BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

سارىاعاشتىق ديقاندار 60 ملرد تەڭگەنىڭ ٴونىمىن ٴوندىردى

استانا، baq.kz. تۇركىستان وبلىسىنىڭ اكىمى جانسەيىت تۇيمەبايەۆ سارىاعاش اۋدانىنداعى ساپارى بارىسىندا اۋىل شارۋاشىلىعى ەڭبەككەرلەرىنە ارنالعان «التىن كۇز–2018» مەرەكەلىك شاراسىنا قاتىستى.

وبلىسى اكىمدىگىنىڭ ٴباسپاسوز قىزمەتىنىڭ مالىمەتىنشا، بيىل سارىاعاشتىق ديقاندار مول ٴونىم جينادى. مەجەلەنگەن جوسپار ارتىعىمەن ورىندالىپ، 60 ميلليارد تەڭگەنىڭ ٴونىمى الىنعان. ٴوز كەزەگىندە وبلىس باسشىسى جەرگىلىكتى شارۋالاردى ايتۋلى مەرەكەمەن قۇتتىقتادى.

«ەلى تاتۋ، جەرى بەرەكەلى سارىاعاشتا كوپتەگەن جۇمىستار جاسالۋدا. رەسپۋبليكاداعى جىلىجايلاردىڭ 50 پايىزدان استامى وسى وڭىرگە تيەسىلى. بيىلعى جىلدىڭ وزىندە 61 842 گەكتار جەرگە ەگىس ەگىلىپ وتىر. دەيتۇرعانمەن، جىل سايىن ەگىس كولەمىن، ٴونىم كورسەتكىشىن ارتتىرا ٴتۇسۋىمىز كەرەك. جالپى، بۇل رەتتە، سارىاعاش اۋدانى كوش باستاپ تۇر. سوندىقتان بۇكىل سارىاعاش حالقىنا، ٴوڭىردىڭ شارۋالارىنا ۇلكەن العىسىمدى بىلدىرەمىن»،- دەدى جانسەيىت قانسەيىت ۇلى.

سونداي-اق، مەرەكەدە اۋىل شارۋاشىلىعى ونىمدەرىنەن جارمەڭكە ۇيىمداستىرىلدى. وندا قوي ەتى مەن ٴسۇت ونىمدەرى، كوكونىستەر ارزانداتىلعان باعادا ساتىلدى. سونىمەن قاتار، جىل قورىتىندىسى بويىنشا ۇزدىك كورسەتكىشتەرگە قول جەتكىزگەن قۇرىلىمدار مەن ەڭبەك وزاتتارى ماراپاتتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي