BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

پەتروپاۆلدا جاڭا تەننيس ورتالىعى اشىلدى

پەتروپاۆل، baq.kz. بۇگىن مەملەكەتتىك-جەكە مەنشىك سەرىكتەستىك اياسىندا پەتروپاۆل قالاسىندا امبەباپ تەننيس ورتالىعى اشىلدى.

سولتۇستىك قازاقستان وبلىسى اكىمدىگى مەن fortebank بىرلەسىپ سپورت نىسانىنا 1،7 ملرد. تەڭگە ينۆەستيسيا سالعان. جەرگىلىكتى اكىمدىك پەن قارجى ۇيىمىنىڭ ارىپتەستىگىمەن جۇزەگە اسقان نىساننىڭ قۇرىلىسى وتكەن جىلدىڭ ٴساۋىر ايىندا باستالىپ، بۇگىندە جايلى سپورت ورتالىعى قالالىقتارعا پايدالانۋعا بەرىلدى.

بۇل جوباعا ەلدەگى بالالار تەننيسىن دامىتۋ بويىنشا بەلسەندى جۇمىس جۇرگىزىپ جاتقان قازاقستان تەننيس فەدەراسياسى باستاماشى بولعان.

«قازاقستاندا تەننيس ويىنى جوعارى دەڭگەيدە تانىلىپ كەلەدى. جاڭا ورتالىقتا 250-دەن استام بالا شۇعىلدانادى. 2019 جىلدىڭ ٴبىرىنشى جارتىسىندا پەتروپاۆلدا atf سەرياسى ٴتۋرنيرى، ال 2019 جىلدىڭ ەكىنشى جارتىسىندا itf سەرياسى حالىقارالىق ٴتۋرنيرى وتەدى. ەندى سپورتشى جەتكىنشەكتەر ەلىمىزدەگى تۋرنيرلەرگە قاتىسىپ قانا قويماي، جاقىن جانە الىس شەتەلدەردىڭ كاسىبي تەننيسشىلەرىن باقىلاۋعا مۇمكىندىكتەرى بار»، – دەپ ٴتۇسىندىردى تەننيس فەدەراسياسىنىڭ ۆيسە-پرەزيدەنتى دياس دوسقارايەۆ..

ەكى قاباتتى كەشەنگە ٴتورت جابىق جانە ٴۇش اشىق كورت، 1 200 كورەرمەنگە ارنالعان تريبۋناسى بار ورتالىق كورت كىرەدى. جوبانىڭ جالپى اۋدانى – 7 239 شارشى مەتر.

«ٴبىز وسىنداي ماڭىزى زور جانە ادەمى جوبانىڭ قاتىسۋشىسى بولعانىمىزعا قۋانىشتىمىز. الەۋمەتتىك جوبالاردى قارجىلاندىرۋ ٴبىزدىڭ قىزمەتىمىزدىڭ ماڭىزدى قۇرامداس بولىگى بولىپ تابىلادى، جاڭا سپورت ورتالىعى كاسىبي سپورتشىلاردى دايارلاۋ بويىنشا قازىرگى زامانعى جاتتىعۋ بازاسى عانا ەمەس، پەتروپاۆل تۇرعىندارى اراسىندا تانىمال بولادى دەپ سەنەمىن»، - دەيدى fortebank باسقارماسىنىڭ ٴتوراعاسى گۋرام اندرونيكاشۆيلي.

جاڭا سپورت كەشەنىندە كاسىبي جانە اۋەسقوي تەننيسپەن اينالىسۋ ٴۇشىن بارلىق جاعداي جاسالعان.

«ەلباسى تاپسىرماسىمەن قولعا الىنعان مەملەكەتتىك-جەكە مەنشىك سەرىكتەستىك اياسىنداعى الەۋمەتتىك ماڭىزدى جوبانى جۇزەگە اسىرۋ – بىرەگەي تەننيس ورتالىعىن سالۋ ٴبىزدىڭ بانكپەن ىنتىماقتاستىعىمىزدىڭ ٴبىر مىسالى بولىپ تابىلادى، ول بۇگىنگى كۇننەن باستاپ قالا تۇرعىندارىنا جايلى تەننيس كورتتارىندا، ۆولەيبول جانە باسكەتبول الاڭدارىندا ۋاقىت وتكىزۋگە مۇمكىندىك بەرەدى»، - دەپ اتاپ ٴوتتى قۇمار اقساقالوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي