BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

پەتروپاۆلدا اگروتەحنولوگيالىق پارك اشىلدى

فوتو: Автор

پەتروپاۆلدا اگروتەحنيكالىق پارك اشىلدى. اتالعان جوبا – م.قوزىبايەۆ اتىنداعى سولتۇستىك قازاقستان مەمەلكەتتىك ۋنيۆەرسيتەتى مەن قىتاي حالىق رەسپۋبليكاسى شانسي پروۆينسياسىنىڭ سولتۇستىك-باتىس اۋىل جانە ورمان شارۋاشىلى ۋنيۆەرسيتەتىنىڭ بىرلەسكەن جۇمىسىنىڭ ناتيجەسى، دەپ حابارلايدى baq.kz ايماقتاعى ٴتىلشىسى.

م.قوزىبايەۆ اتىنداعى سقمۋ-دە بيىل 18 جاڭا ماماندىق اشىلدى. جوعارى وقۋ ورنىندا 7 مىڭنان استام ستۋدەنت ٴبىلىم الادى. جاڭا وقۋ جىلىنان اگروتەحنيكالىق فاكۋلتەت ٴوز جۇمىسىن باستادى. اۋىل شارۋاشىلىعى سالاسىنا مامان دايارلاۋ - قىتايلىق عالىمدارمەن بىرلەسە وتىرىپ جۇزەگە اسىرىلماق. ەكى ەلدىڭ ۋنيۆەرسيتەتتەرى ارىپتەستىك جونىندەگى قۇجاتتارعا قول قويدى.

«اگروتەحنيكالىق پارك اشۋداعى باستى ماقسات – جاڭا تەحنولوگيالاردى مەڭگەرۋ، جەرگىلىكتى جاعدايعا بەيىمدەۋ. ٴتۇرلى داقىلداردى سىناقتان وتكىزەمىز. ولاردى سولتۇستىك قازاقستاننىڭ تابيعاتىنا بەيىمدەۋ جولدارىن زەرتتەيمىز. تاجىريبەلىك جۇمىستاردى مامىردا باستاپ كەتكەنبىز. بولاشاقتا وسى باعىتتا ەڭبەكتەنەمىز»، - دەيدى م.قوزىبايەۆ اتىنداعى ٴسقمۋ-نىڭ اگروتەحنيكالىق فاكۋلتەتىنىڭ دەكانى التىن شاياحمەتوۆا.

ەكى ەل اراسىنداعى ارىپتەستىك اياسىندا ٴسقمۋ-نىڭ اگروتەحنولوگيالىق فاكۋلتەتىنىڭ ستۋدەنتتەرى قحر شانسي پروۆينسياسىنداعى سولتۇستىك-باتىس اۋىل جانە ورمان شارۋاشىلىعى ۋنيۆەرسيتىندە 6 اي بويى ٴبىلىم الادى. ولار توپىراقتىڭ ەرەكشەلىگى مەن كليماتتىڭ كەرى اسەرىن ەسكەرە وتىرىپ مول ٴونىم الۋ جولدارىن مەڭگەرەدى.

«ٴبىزدىڭ پروۆينسيا ٴشولدى جەردە ورنالاسقان، سوندىقتان اۋىلشارۋاشىلىعى سالاسىنىڭ ماماندارىن دايارلايتىن ٴبىزدىڭ ۋنيۆەرسيتەت ٴشول دالاداعى ەگىستىكتەن مول ٴونىم الۋ ماسەلەلەرىن زەرتتەيدى. سولتۇستىك قازاقستان مەملەكەتتىك ۋنيۆەرسيتەتى جانىنداعى اگروبيوستانسيادا قىتاي ماماندارى شىعارعان بيداي، زىعىر، بۇرشاق، كارتوپ جانە تاعى باسقا داقىلدار مەن كوكونىستەر زەرتتەلىپ، جاقسى ناتيجە كورسەتكەن جاعدايدا، تۇقىم جەرگىلىكتى شارۋاشىلىقتارعا بەرىلەدى»، - دەيدى قحر شانسي پروۆينسياسىنىڭ سولتۇستىك-باتىس اۋىل جانە ورمان شارۋاشىلى ۋنيۆەرسيتەتىنىڭ كەڭەس ٴتوراعاسى لي سيۆان.

جەرگىلىكتى ماماندار ەكى ەل اراسىنداعى ارىپتەستىك عىلىم سالاسىندا جاقسى ناتيجە بەرەتىنىنە سەنىم ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي