BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

پەتروپاۆلدا «جەلكەندى قايىق» كلۋبى اشىلادى

فوتو: автор

پەتروپاۆلدا بۇعان دەيىن جەكەمەنشىكتە بولعان پەستروە كولى مەملەكەت مەنشىگىنە قايتارىلىپ، جاعالاۋى اباتتاندىرىلدى. جاڭارتىلعان جاعاجايدا بولاشاقتا «جەلكەندى قايىق» كلۋبىن اشۋدى جوسپارلاۋدا، دەپ حابارلايدى «baq.kz» ايماقتاعى ٴتىلشىسى.

سولتۇستىك قازاقستان وبلىسىنىڭ اكىمى قۇمار اقساقالوۆ پەستروە جاعالاۋىنىڭ اباتتاندىرۋ جۇمىستارىمەن تانىستى. جاز مەزگىلىندە جاعاجاي قالپىنا كەلتىرىلىپ، بالالار الاڭقايى، شامدار ورناتىلىپ، كولىك تۇراعى سالىنعان. بۇرىن جاعاجايدا ٴبىر ۋاقىتتا مىڭ ادام دەمالسا، ەندى جاڭا جاعاجايدا 2 مىڭ ادامدى ەركىن تىنىعا الادى.

«بۇرىن قاراۋسىز قالىپ، قامىس ٴوسىپ جاتقان 21 مىڭ شارشى مەتر جەرگە 31 مىڭ تەكشە مەتر قۇم توسەلدى. وسىلايشا جاعاجاي حالىق دەمالىسىن كوڭىلدى وتكىزەتىن كورىكتى جەرگە اينالدى. بۇل ىسكە مەملەكەتتىك قازىنادان 58 ملن. تەڭگە ٴبولىندى. الاڭنىڭ 5400 شارشى مەترىنە كەسپەتاس توسەلدى. ودان بولەك اباتتاندىرۋ جۇمىستارى جۇرگىزىلىپ، بالالار الاڭىن، ەكى جەردەن شاتىر ورناتتىق» - دەدى پەتروپاۆل قالاسىنىڭ اكىمى مارات تاسماعامبەتوۆ.

سونداي-اق، 50 شام ورناتىلىپ، 100 تال ەگىلدى، 2 كولىك تۇراعى دا اشىلدى. جاعاجاي بۇرىن جەكەمەنشىك قولدا بولعاندىقتان نىساندا ٴتيىستى جۇمىستاردى جۇرگىزبەگەن.

«جاعاجايعا كەلۋشىلەر سانى 2 ەسە ارتاتىنىنا سەنىمدىمىن. مۇندا «جەلكەندى قايىق» كلۋبىن اشىپ، بالالارعا كىشكەنتاي قايىقتاردى باسقارۋدى ۇيرەتەمىز. ٴالى دە اتقارىلاتىن جۇمىس بارشىلىق، كولدى تازالايمىز. سونىمەن قاتار وسى ماڭداعى ماقساتسىز پايدالانىپ جاتقان جەرلەردى مەملەكەت مەنشىگىنە قايتارىپ، تۇرعىندار يگىلىگىنە جارايتىن نىساندار اشامىز. بۇل جەردە ٴار ٴتۇرلى مادەني شارالار وتكىزۋگە بولادى»، - دەدى سولتۇستىك قازاقستان وبلىسىنىڭ اكىمى قۇمار اقساقالوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي