BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

شىمكەنت قالاسى ٴۇشىن «7-20-25» باعدارلاماسى بويىنشا تۇرعىن ٴۇي قۇنىنىڭ ٴليميتى ۇلعايتىلدى

فوتو: tobyl-torgai.kz

ۇلتتىق بانكىنىڭ باسقارماسىمەن قابىلدانعان قاۋلىعا سايكەس شىمكەنت قالاسى ٴۇشىن «7-20-25» باعدارلاماسى بويىنشا ساتىپ الىناتىن تۇرعىن ٴۇيدىڭ ەڭ جوعارعى سوماسى 25 ملن. تەڭگەگە دەيىن ۇلعايتىلدى. بۇرىن بۇل سوما 15 ميلليون تەڭگەنى قۇراعان بولاتىن، دەپ حابارلايدى baq.kz اقپارات اگەنتتىگى.

ەستەرىڭىزگە سالا كەتەيىك، اعىمداعى جىلدىڭ 19 شىلدەسىندە شىمكەنت رەسپۋبليكالىق ماڭىزى بار قالانىڭ مارتەبەسىنە يە بولدى. ٴتيىستى جارلىققا مەملەكەت باسشىسى قول قويدى.

«بۇل شىمكەنت تۇرعىندارى ٴۇشىن جاعىمدى جاڭالىق. قالادا تۇرعىن ٴۇي قۇرىلىسى بەلسەندى تۇردە دامىپ كەلەدى. بۇگىندە شىمكەنتتە 700 مىڭ شارشى مەتر تۇرعىن ٴۇي سالىنۋدا. ٴليميتتىڭ ۇلعايۋى قالا تۇرعىندارىنا تۇرعىن ٴۇي جاعدايىن جاقسارتۋعا قوسىمشا مۇمكىندىك بەرەدى»، - دەدى «باسپانا» يپوتەكالىق ۇيىمىنىڭ باسشىسى قايرات التىنبەكوۆ.

وسىلايشا، ەلىمىزدىڭ 5 قالاسىندا باعدارلاما اياسىندا تۇرعىن ٴۇيدى ساتىپ الۋدىڭ ەڭ جوعارعى سوماسى 25 ملن. تەڭگەنى قۇرايدى. بۇلار استانا، الماتى، اقتاۋ، اتىراۋ جانە شىمكەنت. باسقا وڭىرلەردە باعدارلاما بويىنشا تۇرعىن ٴۇيدى 15 ملن تەڭگەدەن قىمبات ەمەس باعاعا ساتىپ الۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي