BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

رەسەيدە "بالاپان" ارناسىنىڭ جاڭا ماۋسىمىنىڭ تۇساۋى كەسىلدى

رف تۇمەن وبلىسى، baq.kz ٴتىلشىسى. رەسەيدىڭ يشيم قالاسىندا «بالاپان» تەلەارناسىنىڭ 2018-2019 جىلدارداعى جاڭا تەلەماۋسىمىنىڭ تۇساۋكەسەرى ٴوتتى.

ۇلتتىق قۇندىلىقتارىمىزدى دارىپتەپ، بالالاردىڭ بويىنا قازاق ٴتىلىنىڭ قادىر-قاسيەتىن ٴسىڭىرىپ جۇرگەن بالاپان تەلەارناسى بيىل كورەرمەندەرىنە 8 تىڭ جوبا ۇسىندى. سونىمەن قاتار، تەلەارنا ٴوز باعدارلاماسىنا bbس kids، kika tv، كارۋسەل سىندى شەتەلدىك بالالار ارنالارىمەن ارىپتەستىك نەگىزىندە كىشكەنتاي كورەرمەندەرى قىزىقتىراتىن ٴتۇرلى جانر مەن باعىت قوستى. اشىلعانىنا 8 جىل بولعان تەلەارنا يشيم قالاسىنىڭ تۇرعىندارىنا بالالاردىڭ ٴوي-ورىسىن دامىتىپ، ۇلتتىق تاربيە بەرەتىن سان ٴتۇرلى تانىمدىق باعدارلامالاردى تانىستىردى.

«پەتروپاۆلدا وتكەلى جاتقان ٴوڭىرارالىق ىنتىمىقتاستىق فورۋم – ەكى مەملەكەت اراسىنداعى بايلانىستىڭ كوكجيەگىن كەڭەيتە تۇسەدى دەگەن سەنىمدەمىن. جانە بالاپان تەلەارناسىنىڭ جاڭا ماۋسىمىنىڭ ونىمدەرىن تانىستىرۋ ٴراسىمى وسى اۋقىمدى جيىن الدىندا ٴوتىپ وتىرعانى ٴبىز ٴۇشىن ۇلكەن مارتەبە. تانىستىرىلىمنىڭ بۇل قالادا وتكىزىلىپ جاتقاندىعىنىڭ ماقساتى ٴبىزدىڭ قازاقستاندىق تەلەونىمدەردى تۇتىناتىن كورەرمەندەر اياسىن كەڭەيتۋ. بۇگىنگى كەزدەسۋدەن كەيىن يشيم قالاسىندا دا، بالاپان، قازسپورت، قازاقستان تەلەارنالارىنىڭ كورەرمەندەرى كوبەيەدى دەگەن سەنىمدەمىن»، - دەيدى وبلىستىق «qyzyljar» تەلەارناسى ديرەكتورىنىڭ ورىنباسارى بايان قاليەۆا.

بالاپان تەلەارناسىنداعى باعدارلامالار، اتاپ ايتقاندا، «ەرتەمىر»، «ايدار»، «دالا ويىندارى» سىندى انيماسيالىق جوبالار بالانىڭ اقىل-ويىن دامىتىپ، ٴبىلىم اياسىن كەڭەيتۋگا باعىتتالعان.

«بالالارىمىز جاستايىنان ورىس بالاباقشالارىنا بارادى. ودان كەيىن ورىس ٴتىلدى مەكتەپتە ٴبىلىم الادى. سوندىقتان، قازاق ٴتىلىن ٴتيىستى دەڭگەيدە بىلمەيتىندەر كوپ. بالاپان تەلەارناسى بالالارعا عانا ەمەس، ەرەسەكتەر دە ٴتىلدى مەڭگەرۋگە سەپتەسەدى. سەبەبى ونىڭ ٴتىلى جەڭىل، ۇعىنىقتى»، - دەيدى يشيم قالاسىنىڭ تۇرعىنى حالەل وماروۆ.

شارا بارىسىندا بالالارعا «بالاپان» تەلەارناسىنىڭ جاڭا ماۋسىمدا كورسەتىلەتىن جوبالارى تانىستىرىلدى. تەلەارنا نd فورماتتا تاۋلىگىنە 17 ساعات حابار تاراتادى. سونىمەن قاتار، تەلەارنا مۋلتفيلمدەرىن «قازاقستان تۆ» ٴموبيلدى قوسىمشاسىن جۇكتەۋ ارقىلى، ونلاين تۇردە كورۋگە بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي