BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

شقو-دا 12 توننا بالىق اۋلاعان براكونەرلەر ۇستالدى

شىعىس قازاقستاننىڭ تابيعي قورىعىندا 12 توننا بالىق اۋلاعان براكونەرلەر قۇرىقتالدى، دەپ حابارلايدى baq.kz اقپاراتتىق اگەنتتىگى 24.kz-كە سىلتەمە جاساپ.

كوكپەكتى مەن كۇرشىم اۋداندارىندا ەرەكشە قورعاۋداعى اۋماقتاردا زاڭسىز بالىق اۋلاۋدى كاسىپكە اينالدىرعان براكونەرلەر جىل باسىنان 12 توننا باعالى بالىقتى زاڭسىز اۋلاعان. وڭاي ولجاعا كەنەلگىسى كەلگەندەرگە وڭىردەگى جىلدام جاساقتالعان اۋە جاساعى توسقاۋىل قويدى.

شىعىس قازاقستاننىڭ تاۋلارىن بىرنەشە تاۋلىكتەن بەرى اۋەدەن تىكۇشاقتار تورۋىلداپ باقىلاۋدى كۇشەيتكەن. اۋە بورتىندا تابيعاتتى قورعاۋ پوليسەيلەرى مەن قاتار بىرنەشە قۇزىرلى ورگان قىزمەتكەرلەرى بار. ٴبىر ساعات ىشىندە اۋەدەگى نازارعا كوكپەكتى اۋدانىندا قامىس اراسىنداعى جاسىرىلعان براكونەرلەر قايىعى ىلىككەن.

زاڭسىز بالىق اۋلاۋشىلاردىڭ قىلمىسىن ازىرگە تەك اۋەدەن اشكەرەلەۋدە. وڭىردە بالامالى وزگە باقىلاۋ جوقتىڭ قاسى. شىعىس قازاقستاندا ٴار بالىق ينسپەكتورى 20 شاقىرىم اۋماقتى باقىلاۋدا ۇستاۋى ٴتيىس.

«جىل باسىنان ينسپەكتورلاردىڭ قۇقىقبۇزۋشىلىق بالىق شارۋاشىلىعىنا كەلتىرگەن 900-گە جۋىق زاڭبۇزۋشىلىق انىقتالىپ، ٴتيىستى حاتتامالار تولتىرىلعان. بۇگىندە زاڭسىز تاركىلەنگەن بالىقتاردىڭ كولەمى 12 تونناعا جەتتى. اۋەدەن باقىلاۋ جۇمىستارىنىڭ ناتيجەسى مول. الايدا شىعىنى كوپ»، - دەدى شقو ورمان جانە اڭشىلىق شارۋاشىلىعى اۋماقتىق ينسپەكسياسىنىڭ ٴبولىم باسشىسى تالعات راحىمجانوۆ.

جىل باسىنان بەرى شقو تابيعي قورىق اۋماعى مەن وزەن-سۋ قويمالارىنان 900 براكونەر ۇستالعان. ولاردان مىڭ شاقىرىمنان اسا سينتەتيكالىق مونو جىپتەردەن جاسالعان اۋلار تاركىلەنگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي