BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

پەتروپاۆلدا سۇرىلگەن ۇيلەردىڭ يەسىن الداپ اقشا تاپقان مەمقىزمەتشىلەر سوتتالدى

فوتو: автор

پەتروپاۆل، baq.kz ٴتىلشىسى. قالا تۇرعىندارىن الداپ-ارباۋمەن اقشا تاپقان قىلمىستىق توپ سوتتالدى. «جاس وركەن» شاعىن اۋدانىندا ۇيلەردىڭ سۇرىلەتىنىن بىلگەن قالالىق اكىمدىك قىزمەتكەرلەرى ەسكى باسپانالاردى ساتىپ الىپ، كەيىن جايلى پاتەرلەرگە اۋىستىرىپ العان. قىلمىستىق توپ مەملەكەتكە 213 ميلليون تەڭگەدەن استام سوماعا زالال كەلتىرگەن.

پەتروپاۆل قالالىق اكىمدىگىنىڭ ٴتۇرعىن-ۇي كوممۋنالدىق شارۋاشىلىق ٴبولىمى جەتەكشىسىنىڭ مىندەتىن اتقارۋشى بالدىرعان ومىرسەيىتوۆا 2014-2017 جىلدار ارالىعىندا بۇرىنعى «دسر» اۋدانى، قازىرگى «جاس وركەن» اۋدانىنداعى جەر تەلىمدەرى جاڭا ۇيلەر سالۋ ماقساتىندا مەملەكەت مەنشىگىنە قايتارىلاتىنىن بىلگەن.

«پىسىقاي» باستىق ارنايى جوسپار قۇرىپ، بۇل ىسكە ٴوزىنىڭ قولاستىندا جۇمىس ىستەيتىن جانار ەسەتوۆا، ونىمەن بىرگە تۇراتىن ساعدي مەدەت جانە ٴوزىنىڭ كۇيەۋى قوبىلان ومىرسەيىتوۆتى تارتقان. وسىلايشا قالمىستىق توپ مەملەكەت مەنشىگىنە قايتارىلاتىن ۋچاسكەلەردەگى جەر تەلىمدەرى مەن ەسكى ۇيلەردى وزدەرىنىڭ «سەنىمدى ادامدارى» ارقىلى ساتىپ الىپ وتىرعان. كەي جەردى راسىمدەۋ ارقىلى ٴوز مەنشىكتەرىنە اينالدىرعان.

زاڭسىز تابىستى ەسەلەۋ ماقساتىندا ساتىپ الىنعان ۇيلەردىڭ كەيبىرىن ٴبىر ەمەس، ەكى قوجايىنعا راسىمدەگەن. وسىلايشا، مەملەكەتتەن ٴبىر ٴۇيدىڭ ورنىنا بىرنەشە پاتەر العان. جىلجىمايتىن مۇلىكتىڭ بۇرىنعى يەلەرىن ۇيلەرىنىڭ سۇرىلەتىنىن، اكىمدىك تاراپىنان ەشقانداي وتەماقى تولەنبەيتىنىن ايتىپ، الداپ، ساۋداعا كوندىرگەن.

2014 جىلى اتالعان اۋداندا جالعازباستى ايەلدىڭ ٴۇيى ورتەنگەن. شاراسىز تۇرعىن كومەك سۇراۋ ماقساتىندا قالالىق اكىمدىككە كەلەدى. ونى قابىلداعان ومىرسەيىتوۆا مەملەكەتتىڭ جاردەم بەرۋگە قاۋقارى جوق ەكەنىن ايتىپ، شىعارىپ سالعان. ارادا بىرەر كۇن وتكەن سوڭ قالالىق اكىمدىك قىزمەتكەرى كومەك سۇراپ كەلگەن ايەلگە ٴوزى حابارلاسىپ، ٴوز تاراپىنان جاردەمدەسكىسى كەلەتىنىن ايتقان. شاراسىز جاندى الداپ-ارباپ، ونىڭ ورتەنگەن ٴۇيىن باسقا باسپاناعا ايىرباستاۋدى ۇسىنادى. امالى قۇرىعان ايەل ۇسىنىلعان ەسكى ۇيدەگى ەكى بولمەلى پاتەرگە ايىرباسقا قۋانا كەلىسەدى. ول كەزدە جاپا شەگۋشى كۇيگەن ٴۇيىنىڭ ورنىنا بولاشاقتا مەملەكەت تاراپىنان پاتەر بەرىلەتىنىن بىلمەگەن.

قىلمىستىق توپتىڭ زاڭسىز ارەكەتىن اشكەرە ەتكەن دە وسى جاعداي. ٴوزىنىڭ الدانعانىن كەيىن بىلگەن ايەل قۇزىرلى ورگاندارعا شاعىمدانعان.

«اكىمدىككە بارعانىمدا ومىرسەيىتوۆا ماعان مەملەكەت تاراپىنان كومەك بەرىلمەيتىنىن ايتتى. كەيىن ول ٴوزى حابارلاسىپ، جاردەمدەسكىسى كەلەتىنىن ٴبىلدىردى. مەنىڭ ورتەنگەن ٴۇيمىنىڭ ورىنا ەسكى بولسا دا، ەكى بولمەلى پاتەر ۇسىنعانى كۇدىك تۋدىردى. ٴبىراق سول كەزدە دالادا قالعان مەن ٴۇشىن ٴتيىمدى ايىرباس بولعاسىن قۋانا كەلىستىم»، - دەيدى جاپا شەگۋشى.

قالالىق اكىمدىكتىڭ ٴبولىم جەتەكشىسى باستاعان توپ وسىلايشا، ٴارتۇرلى جولمەن 10 ٴۇيدى ٴوز مەنشىكتەرىنە وتكىزگەن.

پەتروپاۆل قالالىق سوتى ەسەتوۆا جانار ٴۋاليحانقىزىن 6 جىلعا، ساعدي باقىتجان ۇلىن 6 جىلعا، ومىرسەيىتوۆ قوبىلان قۇنانباي ۇلىن 6 جىلعا، ومىرسەيىتوۆا بالدىرعان جاقسىلىققىزىن 8 جىلعا باس بوستاندىعىن ايىرۋ جونىندە ۇكىم شىعاردى. قىلمىستىق توپتىڭ بارلىق مۇشەسى مەملەكەتتىك قىزمەتتەن شەتتەتىلدى. سوت شەشىمىنە سايكەس، قىلمىسكەرلەردىڭ جەكە مۇلكى تاركىلەنەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي