BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

شىمكەنتتىكتەردى مازالايتىن 10 ماسەلە انىقتالدى

فوتو: Автор

شىمكەنتتىكتەردىڭ قوعامدىق كولىك قىزمەتىنىڭ ساپاسى، جول قۇرىلىسى مەن جول جوندەۋ سالاسىنداعى ىستەلەتىن تىرلىكتەرگە كوڭىلى تولمايدى. بۇل تۋرالى شىمكەنت قالاسى اكىمدىگى وتكىزگەن «ٴبىزدىڭ جۇمىسىمىزدى باعالاڭىز» ساۋالناما اكسياسىنىڭ قورىتىندىسىنان بەلگىلى بولدى، دەپ حابارلايدى baq.kz ايماقتاعى ٴتىلشىسى.

ساۋالناما قورىتىندىسىنا سايكەس، ساۋالناماعا قاتىسقان 10 مىڭ تۇرعىننىڭ ٴ2074-ى قوعامدىق كولىك جۇمىسى پەن اۆتوجولداردىڭ ساپاسىنا قاتىستى پىكىر بىلدىرگەن.

«ولار اۆتوبۋستاردىڭ تاپشىلىعىن، ٴجۇرۋ گرافيگىنىڭ ساقتالمايتىنىن، ٴتىپتى كەيبىر باعىتتار مەن شاعىناۋداندارعا مۇلدەم اۆتوبۋس جۇرمەيتىنىن العا تارتىپ، قىزمەت كورسەتۋ ساپاسىنىڭ تومەن ەكەنىنە شاعىمداندى. بۇعان قوسا قالا جولدارىندا كولىك ايالدايتىن ورىنداردىڭ ازدىعىنا قىنجىلىس ٴبىلدىردى. سونىمەن قاتار نازاردان تىس قالىپ قويعان قالا كوشەلەرىنە كوڭىل ٴبولۋدى، قيىرشىق تاس نە اسفالت توسەۋدى سۇرايدى»، - دەلىنگەن شىمكەنت قالاسى اكىمدىگىنىڭ ٴباسپاسوز قىزمەتى تاراتقان حابارلامادا.

شىمكەنتتىكتەر كوپ شاعىمداناتىن سالانىڭ ٴبىرى – تۇرعىن ۇي-كوممۋنالدىق شارۋاشىلىعى ەكەن. جاۋاپ بەرگەن شىمقالالىقتاردىڭ ٴ1995-ى وسى كوممۋنالدى قىزمەتتەردىڭ ناشارلىعىن العا تارتىپ، ٴۇي اۋلالارىنىڭ اباتتاندىرىلمايتىنا، قوقىستاردىڭ شىعارىلماي، شاشىلىپ جاتاتىندارىن ايتقان.

فوتو: اۆتور

شىمكەنت تۇرعىندارىنىڭ سىنىنا ىلىنگەن ٴۇشىنشى سالا – جەرگىلىكتى پوليسيا قىزمەتى. جاۋاپ بەرگەندەردىڭ ٴ1328-ى پوليسيا قىزمەتكەرلەرىنىڭ ٴوز مىندەتتەرىن تىكەلەي ورىندامايتىنىنا، مۇنىمەن قاتار ساپاسىز قىزمەت كورسەتەتىنە شاعىم ٴبىلدىرىپتى.

ٴتورتىنشى ورىن – ٴبىلىم سالاسىنا قاتىستى 968 ادام، ال بەسىنشى ورىن – دەنساۋلىق ساقتاۋ جانە مەديسينا سالاسىنىڭ قىزمەت ساپاسىنا 700 ادام شاعىم ايتقان. بىلىمگە قاتىستى شاعىم ايتقانداردىڭ دەنى مەكتەپ جانە بالاباقشا عيماراتتارىنىڭ قۇرىلىسىنا كوڭىلى تولمايدى. قالانىڭ ەمحانالارى مەن اۋرۋحانالارىندا كورسەتىلەتىن قىزمەت ساپاسىن دا تۇرعىندار تومەن باعالاعان.

رەسپوندەنتتەردىڭ قاتارىندا قالا اكىمدىگىنىڭ قوعامدىق قابىلداۋ قىزمەتىنە دە كوڭىلى تولمايتىندار بار ەكەن. 447 ادام قوعامدىق قابىلداۋ قىزمەتىنىڭ ساپاسىن ناشار دەپ باعالىپتى. ساۋلەت جانە قالا قۇرىلىسى دا شىمكەنتتىكتەردىڭ كوڭىلىنەن شىقپايدى. 218 ادام وسى سالانى جاقسارتۋدى سۇراپتى.

ال 210 تۇرعىندى ساياباقتار پەن كوگالداندىرۋ جۇمىستارىنىڭ ماردىمسىزدىعى مازالايدى.

ەندى ٴبىر وزەكتى ماسەلە – جەر قاتىناستارى بولىپ وتىر. ساۋالناماعا قاتىسقانداردىڭ ٴ180-ى جەر تەلىمدەرىن بەرۋ جانە ونى ارمەن قاراي زاڭداستىرۋدا جەر ينسپەكسياسىنىڭ جۇمىسىنا شاعىمىن تىركەگەن. سونداي-اق، مەملەكەت مۇقتاجىنا الىنعان جەر تەلىمدەرىنە بەرىلەتىن وتەماقىنىڭ دا تىم از ەكەنىن سىنعا العان. ايتپاقشى، جاۋاپ بەرگەن تۇرعىنداردىڭ ٴ178-ى اباي اۋدانى اكىمدىگىنىڭ جۇمىسىن سىنعا العان. ايتۋلارىنشا، اكىمدىكتىڭ قىزمەت كورسەتۋ ساپاسى سىن كوتەرمەيدى. الدىنا ماسەلەمەن بارسا، قاناعاتتاندىرارلىقسىز جاۋاپ بەرەدى. الىم-سالىقتى كوپ جينايدى.

وسىلايشا، اپتاعا سوزىلعان ساۋالناما اكسياسىنىڭ ناتيجەسىندە شىمكەنتتىكتەردى مازالايتىن 10 ٴتۇرلى سالا انىقتالدى. قالا اكىمدىگى بۇل ساۋالناما قورىتىندىسىن نەگىزگە الىپ، جۇمىس جۇرگىزەتىندەرىن مالىمدەدى.

ەسكە سالساق، ساۋالناما ەكى ٴتۇرلى فورمادا، ياعني ونلاين تۇرىندە دە، وففلايندا دا قاتار ٴجۇردى. بۇل ٴۇشىن قولدانۋشىلار ارنايى ساۋالناما قىزمەتىن ۇسىناتىن سايتتاردا قالا شارۋاشىلىعىنىڭ سالا-سالاسى بويىنشا ساۋالدارعا جاۋاپ بەردى. ەكىنشىلەرى، قالانىڭ ادام اياعى كوپ باراتىن 10 نۇكتەسىنە قويىلعان شاعىم قابىلداۋ ورىندارىنا بارىپ، جاۋاپ بەردى.

وسىلايشا، شىمكەنت قالاسىنىڭ اكىمدىگى ازاماتتاردان قالا اكىمدىگىنىڭ جۇمىسىندا كورىنىس بەرىپ وتىرعان ولقىلىقتار جونىندە تولىق اقپار بەرۋدى سۇرادى. سونىمەن بىرگە، اكىمدىكتىڭ دە، ونىڭ قۇرىلىمدىق بولىمشەلەرىنىڭ دە جۇمىسىن باعالاۋ ۇسىنىلادى. ازاماتتاردىڭ ساۋالعا بەرگەن جاۋاپ ناتيجەلەرى اكىمدىكتىڭ مىندەتتەرىن اشىق جاريالاۋدىڭ نەگىزىن قۇرايدى. ول جەرگىلىكتى اتقارۋشى ورگاندار ٴۇشىن حالىققا قىزمەت كورسەتۋ ساپاسىن جاقسارتۋ بويىنشا ٴوز قىزمەتىنىڭ باسىمدىقتارىن ايقىنداۋعا ارنالعان نۇسقاۋلىق ەسەبىندە بولادى.

سونىمەن 4 تامىزعا دەيىن سوزىلعان ساۋالناما قورىتىندىسىنىڭ ناتيجەسى وسى. قالا اكىمى ٴباسپاسوز قىزمەتىنىڭ حابارلاۋىنشا، ازاماتتاردىڭ ساۋالدارى مەن شاعىمدارىن قابىلداۋ اكىمدىكتىڭ الەۋمەتتىك جەلىلەردەگى پاراقشالارىندا جالعاسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي