BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

رەسەي «بايقوڭىردان» ٴبىرجولا كەتۋدى جوسپارلاپ وتىرعان جوق – كوشەربايەۆ

استانا، baq.kz ٴتىلشىسى. قىزىلوردا وبلىسىنىڭ اكىمى قىرىمبەك كوشەربايەۆ رەسەي تاراپى «بايقوڭىردان» ٴبىرجولا كەتۋدى جوسپارلاپ وتىرماعانىن ٴمالىم ەتتى.

الدىمەن ٴوڭىر باسشىسى قازاقستان مەن رەسەيدىڭ بايقوڭىر قالاسىندا ارنايى ەكونوميكالىق ايماق قۇرۋ ماسەلەسىنە قاتىستى ٴوز پىكىرىن ٴبىلدىردى.

«تاعى ٴبىر ماسەلە كوتەرىلىپ وتىر. ونى ەندى (قازاقستان مەن رەسەيدىڭ - اۆتور) مەملەكەت باسشىلارى قارايدى دەگەن ۇمىتتەمىز. ۇكىمەتارالىق كوميسسياعا ۇسىنىس بەرىلدى. (بايقوڭىردا – اۆتور) ارنايى ەكونوميكالىق ايماق قۇرۋ بويىنشا. ويتكەنى، بايقوڭىرعا ينۆەستيسيا سالۋعا نيەتتى مەملەكەتتەر كوپ. مىسالى، بىرىككەن اراب امىرلىكتەرى، قىتاي جانە ت.ب. ەلدەر بار. رەسەي مەن اقش اراسىنداعى سانكسيالارعا قاراماستان قازاقستاننىڭ تەرريتورياسى ارنايى ەكونوميكالىق ايماق بولسا، سالىقتىق پرەفەرەنسيالار قارجى سالۋعا مۇمكىندىك بەرەدى»، - دەدى وبلىس اكىمى وقك-دە وتكەن بريفينگتە.

سونداي-اق قىرىمبەك كوشەربايەۆ رەسەيدىڭ «بايقوڭىر» عارىش ايلاعىنان ٴبىرجولا كەتۋدى جوسپارلاپ وتىرماعانىن اتاپ ٴوتتى.

«رەسەيلىكتەر «بايقوڭىرداعى» بارلىق جۇمىستى ٴبىتىرىپ، «ۆوستوچنىي» عارىش ايلاعىنا كوشەمىز دەپ وتىرعان جوق. ولار كوپتەگەن جوباسىن «بايقوڭىر» ارقىلى ىسكە اسۋىنا مۇددەلى ەكەنىن ايتىپ وتىر. ويتكەنى، عارىش ايلاعىنىڭ ورنالاسۋى جانە بارلىق جاعىنان العاندا «بايقوڭىر» ٴتيىمدى. سوندىقتان پەتروپاۆل قالاسىندا 9-قاراشادا وتەتىن جيىندا «بايقوڭىر» عارىش ايلاعىن جالعا بەرۋ مۇمكىندىگىن ودان ٴارى جالعاستىرۋ تۋرالى شەشىم قابىلدانادى دەپ كۇتىلۋدە»، - دەپ تۇيىندەدى ٴسوزىن ٴوڭىر باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي