BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

ساتبايەۆ اتىنداعى سۋ ارناسىنىڭ ماسەلەسىن پروكۋرورلار قاراپ جاتىر

فوتو: автор

پاۆلودار، baq.kz ٴتىلشىسى. قانىش ساتبايەۆ اتىنداعى سۋ ارناسى وڭىرلىك فيليالىنىڭ ماسەلەلەرى وبلىستىق تابيعات قورعاۋ پروكۋراتۋراسىنىڭ نازارىنا ىلىكتى. ماماندار ارنانىڭ قاراماعىنداعى سۋ قويمالارىن جەكە پايدالانۋشىلارعا بەرۋگە قاتىستى پروبلەمانى جان-جاقتى زەرتتەپ، ٴوز ۇسىنىستارىن استانالىق ارىپتەستەرىنە جولدادى. بۇل تۋرالى ستراتەگيالىق نىساننىڭ اكىمشىلىگى مالىمدەدى.

«پاۆلودارلىق پروكۋرورلار تۋىنداعان ماسەلەلەردى شەشۋگە نيەتتى. ٴوز ۇسىنىستارىن باس پروكۋراتۋراعا جولدادى. ۇكىمەتتىڭ قاۋلىسىندا ارنانىڭ باستى ارتىقشىلىعى ساپالى سۋ بەرۋدە دەپ ايتىلعان. بالىق شارۋاشىلىعى دا - نەگىزگى قىزمەتتەردىڭ ٴبىرى، دەگەنمەن، سۋدىڭ ساپاسىن قامتاماسىز ەتۋگە باعىتتالۋى كەرەك دەلىنگەن. ياعني، بالىقتى جاي عانا اۋلاۋ ەمەس، ەلىمىزدىڭ بىرنەشە وڭىرىنە تاسىمالداناتىن سۋدىڭ ساپاسىن ساقتاۋ. سۋ قويمالارىن تابيعي ادىسپەن تازارتۋ ماقساتىندا بالىقتاندىرۋ قاراستىرىلعان. سەبەبى، سۋ ارناسىنا قامىس ٴوسىپ كەتەدى، ناتيجەسىندە كەي جەرى باتپاققا اينالۋى مۇمكىن. ال بالىقتار سۋ تۇبىندەگى وسىمدىكتەردى جەپ، تازارتادى. ۇشىنشىدەن، ارنانىڭ اۋماعىنا بوتەن تۇلعالاردى كىرگىزۋگە رۇقسات ەتىلمەگەن. ٴبىر سوزبەن ايتقاندا، قاداعالاۋ ورگانىنىڭ وكىلدەرى ٴبىزدىڭ پىكىرمەن كەلىسەدى»، - دەيدى قانىش ساتبايەۆ اتىنداعى ارنا باسقارماسى ٴتوراعاسىنىڭ كەڭەسشىسى، سالا ارداگەرى لەونيد باتالوۆ.

ارنانىڭ نەگىزىن قالاعان بىلىكتى مامان قر اۋىل شارۋاشىلىعى مينيسترلىگى ٴوز بۇيرىقتارىنا تۇزەتۋلەر ەنگىزسە دەگەن پىكىردە.

«ازىرگە جاۋاپ جوق. كۇتۋدەن باسقا امال قالمادى. جاۋاپتى ماماندار كونكۋرس وتكىزەمىز دەگەن ەدى. ال پروكۋراتۋرا وكىلدەرى سۋ قويمالارىن ارنانىڭ جاۋاپكەرشىلىگىنە بەرۋدى ۇسىنىپ جاتىر. سۋ نىساندارىن جەكە تابيعات پايدالانۋشىلارعا بەرۋگە بولمايدى. بۇل - قىلمىسپەن پارا-پار»، - دەيدى لەوناد باتالوۆ.

قازىرگى تاڭدا ارنا باسشىلىعى پرەزيدەنت اكىمشىلىگىنە رەسمي حات دايىنداپ جاتىر.

بۇعان دەيىن حابارلاعانامىزداي، مىڭنان استام قىزمەتكەرى بار ۇجىم دابىل قاقتى. ماماندار قر اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار الەمى كوميتەتىنەن كاسىپورىن سۋ قويمارالىنىڭ جەكە تۇلعالارعا بەكىتىلەتىنى تۋرالى حات العان. كانال وكىلدەرى مەن تاۋەلسىز ساراپشىلار بۇعان قارسى. ستراتەگيالىق نىساننىڭ ماماندارى تىرشىلىك ٴنارىنىڭ ساپاسى بۇزىلىپ كەتە مە دەپ الاڭداپ وتىر. سانيتارلىق ٴتارتىپ ورناتپاسا، بۇل جاعدايدىڭ سوڭى ەكولوگيالىق ماسەلەنى تۋىنداۋى مۇمكىن. اۋىزسۋ ساپاسى بۇزىلسا، ەكى ميلليون ازاماتتىڭ دەنساۋلىعىنا دا كەرى اسەر ٴتييۋى ابدەن مۇمكىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي