BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

شىمكەنتتە «shymkent development-2018» حالىقارالىق ينۆەستيسيالىق فورۋمى ٴوتىپ جاتىر

شىمكەنت، baq.kz. بۇگىن شىمقالادا العاش رەت «shymkent development-2018» حالىقارالىق ينۆەستيسيالىق فورۋمى وتۋدە. ەلىمىزدىڭ ٴۇشىنشى مەگاپوليسى اتانعان شىمكەنت بۇگىندە حالىقارالىق ينۆەستيسيالىق فورۋمدار الاڭىنا اينالىپ وتىر. وسى ۋاقىتقا دەيىن بىرنەشە مارتە ارنايى بيزنەس فورۋمدار وتكىزىلگەن بولاتىن. ناتيجەسى دە جامان ەمەس. بۇل تۋرالى otyrar.kz سايتى حابارلادى.

فورۋمدا ينۆەستيسيا جۇمىلدىرۋ سالاسىنىڭ جەتەكشى ساراپشىلارى، مينيسترلىكتەر مەن مەملەكەتتىك ورگاندار، قارجى ينستيتۋتتارى مەن ٴبىلىم بەرۋ ۇيىمدارىنىڭ وكىلدەرى، الىس جانە جاقىن شەتەلدەر – گەرمانيا، دانيا، رەسەي، كانادا، يسپانيا، وڭتۇستىك كورەيا، قازاقستان، ٴباا جانە وزبەكستاننىڭ بەلگىلى كومپانيالارىنىڭ جەتەكشىلەرى قاتىسۋدا.

فورۋمنىڭ باستى ماقساتى – شىمكەنتتىڭ قازاقستان مەن ورتالىق ازياداعى ينۆەستيسيا جۇمىلدىرۋدىڭ جاڭا ورتالىعى رەتىندە دامۋ الەۋەتتەرىن تالقىلاۋ، مەگاپوليستىڭ الىس جانە جاقىن شەتەلدەرمەن ارىپتەستىگىن كەڭەيتۋ، قولايلى ينۆەستيسيالىق كليماتتىڭ قالىپتاستىرۋىن تالقىلاۋ بولىپ تابىلادى.

فورۋمعا ات باسىن بۇرعان سپيكەرلەردىڭ ىشىندە الەمدىك دەڭگەيدەگى الىپ كومپانيالاردىڭ وكىلدەرى بار. ولاردىڭ قاتارىندا كوپەنگاگەن قالاسىنىڭ ەكس-مەرى مورتەن كەيبلل، ۋربانيست اركاديي گەرشمان، باعدارلاماشى ەندريۋ دجەكسون، «highvill kazakhstan” كومپانياسىنىڭ باس ديرەكتورى كانگ دجون دە بار.

باستى سپيكەر قالا اكىمى عابيدوللا ٴابدىراحىموۆ شەتەلدىك ينۆەستورلارعا قالانىڭ ەكونوميكالىق مۇمكىندىكتەرى تۋرالى تولىعىراق باياندادى. بيىلعى جىلدىڭ 10 ايىندا ينۆەستيسيا كولەمى 524 ملرد. تەڭگەنى قۇراپ وتىر. بۇل بىلتىرعى جىلمەن سالىستىرعاندا 2،8 ەسەگە ارتىق.

قالاباسى الداعى ەكى جىل كولەمىندە «وڭتۇستىك» ارنايى ەكونوميكالىق ايماعى 200 گەكتاردان 500 گەكتارعا دەيىن ۇلعاياتىنىن سونىمەن قاتار، «جۇلدىز» جاڭا يندۋستريالدى ايماعى مەن «شىمكەنت» اگرو-يندۋستريالدى ايماعى قۇرىلاتىنىن ٴمالىم ەتتى. شەتەلدىك قوناقتار ٴۇشىنشى مەگاپوليستىڭ دامۋ قارقىنىنا كوڭىل توعاياتىنىن ايتا كەلىپ، ينۆەستيسيالىق قىزىعۋشىلىقتارى مول ەكەنىن جەتكىزدى.

ىسكەرلىك كەزدەسۋدە 186 ملن. اقش دوللارىن قۇرايتىن 11 مەموراندۋمعا قول قويىلماق. ولاردىڭ بارلىعى دا اۋقىمدى جوبالار. اتاپ ايتقاندا، قالالىق جەدەل جاردەم قىزمەتىنىڭ اۆتوپاركىن جاڭعىرتۋ، قاجىمۇقان ستاديونىن قايتا جاڭعىرتۋ، اۋەجاي قۇرىلىسى، ميكروفيبرا وندىرەتىن توقىما فابريكاسىنىڭ قۇرىلىسى سىندى ٴىرى جوبالار بار.

فورۋم جۇمىسى «دامۋ ستراتەگياسى»، «ينۆەستيسيا جۇمىلدىرۋ»، «ادام كاپيتالىن دامىتۋ»، «ٴتۋريزمدى دامىتۋ» اتتى ٴتورت سەكسيا بويىنشا وتۋدە. سپيكەرلەر رەتىندە شەتەلدىك ساراپشىلار ٴوز ويلارىن ورتاعا سالىپ، مەگاپوليستەردى دامىتۋدىڭ الەمدىك تاجىريبەلەرىن تىلگە تيەك ەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي