BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

شىمكەنت قالاسىنىڭ ەكى اۋدانىنا جاڭا اكىم تاعايىندالدى

بۇگىن شىمكەنت قالالىق ٴماسليحاتىنىڭ كەزەكتەن تىس 34-سەسسياسىندا ەكى اۋدانىنىڭ اكىمى تاعايىندالدى، دەپ حابارلايدى baq.kz اقپارات اگەنتتىگى.

سەسسيا وتىرىسىندا دەپۋتاتتار قاراتاۋ اۋدانىنىڭ اكىمى لاۋازىمىنا قانتورەەۆ يساميدين مۇحيتدين ۇلىنىڭ تاعايىندالۋىنا كەلىسىم بەردى.

يساميدين مۇحيتدين ۇلى 1984 جىلى تۋىلعان. ٴبىلىمى – جوعارى زاڭگەر، ەكونوميست.

قىزمەت جولىن 2005 جىلى قر ەنەرگەتيكا جانە مينەرالدى رەسۋرستار مينيسترلىگى «وندىرىستىك جانە جەدەل كاسىپورىن» جشس-دە ەكونوميست بولۋدان باستاعان.

2008-2009 جىلدارى قر مەملەكەتتىك قىزمەت ىستەرى اگەنتتىگىنىڭ «اقپارات جانە تەستىلەۋ ورتالىعى» ٴمم-نىڭ باتىس قازاقستان وبلىسى بويىنشا ە-كادر جونىندەگى وپەراتورى، 2009 جىلدىڭ ساۋىرىنەن «پەرسونالدى باسقارۋ بويىنشا ۇلتتىق ورتالىعى» اق اقپاراتتىق قامتاماسىز ەتۋ دەپارتامەنتىنىڭ اۋماق بويىنشا باعالاۋ جانە مونيتورينگ باسقارماسىنىڭ ساراپشىسى، 2013-2015 جىلدارى قر پرەزيدەنتىنىڭ اكىمشىلىگى مەملەكەتتىك باقىلاۋ جانە اۋماقتىق باقىلاۋ جۇمىسى ٴبولىمىنىڭ رەفەرەنتى قىزمەتتەرىن اتقارعان.

2016 جىلدىڭ ساۋىرىنەن بۇگىنگى تاڭعا دەيىن شىمكەنت قالاسى قاراتاۋ اۋدانى اكىمىنىڭ ورىنباسارى لاۋازىمىن اتقارىپ كەلدى.

سونىمەن قاتار، سەسسيا وتىرىسىندا دەپۋتاتتار ٴال-فارابي اۋدانىنىڭ اكىمى لاۋازىمىنا ماۋلەنقۇلوۆ عابيت پاتشاحان ۇلىنىڭ تاعايىندالۋىنا كەلىسىم بەردى. عابيت پاتشاحان ۇلى 1977 جىلدىڭ 22 ناۋرىزىندا دۇنيەگە كەلگەن. ٴبىلىمى – جوعارى، زاڭگەر.

ەڭبەك جولىن 2000 جىلدارى كاسپيي ەكولوگيالىق پروكۋراتۋراسىندا مامان بولۋدان باستالعان. كەيىننەن كاسپيي ەكولوگيالىق پروكۋراتۋراسى پروكۋرورىنىڭ كومەكشىسى مىندەتىن، اتىراۋ تابيعاتتى قورعاۋ پروكۋراتۋراسى پروكۋرورىنىڭ كومەكشىسى مىندەتىن اتقاردى. 2001 جىلدان باستاپ «استانا ينتەرناسيونال» جشس-دە زاڭگەر بولعان. 2002-2016 جىلدارى قر جوعارعى سوت اپپاراتىندا ٴتۇرلى قىزمەتتەر اتقاردى.

2016-2018 جىلدارى شىمكەنت قالاسى قاراتاۋ اۋدانى اكىمى لاۋازىمىندا قىزمەت اتقاردى. 2018 جىلدىڭ ناۋرىزىنان بەرى شىمكەنت قالاسى اكىمىنىڭ ورىنباسارى لاۋازىمىن اتقارىپ كەلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي