BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

ساپاربايەۆ: اقتوبە وبلىسى شيكىزاتقا تاۋەلدىلىكتەن ارىلىپ كەلەدى

اقتوبە، baq.kz. اقتوبەدە وبلىس اكىمدىگىنىڭ ۇيىمداستىرۋىمەن «aktobe invest-2018» vi حالىقارالىق ينۆەستيسيالىق فورۋمى ٴوتتى.

فورۋمعا ينۆەستورلار، جاڭا جوبالاردىڭ باستاماشىلارى، قازاقستاندا جۇمىس تاجىريبەسى بار مەملەكەتتىك ورگاندار مەن تۇك وكىلدەرى، وتاندىق بيزنەستىڭ ۇزدىك مەنەدجەرلەرى، قىتاي، وڭتۇستىك كورەيا، نيدەرلاندى، ٴازىربايجان، ەۋروپالىق كەڭەس ەلدەرى، بەلورۋسسيا، رەسەي، وزبەكستان سىندى 23 ەلدەن كەلگەن ينۆەستورلار، بارلىعى 400-دەن استام ادامدى جينالدى.

فورۋمنىڭ نەگىزگى ماقساتى - ٴوڭىر ەكونوميكاسىنا وتاندىق جانە شەتەلدىك ينۆەستيسيالار اعىنىن تارتۋ.

ينۆەستورلار «زەرتتەلگەن كەن ورىندارى – ينۆەستيسياعا ارنالعان باعدار» كورمەسىمەن تانىستى، وندا وبلىستىڭ مۇناي ٴوندىرۋ، گاز وڭدەۋ، قارا جانە ٴتۇستى مەتاللۋرگيا جانە اوك سياقتى ينۆەستيسيانى قاجەت ەتەتىن ەكونوميكانىڭ باسىم سەكتورلارىنداعى وتىزدان استام پەرسپەكتيۆتى جوبالارى ۇسىنىلدى. قوناقتارعا گەوگرافيالىق كارتاسى مەن مۇناي-گاز سالاسىندا تاۋ-كەن ٴوندىرۋدىڭ جاڭا تەحنولوگيالارى تۋرالى اقپاراتتارى بار ەركىن كەن ورىندارى، تاۋاشالى جوبالار، سونىمەن قاتار، «جەرگىلىكتى تاۋار وندىرۋشىلەردىڭ ەلەكتروندىق كاتالوگى» جانە ت.ب تانىستىرىلدى.

وبلىس اكىمى بەردىبەك ساپاربايەۆ، يتاليانىڭ قازاقستانداعى ەلشىسى پاسكۋالە دە اۆينو، ورىنبور وبلىسىنىڭ ٴبىرىنشى ۆيسە – گۋبەرناتورى سەرگەي بالىكين، تۇك باسشىلارى، ٴوڭىردىڭ بيزنەس قوعامداستىق وكىلدەرى مەن ساراپشىلارى قاتىسقان نەگىزگى پلەنارلىق وتىرىستا يندۋستريالىق-يننوۆاسيالىق دامۋ سالاسىنداعى سەرىكتەستىك ماسەلەلەرى تالقىلاندى.

وبلىس اكىمى بەردىبەك ساپاربايەۆ قوناقتارعا فورۋمعا قاتىسقاندارى ٴۇشىن العىسىن ٴبىلدىردى.

«aktobe invest» فورۋمى جىلدان جىلعا جۇيەلى تۇردە دامىپ، بيزنەس ٴۇشىن قۋاتتى ديالوگ الاڭىنا اينالىپ كەلەدى. قازىرگى فورۋم تاقىرىبىنىڭ «سەنىم. ٴوسۋ. دامۋ» دەپ اتالۋى كەزدەيسوقتىق ەمەس. بۇگىن وبلىسىمىزعا تۇركيا، قىتاي، گەرمانيا، نيدەرلاندى، رەسەي جانە ت.ب ەلدەردەن شەتەلدىك ينۆەستورلار كەلدى. ەكونوميكانىڭ نەگىزگى درايۆەرلەرى بولىپ تابىلاتىن ترانسۇلتتىق كومپانيالاردىڭ ٴتىزىمى كەڭەيۋدە. ماسەلەن، «سنپس «اقتوبەمۇنايگاز» ٴوزىنىڭ جۇمىس جاساعان جىلدارىندا 10 ملرد دوللارعا، «قازحروم» تۇك» 750 دوللارعا قوسالقى نىسانداردى جۇزەگە اسىردى» - دەدى، بەردىبەك ساپاربايەۆ.

بۇگىنگى كۇنى شەتەلدىك ينۆەستورلار وڭىردە ونداعان ٴىرى جوبالاردى جۇزەگە اسىرىپ جاتىر. ولاردىڭ قاتارىندا مىس-مىرىش كەن ورىندارىن يگەرۋگە جانە مىرىش كونسەنتراتىن شىعارۋ ٴۇشىن تەرەڭ وڭدەۋ ٴوندىرىسىن جولعا قويۋعا مۇمكىندىك بەرەتىن، 4.0 يندۋستريا ەلەمەنتتەرى بار "اقتوبە مىس كومپانياسى" بايىتۋ فابريكاسىن جاڭعىرتۋ جوباسى بار. بۇل ٴونىم رەسەي مەن قىتاي نارىقتارىندا سۇرانىسقا يە بولادى.

يتالياندىق "ەني" مۇناي-گاز كومپانياسى general electric كومپانياسىمەن بىرلەسىپ قارعالى اۋدانىندا قۋاتى جىلىنا 48 مۆت بولاتىن جەل ەلەكتر ستانسياسىنىڭ قۇرىلىسىن باستادى. ينۆەستيسيا كولەمى 33 ملرد. تەڭگەنى قۇرايدى. بۇل ىسكە اسىرىلىپ جاتقان جوبالار ٴتىزىمىنىڭ سوڭى ەمەس.

«ٴبىرىنشى ينۆەستيسيالىق فورۋم وتكىزىلگەن ساتتەن باستاپ ايماق ەكونوميكاسى 23% - عا جوعارىلاپ، 1،8-دەن 2،3 ترلن-عا دەيىن ٴوستى، ەكونوميكانىڭ بارلىق سالالارى دامىدى: ونەركاسىپ كولەمى 24% - عا، اۋىل شارۋاشىلىعى 33% - عا، ساۋدا 27% - عا ارتتى. بىلتىر ٴوڭىر ەكونوميكاسىنىڭ ٴوسىمى 5 % قۇرادى، بيىل دا ٴوسىم سول دەڭگەيدە ساقتالادى. الداعى بەس جىلدا كاسىپورىندار 600 ملرد. تەڭگەگە جابدىقتار مەن پروسەستەردى جاڭارتاتىن بولادى. ٴبىزدىڭ وبلىس شيكىزاتقا تاۋەلدىلىكتەن ارىلىپ كەلەدى. وڭىردە "بولاشاقتىڭ ەكونوميكاسى" باعىتتارى بەلسەندى تۇردە دامۋدا، 4.0 يندۋستريا ەلەمەنتتەرى مەن ەكسپو-2017 كورمەسىندە ۇسىنىلعان ازىرلەمەلەر قولدانىلىپ جاتىر» - دەپ اتاپ وتكەن ٴوڭىر باسشىسى قازاقستانداعى ەڭ ٴىرى يندۋستريالدى ايماقتاردىڭ ٴبىرىنىڭ اۋماعىندا جيىرما جوبا جۇزەگە اسىرىلىپ جاتقانىن، ونىڭ ىشىندە التاۋىنا شەتەلدىكتەردىڭ قاتىسى بارىن دا قوسا ايتتى. ينۆەستيسيا كولەمى 5،7 ملرد. تەڭگە بولاتىن بەس جوبا ەندىگى پايدالانۋعا بەرىلىپ قويعان.

قر ينۆەستيسيالار جانە دامۋ مينيسترلىگى ينۆەستيسيا كوميتەتىنىڭ ٴتوراعاسى ەرلان حايروۆ وبلىستىڭ وڭدەۋ ونەركاسىبىن دامىتۋ جۇمىسىنىڭ ناتيجەلەرىنە جوعارى باعا بەردى.

«2018 جىلدىڭ ون ايىنىڭ قورىتىندىسى بويىنشا ٴوسىم 13،6% قۇرادى. اقتوبە وڭدەۋشى ونەركاسىپكە ينۆەستيسيا سالۋ تۇرعىسىنان ەلدە كوشباسشىلاردىڭ ٴبىرى بولىپ تابىلادى» - دەدى ول.

«فورۋمنىڭ دەڭگەيى ٴوسىپ، بىرلەسكەن كاسىپورىنداردىڭ سانى ارتۋدا. ٴبىزدىڭ فورۋمعا قاتىسۋىمىز وڭىرلەرىمىزدى جاقىنداستىرىپ، ەكونوميكالارىن دامىتۋعا قىزمەت ەتەتىنىنە سەنىمدىمىن» - دەدى ورىنبور وبلىسىنىڭ ٴبىرىنشى ۆيسە – گۋبەرناتورى سەرگەي بالىكين.

يتاليانىڭ قازاقستانداعى ەلشىسى پاسكۋالە دە اۆينو ٴوز سوزىندە يتالياندىق كومپانيالار اقتوبەلىك كاسىپكەرلەرمەن جەمىستى ىنتىماقتاستىققا ٴۇمىت ارتاتىندارىن جانە ەڭ وزىق تەحنولوگيالاردى تارتۋعا، سونداي-اق الەۋمەتتىك جوبالاردى ىسكە اسىرۋ كەزىندە جەرگىلىكتى مازمۇندى قولداۋعا دايىن ەكەندەرىن اتاپ ٴوتتى.

فورۋم اياسىندا قۇنى 300 ملرد تەڭگە بولاتىن توعىز پەرسپەكتيۆتى جوبانى جۇزەگە اسىرۋدا ىنتىماقتاستىق تۋرالى كەلىسىمگە قول جەتكىزىلدى.

ماسەلەن، جاقىن ارادا اقتوبەدە قوقىس وڭدەۋ زاۋىتىنىڭ قۇرىلىسىن باستاۋ جوسپارلانۋدا. «kazakhstan bab investment group co. ltd» جشس ينۆەستورى وسى جوباعا 185 ملرد. تەڭگە سالۋعا دايىن. بەلورۋسسيالىق «ليدسەلماش» حولدينگىنىڭ باسقارۋشى كومپانياسى» ااق اۋىل شارۋاشىلىعى تەحنيكاسىن وندىرەتىن زاۋىت قۇرىلىسىن باستاۋعا نيەتتى. «uros group» (فينليانديا) اقتوبە نارىعىن تۇرعىن ٴۇي قۇرىلىسى شارۋاشىلىعىنا ٴىت – تەحنولوگيالاردى ەنگىزىپ، دامىتۋدا بولاشاعى زور دەپ سانايدى.

«ۋفامۇنايگازماش» جشق باشقۇرت كاسىپورنى بلوكتى-مودۋلدى جانە بلوكتى-كاركاستى مۇناي-گاز جابدىقتارىن شىعاراتىن زاۋىت سالۋدى جوسپارلاپ وتىر. ٴوڭىر ەكونوميكاسىنىڭ دامۋىنا وڭ اسەرىن تيگىزەتىن ٴىرى جوبالاردىڭ قاتارىندا "اقتوبە مىس كومپانياسى" ٴجشس-نىڭ كەن بايىتۋ ٴوندىرىسىن جاڭعىرتۋ جانە مىس-مىرىش كەنىنىڭ كەن ورنىن يگەرۋ جۇمىستارى، كاتودتى مىس وندىرەتىن جانە بەنكالا جانە وڭتۇستىك بەنكالا كەن ورنىن يگەرەتىن «sm minerals» ٴجشس-نىڭ تاۋ-كەن بايىتۋ كەشەنىنىڭ قۇرىلىسى بار.

ەستەرىڭىزگە سالا كەتەيىك، سوڭعى بەس جىلدا ٴوڭىر ەكونوميكاسىنا 2،2 ترلن تەڭگە ينۆەستيسيالانعان. وسى جىلدىڭ وزىندە 510 ملرد تەڭگە ينۆەستيسيا تارتۋ كوزدەلىپ وتىر.

بۇعان دەيىن اقتوبەدە «aktobe invest-2018» vi حالىقارالىق ينۆەستيسيالىق فورۋمى ٴوتىپ جاتقاندىعى تۋرالى حابارلاعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي