداندارىندا قار كوشكىنى ٴقاۋپى ساقتالۋدا»، دەلىنگەن شقو تجد ٴباسپاسوز مالىمەتىندە.

قازىرگى تاڭدا وبلىس بويىنشا 70 جەكە ٴۇي مەن 150 اۋلا ايماعى، 110 باقشا ٴۇيى اۋماعىن سۋ باستى.

شقو تجد، جەرگىلكتى پوليسيا قىزمەتىنىڭ، جەرگىلىكتى اتقارۋشى ورگاننىڭ، «وسكەمەن ٴتارتىپ» كمك، «ۆودوكانال»، شىعىس وڭىرلىك اەروۇتقىر جەدەل-قۇتقارۋ جاساعىنىڭ كۇشىمەن جەرگىلىكتى حالىقتىڭ اۋماعىنان سۋ اكەتۋ جانە شىعارۋ بويىنشا جۇمىستار جۇرگىزىلۋدە. 1440 قاپ ينەرتتى ماتەريال توسەدى. 13000 تەكشە مەتر سۋ شىعارىلدى.

اياگوز اۋدانى بويىنشا 40 ٴۇي، وسكەمەندە 8 ٴۇي مەن 27 اۋلا، ۇلان اۋدانىندا 2 ٴۇي مەن 4 اۋلا، گلۋبوكوە اۋدانىندا 3 ٴۇي مەن 53 اۋلا، كۇرشىم اۋدانىندا 42 اۋلا اۋماعى سۋ استىندا قالدى. كۇرشىم، زايسان، ۇلان جانە ٴۇرجار اۋداندارىنىڭ بىرنەشە جول توسەمدەرىن سۋ شايىپ كەتتى. جول قىزمەتتەرى قالىپقا كەلتىرۋ جۇمىستارىن جۇرگىزىپ جاتىر.

سانى 1000 استام جەكە قۇرامى بار، 286 بىرلىك تەحنيكا، 56 ٴجۇزۋ قۇرالدارى مەن 58 موتوپومپا قر ٴىىم كۇشتەرى مەن قۇرالدارى توپتارى قۇرىلدى.

بارلىعى اۆاريالىق-قۇتقارۋ جانە كەزەك كۇتىرمەيتىن جۇمىستاردى جۇرگىزۋگە جەرگىلىكتى اتقارۋشى ورگانداردان، قۇتقارۋشىلار مەن شقو ٴىىد-دان 536 ادام، 137 بىرلىك تەحنيكا مەن 27 سۋ شىعارۋ قۇرىلعىلارى جۇمىلدىرىلعان. شقو تجد داعدارىس ورتالىعىندا جەدەل شتاب جۇمىس ىستەۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي