BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

شقو-دا بالىقشىلار مىنگەن اۆتوكولىك سۋعا كەتتى

فوتو: twitter.com

11 ناۋرىز كۇنى مۇزعا باتىپ كەتكەن جەڭىل اۆتوكولىكتە ٴتورت ادام بولعان. ٴۇش بالىقشى سۋعا باتقان كولىكتەن شىعىپ ۇلگەرگەن، ال بىرەۋى سۋعا باتىپ كەتتى، دەپ حابارلايدى baq.kz اقپارات اگەنتتىگى شقو تجد ٴباسپاسوز قىزمەتىنە سىلتەمە جاساپ.

شقو تجد زىريان اۋداندىق تج باسقارماسىنىڭ باسشىسى، ازاماتتىق قورعانىس پودپولكوۆنيگى ەرجان قاسىمحانوۆتىڭ حابارلاۋىنشا، وقيعا ورنىنا شىعىس وڭىرلىك اەروۇتقىر جەدەل قۇتقارۋ جاساعىنىڭ قىزمەتكەرلەرى جەتىپ، 8 مەتر تەرەڭدىكتەن سۋعا كەتكەن بالىقشىنىڭ دەنەسىن الىپ شىققان. اۆتوموبيل مۇز استىنا كەتكەن جەر جاعالاۋدان 800 مەتر قاشىقتىقتا بولعان.

زىريان اۋداندىق تج باسقارماسىنىڭ قىزمەتكەرلەرى بالىقشىلاردى سۋاتتارعا بارۋدان اۋلاق بولۋعا شاقىرادى.

«كوزبەن قاراپ، مۇزدىڭ قانشالىقتى بەرىك ەكەنىن انىقتاۋ مۇمكىن ەمەس. كوكتەمگى مۇز اسا ٴقاۋىپتى. كۇن مەن اعىندى سۋدىڭ اسەرىنەن ول وتە ٴالسىز بولادى. كۇشەيە تۇسكەن اعىن ونى استىنان قايراي تۇسەدى. كوكتەمگى مۇزعا اسا شۇعىل جاعدايدا جانە وتە ۇلكەن ساقتىقپەن شىعۋعا بولادى»، – دەپ حابارلادى شقو تجد-دا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي