BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ساعىنتايەۆ شقو-دا ەلباسىنىڭ تۇرعىن ٴۇي ساپاسى مەن قولجەتىمدىلىگىن ارتتىرۋ تاپسىرماسىنىڭ ىسكە اسۋىمەن تانىستى

پرەمەر-مينيستر باقىتجان ساعىنتايەۆ شىعىس قازاقستان وبلىسىنا جۇمىس ساپارى بارىسىندا وڭىردە تۇرعىن ٴۇي ساپاسى مەن قولجەتىمدىلىگىن ارتتىرۋ بويىنشا اتقارىلىپ جاتقان جۇمىستارمەن تانىستى، دەپ حابارلايدى baq.kz اقپارات اگەنتتىگى ۇكىمەتتىڭ رەسمي سايتىنا سىلتەمە جاساپ.

مەملەكەت باسشىسى ن. نازاربايەۆ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» حالىققا جولداۋىندا ٴومىر سۇرۋگە جايلى ورتا قالىپتاستىرۋدىڭ نەگىزگى فاكتورلارىنىڭ ٴبىرى رەتىندە ساپالى ٴارى قولجەتىمدى تۇرعىن ٴۇيدىڭ بولۋىن اتاپ ٴوتتى.

سەمەي قالاسىندا سالىنىپ جاتقان «قاراعايلى» شاعىن اۋدانىنىڭ مىسالىندا باقىتجان ساعىنتايەۆ مەملەكەت باسشىسىنىڭ شىعىس قازاقستان وبلىسىنداعى تۇرعىن ٴۇي قۇرىلىسى بويىنشا بەرگەن تاپسىرمالارىنىڭ ورىندالۋ بارىسىمەن تانىستى. «نۇرلى جەر» باعدارلاماسى اياسىندا سالىنىپ جاتقان شاعىن اۋدان قالانىڭ وڭ جاعالاۋىنىڭ سولتۇستىك بولىگىندە، ەكولوگيالىق تازا بوس اۋماقتا، 787 مىڭ م² تۇرعىن ٴۇي قورىمەن 200 مىڭ گەكتار اۋدانىمەن جوبالانعان. پرەمەر-مينيسترگە 25 مىڭنان استام ادامدى باسپانامەن قامتاماسىز ەتەتىن «اقساي» تۇرعىن ٴۇي الابى جوسپارىنىڭ جوباسى تانىستىرىلدى.

ايتا كەتۋ كەرەك، مۇندا ەلباسى العا قويعان مىندەتتەردىڭ ٴبىرى الەۋمەتتىك ينفراقۇرىلىم نىساندارى دا سالىنباق. 1200 ورىندىق ەكى جالپى ٴبىلىم بەرەتىن مەكتەپ، 370 ورىندىق ٴۇش بالاباقشا، 150 ورىنعا شاقتالعان بالالاردى وڭالتۋ ورتالىعىن، دەنە شىنىقتىرۋ–ساۋىقتىرۋ كەشەنىن جانە ت.ب. سالۋ كوزدەلگەن. «اباي ارەنا» مادەني-سپورت كەشەنىنىڭ جوباسى سپورت زالى، 5000 كورەرمەن ورنى بار 3 قاباتتى عيمارات تۇرىندە جاسالعان. كەشەندە باسسەيندەر مەن ٴتۇرلى سپورت تۇرلەرىمەن اينالىسۋعا ارنالعان بولمەلەر بولادى.

سونىمەن قاتار، وبلىس اكىمى د. احمەتوۆ «نۇرلى جەر» باعدارلاماسىن ىسكە اسىرۋ اياسىنداعى ٴوڭىردىڭ باسقا دا ينفراقۇرىلىمدىق جوبالارى تۋرالى باياندادى. قازىرگى تاڭدا شىعىس قازاقستان وبلىسىندا قارجىلاندىرۋدىڭ بارلىق كوزدەرى ەسەبىنەن تۇرعىن ٴۇي قۇرىلىسىنا 18،6 ملرد تەڭگە ينۆەستيسيا باعىتتالعان. 195،1 مىڭ شارشى مەتر نەمەسە 1823 تۇرعىن ٴۇي پايدالانۋعا بەرىلدى، ونىڭ 629-ى — جەكە تۇرعىن ۇيلەر. 2018 جىلى باسپانانى پايدالانۋعا بەرۋ جوسپارى 8%-عا ٴوسىپ، 410،5 مىڭ م² قۇرادى. بۇدان ٴارى كولەمدەر ۇلعايتىلماق — 2021 جىلى 517،1 مىڭ م² قۇرايدى. العا قويىلعان ماقساتتارعا جەتۋ ٴۇشىن، وبلىستا 2018–2020 جىلدارى 184 ٴۇي (15 905 پاتەر) سالۋ كوزدەلگەن. قازىرگى تاڭدا 81 كوپپاتەرلى تۇرعىن ٴۇي (6 497 پاتەر) سالىنىپ جاتىر، ونىڭ ٴ45-ىن (3576 پاتەر) بيىل پايدالانۋعا بەرۋ جوسپاردا بار. 2018 جىلى ينجەنەرلىك-كوممۋنيكاسيالىق ينفراقۇرىلىمدى جۇرگىزۋمەن وسكەمەندە 54 جەكە ٴۇي (5،1 مىڭ م²) جانە سەمەيدە 50 جەكە ٴۇي (5 مىڭ م²) قۇرىلىسى باستالدى.

بۇدان وزگە، پرەمەر-مينيستر قاراعايلى تۇرعىن اۋدانىنىڭ ماڭىندا 320 ورىنعا ارنالعان بالاباقشاعا بارىپ، مەكتەپكە دەيىنگى ٴبىلىم بەرۋ ساپاسىمەن تانىستى. بۇل بالاباقشا مەملەكەتتىك-جەكەمەنشىك ارىپتەستىك اياسىندا سالىنىپ، بيىل تامىز ايىندا اياقتالدى. مەملەكەت باسشىسىنىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» جولداۋىندا اتاعان تاپسىرمالارىن ىسكە اسىرۋ تۇرعىسىنان ساپالى ٴبىلىم بەرۋ قىزمەتتەرىن ۇسىنۋعا قاجەتتى بارلىق جاعدايلار جاسالعان. ب. ساعىنتايەۆ بالالاردىڭ جان-جاقتى دامۋىنا باعىتتالعان جاڭا ٴبىلىم بەرۋ تەحنولوگيالارىمەن تانىستى. سونىمەن قاتار، تاربيەشىلەر وزدەرىنىڭ كاسىبي قىزمەتىندە زياتكەرلىك دامۋدىڭ جاڭا ۇلگىسىنە سايكەس كەلەتىن ادىستەمەلىك قۇرالداردى، وقىتۋدىڭ تاسىلدەرى مەن امالدارىن قولداناتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي