BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

شىمكەنتتە ٴۇش باسقارمانىڭ باسشىلارى تاعايىندالدى

فوتو: ArnaPress.kz

شىمكەنت. baq.kz ٴتىلشىسى. شىمكەنت قالاسىنىڭ اكىمدىگىندە جاڭادان قۇرىلعان باسقارمالاردىڭ باسشىلارى تاعايىندالدى. دالىرەگى، شىمكەنت قالاسى ىشكى ساياسات دانە ٴدىن ىستەرى باسقارماسى، تۇرعىن ٴۇي ينسپەكسياسى باسقارماسى جانە مادەنيەت جانە تىلدەردى دامىتۋ باسقارماسىنىڭ باسشىلىق لاۋازىمىنداعى قىزمەتىنە كىرىستى.

مۇرات بازارقۇلوۆ – شىمكەنت قالاسى ىشكى ساياسات دانە ٴدىن ىستەرى باسقارماسى باسشىسىنىڭ مىندەتىن اتقارۋشى قىزمەتىنە كەلدى.

فوتو: اۆتور

مۇرات بازارقۇلوۆ 1980 جىلى دۇنيەگە كەلگەن. ماماندىعى بويىنشا – ساياساتتانۋشى، زاڭگەر. ەڭبەك جولىن 2002 جىلى اقپاراتتاندىرۋ جانە قوعامدىق كەلىسىم بولىمىندە مامان بولىپ باستاعان. 2005-2009 جج - وقو تىلدەردى دامىتۋ جونىندەگى باسقارماسى ۇيىمداستىرۋشىلىق جۇمىس، تالداۋ جانە بولجاۋ ٴبولىمىنىڭ باستىعى. 2009-2010 جىلدارى وقو تىلدەردى دامىتۋ باسقارماسى باستىعىنىڭ ورىنباسارى، 2010-2018 جىلدار ارالىعىندا شىمكەنت قالاسىنىڭ مادەنيەت جانە تىلدەردى دامىتۋ ٴبولىمىنىڭ باسشىسى. 2018 جىلدىڭ 30 مامىرىندا شىمكەنت قالاسىنىڭ ٴبىلىم باسقارماسىنىڭ باسشىسى بولعان.

مارات ٴورازالى – شىمكەنت قالاسىنىڭ تۇرعىن ٴۇي ينسپەكسياسى باسقارماسى باسشىسىنىڭ مىندەتىن اتقارۋشى بولدى.

فوتو: اۆتور

مارات ٴورازالى 1972 جىلى وقو-دا دۇنيەگە كەلگەن. ٴۇش جوعارى ٴبىلىمى بار. ەڭبەك جولىن 1993 جىلى شارۋا قوجالىعىنىڭ مەڭگەرۋشىسى، كەيىننەن قر وقو شەتەلدىك ينۆەستيسيالار جونىندەگى ۇلتتىق اگەنتتىگىنىڭ باس مامانى بولىپ باستاعان. 1995-1996 جج - وقو تۋريزم جانە سپورت باسقارماسىنىڭ جەتەكشى، كەيىننەن باس مامانى. 1996-1998 جج - وقو اكىمى اپپاراتىنىڭ ۇيىمداستىرۋ-كادرلىق جۇمىس ٴبولىمىنىڭ كەڭەسشى-ينسپەكتورى. قر مەملەكەتتىك قىزمەت ىستەرى اگەنتتىگىندە تاجىريبەسى بار. سوڭعى قىزمەت ورنى - قىزىلوردا وبلىسى بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل جونىندەگى اگەنتتىكتىڭ دەپارتامەنت باسشىسىنىڭ ورىنباسارى - تارتىپتىك كەڭەستىڭ ٴتوراعاسى.


فوتو: اۆتور

شىمكەنت قالاسى مادەنيەت جانە تىلدەردى دامىتۋ باسقارماسى باسشىسىنىڭ مىندەتىن اتقارۋشى بولىپ ٴاليا شالحاروۆا تاعايىندالدى.
ٴاليا شالحاروۆا 1977 جىلى وقو سارىاعاش اۋدانىندا دۇنيەگە كەلگەن. ماماندىعى بويىنشا - پەداگوگ-حورەوگراف، پسيحولوگيا ٴمۇعالىمى، ەكونوميكا جانە بيزنەس باعىتى بويىنشا ٴۇشىنشى بىلىمگە يە. ەڭبەك جولى 1998 جىلى «سافار» وزبەكستان كورەيا بىرلەسكەن كاسىپورنى بي ۇجىمىنىڭ باسشىسى بولۋدان باستالعان. 1999 جىلدان 2000 جىلعا دەيىن «rt-usa» بالەت توبىنىڭ مەنەدجەرى. وزبەكستان رەسپۋبليكاسى كلۋبتىق سپورتتىق حورەوگرافيا كووپەراتيۆى كەشەنىنىڭ كوركەمدىك جەتەكشىسى. 2004-2006 جج - وزبەكستان رەسپۋبليكاسى ا.ناۆوي اتىنداعى مەملەكەتتىك اكادەميالىق تەاترىنىڭ كوركەمدىك جەتەكشىسى. 2006-2014 جج - «raqs teatri ofarin» بي تەاترىنىڭ ديرەكتورى، كوركەمدىك جەتەكشىسى. 2016-2018 جج - وقو مادەنيەت باسقارماسىنىڭ «تۇركىستان سارايى» مكقك-نىڭ ديرەكتورى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي