BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

شىمكەنت قالاسىندا العاشقى باسقارمالار قۇرىلىپ، ۋاقىتشا باسشىلارى تاعايىندالدى

فوتو: kubantv.ru

شىمكەنت قالاسى اكىمدىگىنىڭ العاشقى بەس باسقارماسى قۇرىلدى. جاڭادان قۇرىلعان باسقارمالاردى ۋاقىتشا سىناق مەرزىمىمەن باسقاراتىن باسشىلارى دا تاعايىندالدى، دەپ حابارلايدى baq.kz ٴتىلشىسى شىمكەنت قالاسى اكىمدىگىنىڭ ٴباسپاسوز قىزمەتىنە سىلتەمە جاساپ.

اتاپ ايتقاندا، تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ مىندەتىن احمەت وتەگەن ۇلى تاتىبايەۆ اتقارادى. ول بۇعان دەيىن اباي اۋدانىنىڭ اكىمى بولعان.



ەڭبەك ينسپەكسياسى جانە كوشى-قون باسقارماسىنا باۋىرجان احمەتالى ۇلى قالجانوۆ باسشىلىق ەتەدى. قالا تۇرعىندارىنا ەسىمى جاقسى تانىس باۋىرجان قالجانوۆ بۇعان دەيىن ٴال-فارابي اۋدانىنىڭ اكىمى بولعان ەدى.



دەنساۋلىق ساقتاۋ باسقارماسى باسشىسىنىڭ مىندەتىن اتقارۋ نۇرلان كاۋكەن ۇلى قاسىموۆقا جۇكتەلدى. ول بۇعان دەيىن الەۋمەتتىك ساقتاندىرۋ قورىنىڭ پاۆلودار وبلىستىق فيليالىنىڭ ديرەكتورى قىزمەتىن اتقارعان.

تۋريزم جانە سىرتقى بايلانىستار باسقارماسى باسشىسىنىڭ مىندەتى تۇرار اسحات ۇلى احمەتوۆكە جۇكتەلدى. ول الدىن «tulip tours» ٴجشس-نىڭ ديرەكتورى جانە «apex consult» ٴجشس-نىڭ باس ديرەكتورى بولدى.



شىمكەنت قالاسىنىڭ اقپاراتتاندىرۋ، مەملەكەتتىك قىزمەتتەر كورسەتۋ جانە ارحيۆتەر باسقارماسى باسشىسىنىڭ مىندەتىن اينۋر ابدۋاحاسقىزى يۋسۋپوۆا اتقارادى.

ەسكە سالساق، بۇعان دەيىن شىمكەنت قالاسى اكىمىنىڭ اپپارات باسشىسى، اكىم ورىنباسارلارى مەن اباي، قاراتاۋ جانە ٴال-فارابي اۋداندارىنىڭ اكىمدەرى تاعايىندالعان بولاتىن.

فوتوسۋرەتتەر: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي